ಕಣ್ಣೂರಿನಲ್ಲಿ ಪಾಪ್ಯುಲರ್ ಫ್ರಂಟ್‍ಗೆ ಸಂಬಂಧಿಸಿದ ಸಂಸ್ಥೆಗಳ ಮೇಲೆ ದಾಳಿ; ತಪಾಸಣೆ ವೇಳೆ ನಿರ್ಣಾಯಕ ದಾಖಲೆಗಳ ವಶ ಎಂದು ಮಾಹಿತಿ

           ಕಣ್ಣೂರು: ಜಿಲ್ಲೆಯಲ್ಲಿ ಪಾಪ್ಯುಲರ್ ಫ್ರಂಟ್‍ಗೆ ಸಂಬಂಧಿಸಿದ ಸಂಸ್ಥೆಗಳ ಮೇಲೆ ಪೋಲೀಸರು ದಾಳಿ ನಡೆಸಿದ್ದಾರೆ. ಕಣ್ಣೂರು ಟೌನ್ ಎಸ್‍ಐ ನೇತೃತ್ವದ ಪೋಲೀಸ್ ತಂಡವು ಠಾಣಾ ವ್ಯಾಪ್ತಿಯ ಬಿ ಮಾರ್ಟ್‍ಗೆ ಸಂಬಂಧಿಸಿದ ಖಾಸಗಿ ಸಂಸ್ಥೆಗಳ ಮೇಲೆ ದಾಳಿ ನಡೆಸಿದೆ.
        ಪಾಪ್ಯುಲರ್ ಫ್ರಂಟ್ ನಾಯಕರೊಂದಿಗೆ ಸಂಸ್ಥೆಯ ಮಾಲೀಕರು ನಿಕಟ ಸಂಪರ್ಕ ಹೊಂದಿದ್ದಾರೆ ಎಂಬ ಮಾಹಿತಿ ಮೇರೆಗೆ ದಾಳಿ ನಡೆದಿದೆ. ಮಟ್ಟನ್ನೂರಿನ ಇತರ ಸ್ಥಳಗಳಲ್ಲಿಯೂ ಪೋಲೀಸರು ದಾಳಿ ನಡೆಸುತ್ತಿದ್ದಾರೆ. ಕಣ್ಣೂರು ಎಸಿಪಿ ಸೂಚನೆ ಮೇರೆಗೆ ದಾಳಿ ನಡೆದಿದೆ.
            ದಂಧೆಗೆ ಬೇಕಾಗುವ ಹಣದ ಮೂಲ ಹಾಗೂ ಭಯೋತ್ಪಾದಕ ಚಟುವಟಿಕೆಗಳಿಗೆ ಹಣ ಬಳಸಲಾಗುತ್ತಿದೆಯೇ ಎಂಬ ಬಗ್ಗೆ ದಾಳಿ ನಡೆಸಲಾಗುತ್ತಿದ್ದು, ಶೋಧದ ವೇಳೆ ಲ್ಯಾಪ್ ಟಾಪ್ ಹಾಗೂ ಪೋನ್ ಗಳನ್ನು ವಶಪಡಿಸಿಕೊಳ್ಳಲಾಗಿದೆ.
             ಹರತಾಳದ ದಿನ ಕಣ್ಣೂರಿನಲ್ಲಿ ವ್ಯಾಪಕ ಹಿಂಸಾಚಾರ ನಡೆದಿದ್ದು, ಪಾಪ್ಯುಲರ್ ಫ್ರಂಟ್ ಕಣ್ಣೂರಿನಲ್ಲಿ ಭಯೋತ್ಪಾದಕ ಚಟುವಟಿಕೆ ನಡೆಸಲು ಮುಂದಾಗಿದೆ ಎಂಬುದಕ್ಕೆ ಇದು ಸೂಚನೆ ಎಂದು ಪರಿಗಣಿಸಲಾಗಿದೆ. ಇದಾದ ಬಳಿಕ ಪಾಪ್ಯುಲರ್ ಫ್ರಂಟ್ ಗೆ ಸಂಬಂಧಿಸಿದ ಸಂಸ್ಥೆಗಳ ಪತ್ತೆಗೆ ಹಾಗೂ ಮಹತ್ವದ ದಾಖಲೆಗಳ ಪತ್ತೆಗೆ ದಾಳಿ ನಡೆಸಲಾಗಿದೆ.