ತ್ರಿಶೂರ್ ನಲ್ಲಿ ಹುಲಿ ವೇಷ ಕುಣಿತದಲ್ಲಿ ಬಲಾವಣೆ ಇಲ್ಲ; ಪ್ರವಾಸೋದ್ಯಮ ಇಲಾಖೆ ಅಧಿಕೃತ ಕಾರ್ಯಗಳು ಮಾತ್ರ ರದ್ದು

           ತ್ರಿಶೂರ್: ನಾಳೆ ತ್ರಿಶೂರ್ ನಲ್ಲಿ ಹುಲಿವೇಷ ಕುಣಿತ ನಡೆಸಲು ನಿರ್ಧರಿಸಲಾಗಿದೆ. ತ್ರಿಶೂರ್‍ನ ಗುಂಪುಗಳು ಹುಲಿವೇಷ ಕುಣಿತ ಮುಂದೂಡದಿರಲು ನಿರ್ಧರಿಸಿದವು.
           ಬ್ರಿಟನ್‍ನ ರಾಣಿ ಎಲಿಜಬೆತ್ ಅವರ ನಿಧನದ ನಂತರ ಭಾನುವಾರ ಅಧಿಕೃತ ಶೋಕಾಚರಣೆಯನ್ನು ಘೋಷಿಸಿದ ಹಿನ್ನೆಲೆಯಲ್ಲಿ ಅನಿಶ್ಚಿತತೆ ಉಂಟಾಗಿದೆ. ಸಚಿವರು ಹಾಗೂ ಜನಪ್ರತಿನಿಧಿಗಳು ಭಾಗವಹಿಸುವ ಅಧಿಕೃತ ಕಾರ್ಯಕ್ರಮಗಳನ್ನು ರದ್ದುಪಡಿಸಲಾಗುವುದೆಂದು  ಪ್ರವಾಸೋದ್ಯಮ ಇಲಾಖೆ ಮಾಹಿತಿ ನೀಡಿದೆ. ಕಲಾ ಕಾರ್ಯಕ್ರಮಗಳಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ಪ್ರವಾಸೋದ್ಯಮ ಇಲಾಖೆ ತಿಳಿಸಿದೆ.
         ನಾಳೆ ಪುಲಿಕಳಿ ನಡೆದರೆ ಅಧಿಕೃತವಾಗಿ ಭಾಗವಹಿಸುವುದಿಲ್ಲ ಎಂದು ಪುಲಿಕಳಿ ಗುಂಪುಗಳಿಗೆ ಜಿಲ್ಲಾಧಿಕಾರಿ ನೇರವಾಗಿ ತಿಳಿಸಿದ್ದರು. ಜಿಲ್ಲಾಡಳಿತವೂ ಹುಲಿವೇಷ ಗುಂಪುಗಳಿಂದಲೇ ತೀರ್ಮಾನ ಕೈಗೊಳ್ಳುವಂತೆ ಸೂಚನೆ ನೀಡಿದೆ. ಹುಲಿ ಆಟಕ್ಕೆ ಬೇಕಾದ ಎಲ್ಲ ಸಿದ್ಧತೆಗಳನ್ನು ತಂಡಗಳು ಆರಂಭಿಸಿದ್ದವು. ಹೀಗಿರುವಾಗ ಹುಲಿ ಆಟ ಮುಂದೂಡಿದರೆ ಭಾರಿ ನಷ್ಟವಾಗುತ್ತದೆ ಎಂಬ ಅಂಶವನ್ನು ಮುಂದಿಟ್ಟುಕೊಂಡು ಮುನ್ನಡೆಯಲು ನಿರ್ಧರಿಸಲಾಯಿತು. ಐದು ಗುಂಪುಗಳಲ್ಲಿ ಇನ್ನೂರೈವತ್ತಕ್ಕೂ ಹೆಚ್ಚು ಹುಲಿವೇಷ ಕಲಾವಿದರು ಭಾಗವಹಿಸುತ್ತಿದ್ದಾರೆ.