ಪ್ರತಿಭಟನಾಕಾರರನ್ನು ಬಂಧಿಸಿದರೆ, ಪೋಲೀಸ್ ಠಾಣೆ ಸುಡವುದಾಗಿ ಬೆದರಿಕೆ ಹಾಕಿದ ಲ್ಯಾಟಿನ್ ಆಚ್ರ್ಡಯಾಸಿಸ್

            
                 ತಿರುವನಂತಪುರ: ಲ್ಯಾಟಿನ್ ಆರ್ಚ್ ಡಯಾಸಿಸ್ ವಿಭಾಗ ಪೋಲೀಸ್ ಠಾಣೆಯನ್ನು ಸುಡುವುದಾಗಿ ಬೆದರಿಕೆ ಹಾಕಿದೆ. ವಿಝಿಂಜಂ ಪ್ರತಿಭಟನಾಕಾರರನ್ನು ಬಂಧಿಸಿದರೆ ಪೋಲೀಸ್ ಠಾಣೆಯನ್ನು ಸುಡಲಾಗುತ್ತದೆ ಮತ್ತು ಲ್ಯಾಟಿನ್ ಆರ್ಚ್‍ಡಯಾಸಿಸ್ ನ್ಯಾಯಾಲಯದ ತೀರ್ಪನ್ನು ಗೌರವಿಸುವುದಿಲ್ಲ ಎಂದು ಉದ್ದಟತನ ಪ್ರದರ್ಶಿಸಿದೆ.
       ಲ್ಯಾಟಿನ್ ಆರ್ಚ್‍ಡಯಾಸಿಸ್‍ನ ಗಂಭೀರ ನಡೆಯ ವಿರುದ್ಧ ಅನೇಕ ಜನರು ಪ್ರತಿಭಟನೆಗೆ ಇಳಿದಿದ್ದಾರೆ.
           ವಿಝಿಂಜಂ ಬಂದರು ನಿರ್ಮಾಣ ವಿರೋಧಿಸಿ ಪ್ರತಿಭಟನೆ ನಡೆಸುತ್ತಿರುವ ಮೀನುಗಾರರು ತಿರುವೋಣ ದಿನವಾದ ಇಂದೂ ಉಪವಾಸ ಸತ್ಯಾಗ್ರಹ ನಡೆಸುತ್ತಿದ್ದಾರೆ. ಸರ್ಕಾರ ಮೀನುಗಾರರಿಗೆ ಮೋಸ ಮಾಡಿದೆ ಎಂದು ಆರೋಪಿಸಿ ಉಪವಾಸ ಸತ್ಯಾಗ್ರಹ ನಡೆಸಲಾಗುತ್ತಿದೆ. ಬಂದರು ಗೇಟ್‍ನಲ್ಲಿರುವ ಸಮರ ಚಪ್ಪರದಲ್ಲಿ ಖಾಲಿ ಬಾಳೆ ಎಲೆಗಳನ್ನು ಹಾಕಿಕೊಂಡು ಉಪವಾಸ ಸತ್ಯಾಗ್ರಹ ನಡೆಸಲಾಯಿತು.
      ಪೂಂತುರಾದ ಮೀನುಗಾರರು ಇಂದು ಪ್ರತಿಭಟನೆ ನಡೆಸುತ್ತಿದ್ದಾರೆ. ಮುಖ್ಯಮಂತ್ರಿ ಹಾಗೂ ಸಚಿವ ಸಂಪುಟ ಉಪಸಮಿತಿ ಪ್ರತಿಭಟನಾಕಾರರೊಂದಿಗೆ ಹಲವು ಬಾರಿ ಮಾತುಕತೆ ನಡೆಸಿದರೂ ಇದುವರೆಗೂ ಸಮಸ್ಯೆ ಬಗೆಹರಿದಿಲ್ಲ. ಬಂದರು ನಿರ್ಮಾಣವನ್ನು ಸ್ಥಗಿತಗೊಳಿಸಬೇಕು ಮತ್ತು ಕರಾವಳಿ ಸವೆತದ ಬಗ್ಗೆ ಅಧ್ಯಯನ ನಡೆಸಬೇಕು ಎಂಬ ಪ್ರತಿಭಟನಾಕಾರರ ಬೇಡಿಕೆಯ ವಿವಾದ ಇನ್ನೂ ಮುಂದುವರೆದಿದೆ.