ಇದೆಂತಹ ಕಷ್ಟ ಮಾರಾಯರೆ: ಕೇರಳದಲ್ಲಿ ನಾಳೆ ಪಾಪ್ಯುಲರ್ ಫ್ರಂಟ್ ಹರತಾಳ!

                  ತಿರುವನಂತಪುರ: ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ರಾಜ್ಯದಲ್ಲಿ ನಾಳೆ ಹರತಾಳಕ್ಕೆ ಕರೆ ನೀಡಿದೆ. ನಾಳೆ ಬೆಳಗ್ಗೆ 6ರಿಂದ ಸಂಜೆ 6ರವರೆಗೆ ಹರತಾಳಕ್ಕೆ ಕರೆ ನೀಡಲಾಗಿದೆ. ಪಾಪ್ಯುಲರ್ ಫ್ರಂಟ್ ನಾಯಕರ ಬಂಧನ ಹಾಗೂ ಅವರ ಮನೆ, ಕಚೇರಿಗಳ ಮೇಲೆ ದಾಳಿ ನಡೆಸಿರುವುದನ್ನು ವಿರೋಧಿಸಿ ಹರತಾಳ ನಡೆಸಲಾಗುತ್ತಿದೆ. ಕೇಂದ್ರೀಯ ಸಂಸ್ಥೆಗಳಾದ ಎನ್‍ಐಎ ಮತ್ತು ಇಡಿ ನೇತೃತ್ವದಲ್ಲಿ ದಾಳಿ ನಡೆಸಲಾಗಿದೆ.
                   ಎನ್ ಐಎ ಪಾಪ್ಯುಲರ್ ಫ್ರಂಟ್ ನ ರಾಷ್ಟ್ರೀಯ ಮತ್ತು ರಾಜ್ಯ ನಾಯಕರನ್ನು ರಾಜ್ಯ ಭಯೋತ್ಪಾದನೆಯ ಭಾಗವಾಗಿ ಅನ್ಯಾಯವಾಗಿ ಬಂಧಿಸಿದೆ ಎಂದು ರಾಜ್ಯ ಸಮಿತಿ ಆರೋಪಿಸಿದೆ. ಆರೆಸ್ಸೆಸ್ ನಿಯಂತ್ರಿತ ಫ್ಯಾಸಿಸ್ಟ್ ಸರ್ಕಾರವು ಕೇಂದ್ರೀಯ ಸಂಸ್ಥೆಗಳನ್ನು ಬಳಸಿಕೊಂಡು ಭಿನ್ನಾಭಿಪ್ರಾಯದ ಧ್ವನಿಗಳನ್ನು ಅಡಗಿಸಲು ನಡೆಸುತ್ತಿರುವ ರಾಜ್ಯ ಬೇಟೆಯ ವಿರುದ್ಧ ನಾಳೆ ರಾಜ್ಯದಲ್ಲಿ ಹರತಾಳ ನಡೆಯಲಿದೆ. ಬೆಳಗ್ಗೆ 6ರಿಂದ ಸಂಜೆ 6ರವರೆಗೆ ಹರತಾಳ ನಡೆಯಲಿದ್ದು, ಅಗತ್ಯ ಸೇವೆಗಳನ್ನು ಹರತಾಳದಿಂದ ಹೊರಗಿಡಲಾಗಿದೆ ಎಂದು ನಾಯಕತ್ವ ತಿಳಿಸಿದೆ.
         ನಾಗರಿಕ ಹಕ್ಕುಗಳನ್ನು ತುಳಿಯುವ ಫ್ಯಾಸಿಸ್ಟ್ ಆಡಳಿತದ ವಿರುದ್ಧ ಹರತಾಳವನ್ನು ಗೆಲ್ಲಲು ಎಲ್ಲಾ ಪ್ರಜಾಸತ್ತಾತ್ಮಕ ಅನುಯಾಯಿಗಳು  ಮುಂದಾಗಬೇಕೆಂದು ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ರಾಜ್ಯ ಪ್ರಧಾನ ಕಾರ್ಯದರ್ಶಿ ಎ ಅಬ್ದುಲ್ ಸತ್ತಾರ್ ಕೋರಿದ್ದಾರೆ. ಕೇರಳ ಸೇರಿದಂತೆ 11 ರಾಜ್ಯಗಳಲ್ಲಿ ನಡೆದ ದಾಳಿಯಲ್ಲಿ 106 ಮಂದಿಯನ್ನು ಬಂಧಿಸಲಾಗಿದೆ ಎಂದು ಪಾಪ್ಯುಲರ್ ಫ್ರಂಟ್ ರಾಜ್ಯ ಪ್ರಧಾನ ಕಾರ್ಯದರ್ಶಿ ಅಬ್ದುಲ್ ಸತ್ತಾರ್ ಪತ್ರಿಕಾಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.
            ರಾಷ್ಟ್ರೀಯ ಅಧ್ಯಕ್ಷ ಒಎಂಎ ಸಲಾಂ, ಇಡುಕ್ಕಿ ಜಿಲ್ಲಾ ಕಾರ್ಯದರ್ಶಿ ಝೈನುದ್ದೀನ್, ರಾಷ್ಟ್ರೀಯ ಕಾರ್ಯದರ್ಶಿ ನಸ್ರುದ್ದೀನ್ ಎಳಮರಮ್, ರಾಜ್ಯಾಧ್ಯಕ್ಷ ಮುಹಮ್ಮದ್ ಬಶೀರ್, ಪತ್ತನಂತಿಟ್ಟ ಜಿಲ್ಲಾ ಕಾರ್ಯದರ್ಶಿ ಸಾದಿಕ್ ಮುಹಮ್ಮದ್, ನಜಿಮುದ್ದೀನ್ ಮುಂಡಕ್ಕಯಂ, ಪಿ ಕೋಯಾ ಕೋಝಿಕ್ಕೋಡ್, ರಾಷ್ಟ್ರೀಯ ಉಪಾಧ್ಯಕ್ಷ ಅಬ್ದುಲ್ ರಹಮಾನ್ ಕಲಮಸ್ಸೆರಿ, ತಮಿಳುನಾಡು ಮೂಲದ ಮುಹಮ್ಮದಲಿ ಜಿನ್ನಾ ಮತ್ತು ಮುಹಮ್ಮದ್ ಶಾಹಿದ್ ಕೇರಳದಿಂದ ಬಂಧಿತರಾದವರು.