ಪಾಪ್ಯುಲರ್ ಫ್ರಂಟ್ ಕಣ್ಣೂರು ಜಿಲ್ಲಾಧ್ಯಕ್ಷನ ಬಂಧನ; ಹರತಾಳ ನೆಪದಲ್ಲಿ ಗಲಭೆಗೆ ಯತ್ನಿಸಿದ್ದಕ್ಕೆ ಕ್ರಮ

            
            ಕಣ್ಣೂರು: ಕಣ್ಣೂರಿನಲ್ಲಿ ಪಾಪ್ಯುಲರ್ ಫ್ರಂಟ್ ನಾಯಕನ ಬಂಧನ ನಡೆದಿದೆ. ಪಾಪ್ಯುಲರ್ ಫ್ರಂಟ್ ಕಣ್ಣೂರು ದಕ್ಷಿಣ ಜಿಲ್ಲಾಧ್ಯಕ್ಷ ನೌಫಲ್ ಸಿಪಿ ಬಂಧಿತ ಆರೋಪಿ.  ಈತನನ್ನು ಮಟ್ಟನ್ನೂರು ಪೆÇಲೀಸರು ನಿನ್ನೆ ಬಂಧಿಸಿದ್ದಾರೆ.
         ಜಿಲ್ಲೆಯ ಪಿ.ಎಫ್.ಐ  ಕಚೇರಿಗಳು ಮತ್ತು ಮುಖಂಡರ ಮನೆಗಳ ಮೇಲೆ ನಿನ್ನೆ ವ್ಯಾಪಕ ದಾಳಿ ನಡೆಸಲಾಗಿತ್ತು.  ಇದರ ಬೆನ್ನಲ್ಲೇ ಬಂಧನ ನಡೆದಿದೆ. ಹರತಾಳದ ನೆಪದಲ್ಲಿ ಹಿಂಸಾಚಾರಕ್ಕೆ ಕರೆ ನೀಡಿದ್ದಕ್ಕಾಗಿ ಆತನನ್ನು ಬಂಧಿಸಲಾಗಿದೆ
        ವಯನಾಡ್, ಪಾಲಕ್ಕಾಡ್ ಮತ್ತು ಆಲಪ್ಪುಳ ಜಿಲ್ಲೆಗಳಲ್ಲೂ ಪೋಲೀಸರು ವ್ಯಾಪಕ ದಾಳಿ ನಡೆಸಿದ್ದಾರೆ. ವಯನಾಡಿನ ಪಾಪ್ಯುಲರ್ ಫ್ರಂಟ್ ಕಾರ್ಯಕರ್ತನ ಅಂಗಡಿಯಿಂದ ಕತ್ತಿಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಪಾಲಕ್ಕಾಡ್ ನಗರವೊಂದರಲ್ಲೇ 20 ಪ್ರದೇಶಗಳಲ್ಲಿ ದಾಳಿ ನಡೆಸಲಾಗಿದೆ. ಶಂಕುವರತೋಡ್, ಬಿಒಸಿ ರಸ್ತೆ, ಚಟನಂಕುರುಸ್ಸಿ, ಕಲ್ಮಂಡಪಂ, ಒಲವಕೋಡ್, ಪಲಗುನ್ನಂ, ಪಲ್ಲಿಸ್ಟ್ರೀಟ್ ಪಾತಾಳಕರ, ಪೆರುಮ್ಕರ ಮತ್ತು ಪೂಕ್ಕರ ತೊಟ್ಟಂ ಮುಂತಾದ ಪ್ರದೇಶಗಳಲ್ಲಿ ದಾಳಿ ನಡೆಸಲಾಗಿದೆ.
             ಆಲಪ್ಪುಳದಲ್ಲಿರುವ ಎಸ್‍ಡಿಪಿಐ ಮುಖಂಡರ ಮನೆ ಮೇಲೆ ದಾಳಿ ನಡೆಸಿ ಬ್ಯಾಂಕ್ ಖಾತೆ ದಾಖಲೆಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಪುರಕ್ಕಾಡ್ ಪಂಚಾಯತ್ ಕಾರ್ಯದರ್ಶಿ ಸುನೀರ್ ಅವರ ಮನೆ ಮತ್ತು ಅಂಬಲಪುಳ ನೋರ್ತ್ ಪಂಚಾಯತ್ ಸದಸ್ಯ ನಜೀಬ್ ಅವರ ಮನೆಗೆ ಎಸ್ ಡಿಪಿಐ ಪರಿಶೀಲನೆ ನಡೆಸಿದರು. ಹರತಾಳ ಹಿಂಸಾಚಾರ ಪ್ರಕರಣದಲ್ಲಿ ಇಬ್ಬರನ್ನೂ ಬಂಧಿಸಲಾಗಿತ್ತು.