ವೀಣಾ ಜಾರ್ಜ್ ಅದ್ಭುತ ಸಚಿವೆ: ಸಚಿವೆಯನ್ನು ಮುಕ್ತಕಂಠದಿಂದ ಹೊಗಳಿ ಅಚ್ಚರಿ ಮೂಡಿಸಿದ ವೆಲ್ಲಾಪಳ್ಳಿ

            ಪತ್ತನಂತಿಟ್ಟ: ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಅವರನ್ನು ಎಸ್‍ಎನ್‍ಡಿಪಿ ಸಭೆಯ ಪ್ರಧಾನ ಕಾರ್ಯದರ್ಶಿ ವೆಲ್ಲಾಪಳ್ಳಿ ನಟೇಶನ್ ಹೊಗಳಿದ್ದಾರೆ.
            ಸಚಿವರನ್ನು ವೇದಿಕೆ ಮೇಲೆ ಕೂರಿಸುವ ಮೂಲಕ ವೆಲ್ಲಪ್ಪಳ್ಳಿ ಹೊಗಳಿದ್ದಾರೆ. ಕೇರಳದ ಆರೋಗ್ಯ ಕ್ಷೇತ್ರದ ನಿರ್ಲಕ್ಷ್ಯ ಮತ್ತು ರೇಬಿಸ್‍ನಂತಹ ವಿಷಯಗಳಲ್ಲಿ ಆರೋಗ್ಯ ಇಲಾಖೆ ತೋರುತ್ತಿರುವ ಅಸಡ್ಡೆ ಟೀಕೆಗೆ ಗುರಿಯಾಗಿರುವಾಗಲೇ ಎಸ್‍ಎನ್‍ಡಿಪಿ ಪ್ರಧಾನ ಕಾರ್ಯದರ್ಶಿ ವೀಣಾ ಜಾರ್ಜ್ ಅವರನ್ನು ಹೊಗಳಿರುವುದು ಅಚ್ಚರಿಗೆ ಕಾರಣವಾಗಿದೆ.
             ವೀಣಾ ಜಾರ್ಜ್ ಅದ್ಭುತ ಸಚಿವೆ. ಆದರೆ ಕೇರಳದಲ್ಲಿ ವೀಣಾ ಜಾರ್ಜ್ ಏನು ಮಾಡಿದರೂ ಅಪರಾಧ ಎನ್ನುವಂತಹ ರಾಜಕೀಯ ವಾತಾವರಣವಿದೆ ಎಂದು ವೆಲ್ಲಾಪ್ಪಳ್ಳಿ ಅಭಿಪ್ರಾಯಪಟ್ಟಿದ್ದಾರೆ. ಆರೋಗ್ಯ ಸಚಿವರμÉ್ಟೀ ಅಲ್ಲ ಕೊನ್ನಿ ಶಾಸಕರನ್ನೂ ವೆಲ್ಲಪ್ಪಳ್ಳಿ ಹೊಗಳಿದರು. ಜನೀಶ್ ಕುಮಾರ್ ಜನಪ್ರಿಯ ಶಾಸಕ. ಇನ್ನು ಜನೀಶ್ ಅವರನ್ನು ಮೀರಿ ಹೊಸಬರು ಬರಲು ಸಾಧ್ಯವಿಲ್ಲ ಎಂದು ವೆಲ್ಲಾಪಳ್ಳಿ ಹೇಳಿದ್ದಾರೆ.
               ಹಿಂದುಳಿದ ಮೀಸಲಾತಿಯನ್ನು ಈ ಸಂದರ್ಭ ವೆಲ್ಲಾಪಳ್ಳಿ ಟೀಕಿಸಿದರು. ಮುಂಬಡ್ತಿ ಮೀಸಲಾತಿ ಹಿಂದುಳಿದವರನ್ನು ಮತ್ತೆ ಹಿಂದಕ್ಕೆ ಹಾಕಿದೆ ಎಂದು ವೆಲ್ಲಪ್ಪಳ್ಳಿ ಆರೋಪಿಸಿದರು. ಇತರ ಸಮುದಾಯಗಳು ಸಂಘಟಿತರಾದಾಗ ಹೊಗಳುವವರು, ಈಳವರು ಸಂಘಟಿತರಾದಾಗ ಜಾತಿ ಹೇಳುತ್ತಾರೆ ಎಂದು ಟೀಕಿಸುತ್ತಾರೆ ಎಂದೂ ಅವರು ಹೇಳಿದ್ದಾರೆ.  ಶಿಕ್ಷಣ ಕ್ಷೇತ್ರದಲ್ಲಿ ಈಳವರಿಗೆ ನ್ಯಾಯ ಸಿಗುತ್ತಿಲ್ಲ ಎಂದು ವೆಲ್ಲಾಪಳ್ಳಿ ನಟೇಶನ್ ಆರೋಪಿಸಿದರು.