ಪಾಪ್ಯುಲರ್ ಫ್ರಂಟ್ ಕೇರಳದಲ್ಲಿ 'ಪ್ರಮುಖ ನಾಯಕರನ್ನು' ಕೊಲ್ಲುವ ಗುರಿ ಹೊಂದಿತ್ತು: ಎನ್‍ಐಎ ಬಳಿ ಸಾಕ್ಷ್ಯಾಧಾರ

           ಕೊಚ್ಚಿ: ಕೇರಳದ ಪ್ರಮುಖ ನಾಯಕರನ್ನು ಕೊಲ್ಲುವ ಗುರಿಯನ್ನು ಪಾಪ್ಯುಲರ್ ಫ್ರಂಟ್ ಹೊಂದಿತ್ತು ಎಂದು ಎನ್ಐಎ ಹೇಳಿದೆ. ಆರೋಪಿಗಳ ಮನೆಗಳಲ್ಲಿ ಪತ್ತೆಯಾದ ದಾಖಲೆಗಳು ಪಿತೂರಿಯ ಪುರಾವೆಯಾಗಿದೆ ಎಂದು ಎನ್‍ಐಎ ಬೆಟ್ಟು ಮಾಡಿದೆ. ಮೊನ್ನೆಯ ದಾಳಿಯಲ್ಲಿ ಬಂಧಿತ ಆರೋಪಿಗಳನ್ನು ಕಸ್ಟಡಿಗೆ ತೆಗೆದುಕೊಳ್ಳುವಂತೆ ನ್ಯಾಯಾಲಯಕ್ಕೆ ಸಲ್ಲಿಸಿರುವ ಅರ್ಜಿಯಲ್ಲಿ ಎನ್‍ಐಎ ಈ ವಿಷಯವನ್ನು ಬಹಿರಂಗಪಡಿಸಿದೆ.
        ಲಭ್ಯವಾಗಿರುವ ಸಾಕ್ಷ್ಯಗಳ ಬಗ್ಗೆ ವಿವರವಾದ ತನಿಖೆ ಅಗತ್ಯವಿದೆ. ಆರೋಪಿಗಳು ಭಾರತದಲ್ಲಿ ಇಸ್ಲಾಮಿಕ್ ಆಳ್ವಿಕೆಯನ್ನು ಸ್ಥಾಪಿಸಲು ಪ್ರಯತ್ನಿಸುತ್ತಿದೆ ಎಂದು ಕಸ್ಟಡಿ ಅರ್ಜಿಯಲ್ಲಿ ಹೇಳಲಾಗಿದೆ. ನ್ಯಾಯಾಲಯದ ಆವರಣದಲ್ಲಿ ಘೋಷಣೆ ಕೂಗಿದ ಆರೋಪಿಗಳಿಗೆ ನ್ಯಾಯಾಲಯ ಎಚ್ಚರಿಕೆ ನೀಡಿದೆ. ಇಂತಹ ಕ್ರಮ ಮರುಕಳಿಸಬಾರದು ಎಂದು ಎನ್ ಐಎ ಕೋರ್ಟ್ ಹೇಳಿದೆ. ಆರೋಪಿಗಳಿಗೆ ಏಳು ದಿನಗಳ ಕಾಲ ರಿಮಾಂಡ್ ನೀಡಲಾಗಿದೆ.
             ಬಿಹಾರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮೇಲೆ ದಾಳಿ ನಡೆಸಲು ಪಾಪ್ಯುಲರ್ ಫ್ರಂಟ್ ಯೋಜನೆ ರೂಪಿಸಿತ್ತು ಎಂದು ಜಾರಿ ನಿರ್ದೇಶನಾಲಯ ಬಹಿರಂಗಪಡಿಸಿದೆ. ಜುಲೈನಲ್ಲಿ ಬಿಹಾರದ ಪಾಟ್ನಾದಲ್ಲಿ ನಡೆದ ರ್ಯಾಲಿಯಲ್ಲಿ ಪ್ರಧಾನಿ ಹತ್ಯೆಗೆ ಯತ್ನಿಸಿದ್ದರು ಎಂದು ಶೇಫೀಕ್ ವಿರುದ್ಧದ ಇಡಿ ರಿಮಾಂಡ್ ವರದಿಯಲ್ಲಿ ಹೇಳಲಾಗಿದೆ. ಅವರು ಪ್ರಧಾನಿಯನ್ನು ಮಾತ್ರವಲ್ಲದೆ ಯುಪಿಯ ಕೆಲವು ನಾಯಕರನ್ನೂ ಕೊಲ್ಲಲು ಪ್ರಯತ್ನಿಸಿದರು ಎಂದು ವರದಿಯಲ್ಲಿ ಹೇಳಲಾಗಿದೆ. ಏತನ್ಮಧ್ಯೆ, ದೇಶ ವಿರೋಧಿ ಚಟುವಟಿಕೆಗಳಿಗಾಗಿ ಎನ್‍ಐಎ ಬಂಧಿಸಿರುವ 11 ಪಾಪ್ಯುಲರ್ ಫ್ರಂಟ್ ಕಾರ್ಯಕರ್ತರ ಕಸ್ಟಡಿ ಅರ್ಜಿಯನ್ನು ಕೊಚ್ಚಿಯ ಎನ್‍ಐಎ ನ್ಯಾಯಾಲಯ  ಪರಿಗÀಣಿಸುತ್ತಿದೆ.
         ಯುಎಪಿಎ ಅಡಿಯಲ್ಲಿ ಎನ್‍ಐಎ ಮಾಜಿ ಅಧ್ಯಕ್ಷ ಇ ಅಬೂಬಕರ್ ಸೇರಿದಂತೆ 18 ಜನರನ್ನು ಪೆÇಲೀಸರು ಬಂಧಿಸಿದ್ದಾರೆ. ಅವರನ್ನು ಎನ್‍ಐಎ ವಿಚಾರಣೆ ನಡೆಸುತ್ತಿದೆ. ಅವರನ್ನು ಎನ್‍ಐಎ ನಾಲ್ಕು ದಿನಗಳ ಕಾಲ ಕಸ್ಟಡಿಗೆ ತೆಗೆದುಕೊಂಡಿತ್ತು. ಮತ್ತಷ್ಟು ಬಂಧನಗಳು ನಡೆಯಲಿವೆ ಎಂಬ ಸೂಚನೆಗಳು ಲಭ್ಯವಾಗಿವೆ. ಕೊಚ್ಚಿ ಎನ್‍ಐಎ ನ್ಯಾಯಾಲಯವು ನಿನ್ನೆ  11 ಮಂದಿಯ ಜಾಮೀನು ಅರ್ಜಿಯನ್ನು ಪರಿಶೀಲಿಸಿದೆ.