ಬೆದ್ರಂಪಳ್ಳ ಸಮೀಪ ಕಾಂಗ್ರೆಸ್ ಕಾರ್ಯಕರ್ತನ ಮೃತದೇಹ ಮನೆಯೊಳಗೆ ಪತ್ತೆ

                 ಪೆರ್ಲ: ಸಾಮಾಜಿಕ ಕಾರ್ಯಕರ್ತ, ಕಾಂಗ್ರೆಸ್ ನಾಯಕ ಬೆದ್ರಂಪಳ್ಳ ಸಮೀಪದ ಕುಕ್ಕಿಲ ಅನಂತಕೃಷ್ಣ ನಾಯಕ್  (55) ಅವರ ಮೃತದೇಹವು ಮನೆಯ ಮಂಚದಲ್ಲಿ ಗುರುವಾರ ಬೆಳಿಗ್ಗೆ ಪತ್ತೆಯಾಗಿತ್ತು. ಸಂಶಯಾಸ್ಪದವಾಗಿ ಕಂಡುಬಂದ ಮೃತದೇಹದ ಮಹಜರಿಗಾಗಿ ಪರಿಯಾರಂ ಮೆಡಿಕಲ್ ಕಾಲೇಜಿಗೆ ಕೊಂಡೊಯ್ಯಲಾಗಿದೆ.ಅವಿವಾಹಿತರಾದ ಇವರು ಏಕಾಂಗಿಯಾಗಿ ಈ ಮನೆಯಲ್ಲಿ ವಾಸಿಸುತ್ತಿದ್ದರು. ಕಳೆದ ಕೆಲವು ತಿಂಗಳಿಂದ ವಯೋ ಸಹಜ ಅಸೌಖ್ಯಕ್ಕೊಳಗಾಗಿದ್ದ ಇವರು ನೊಂದು ಕೊಂಡಿದ್ದರು.ಕಳೆದೆರಡು ದಿನಗಳಿಂದ ಮನೆಯ ಹೊರಗೆ ಎಲ್ಲೂ ಕಾಣದ ಬಗ್ಗೆ ಸಮೀಪದಲ್ಲಿರುವ ಸಹೋದರ ಹುಡುಕಾಟ ನಡೆಸುತ್ತಿದ್ದಾಗ ಮನೆಯಲ್ಲಿಯೇ ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆಯಾದರು. ಮೃತರು ತಾಯಿ,ಸಹೋದರರು,ಸಹೋದರಿಯನ್ನು ಅಗಲಿದ್ದಾರೆ.