ಪ್ರತಿಭಟನೆಯಿಂದ ಅಭಿವೃದ್ಧಿಗೆ ಅಡ್ಡಿ: ನೂರು ಕೋಟಿ ನಷ್ಟ: ಅದಾನಿ ಗ್ರೂಪ್

             ತಿರುವನಂತಪುರ: ಲ್ಯಾಟಿನ್ ಆರ್ಚ್ ಡಯಾಸಿಸ್ ನೇತೃತ್ವದಲ್ಲಿ ವಿಝಿಂಜಂ ಬಂದರು ಮುಷ್ಕರದ ವಿರುದ್ಧ ಅದಾನಿ ಗ್ರೂಪ್ ಹರಿಹಾಯ್ದಿದೆ. ನಡೆಯುತ್ತಿರುವ ಪ್ರತಿಭಟನೆಗಳನ್ನು ಕೊನೆಗೊಳಿಸಲು ಸರ್ಕಾರ ಮಧ್ಯಪ್ರವೇಶಿಸಬೇಕೆಂದು ಅದಾನಿ ಒತ್ತಾಯಿಸಿದೆ.
             ಸದ್ಯ ಬಂದರು ನಿರ್ಮಾಣ ಕಾಮಗಾರಿ ಕೈಗೊಳ್ಳುವುದಾಗಲಿ, ಬೇಕಾದ ಕಲ್ಲುಗಳನ್ನು ತರುವುದಾಗಲಿ ಸಾಧ್ಯವಾಗುತ್ತಿಲ್ಲ. ಇದುವರೆಗಿನ ನಷ್ಟದ ಅಂಕಿಅಂಶಗಳನ್ನು ಒಳಗೊಂಡಂತೆ ಅದಾನಿ ಗ್ರೂಪ್ ಮುಖ್ಯ ಕಾರ್ಯದರ್ಶಿಗೆ ವರದಿ ಸಲ್ಲಿಸಿದೆ. ಮುಷ್ಕರದ ಪರಿಣಾಮವು ಆರು ತಿಂಗಳವರೆಗೆ ಯೋಜನೆಯ ಮೇಲೆ ಪರಿಣಾಮ ಬೀರುತ್ತದೆ ಎಂದು ಅದಾನಿ ಗ್ರೂಫ್ ಸ್ಪಷ್ಟಪಡಿಸಿದೆ.
            ದಿಗ್ಬಂಧನ ಮುಷ್ಕರದಿಂದಾಗಿ ಕಳೆದ 53 ದಿನಗಳಿಂದ ವಿಝಿಂಜಂ ಬಂದರು ನಿರ್ಮಾಣ ಕಾರ್ಯ ಸ್ಥಗಿತಗೊಂಡಿದೆ. ಬಂದರು ನಿರ್ಮಾಣದಲ್ಲಿ ಇದುವರೆಗೆ 100 ಕೋಟಿ ರೂಪಾಯಿ ನಷ್ಟವಾಗಿದೆ ಎಂದೂ ಅದಾನಿ ಗ್ರೂಪ್ ವಿವರಿಸುತ್ತದೆ. ವಿಝಿಂಜಕ್ಕೆ ತೆರಳುವ ನಾಡದೋಣಿಗಳು ಮತ್ತು ಟಗ್‍ಗಳು ವಿವಿಧ ತೀರಗಳಲ್ಲಿ ಸಿಲುಕಿಕೊಂಡಿವೆ ಎಂದು ಅದಾನಿ ಗ್ರೂಪ್ ತಿಳಿಸಿದೆÀ.
             ವಿಝಿಂಜಂ ಬಂದರು ನಿರ್ಮಾಣದ ವಿರುದ್ಧದ ಆಂದೋಲನದ ಭಾಗವಾಗಿ ಸ್ಥಾಪಿಸಲಾದ ಪ್ರತಿಭಟನಾ ಮಂಟಪವನ್ನು ತಕ್ಷಣವೇ ಕೆಡವಲು ನಿನ್ನೆ ಹೈಕೋರ್ಟ್ ಆದೇಶಿಸಿತ್ತು. ರಾಜ್ಯ ಸರ್ಕಾರವೂ ಈ ಹಿಂದೆ ಪ್ರತಿಭಟನಾಕಾರರಿಗೆ ನೋಟಿಸ್ ನೀಡಿತ್ತು ಎಂದು ನ್ಯಾಯಾಲಯಕ್ಕೆ ಮಾಹಿತಿ ನೀಡಿತ್ತು. ವಿಝಿಂಜಂ ಬಂದರು ನಿರ್ಮಾಣಕ್ಕೆ ಪೋಲೀಸ್ ರಕ್ಷಣೆ ಕೋರಿ ಅದಾನಿ ವಿಝಿಂಜಂ ಪೋರ್ಟ್ ಪ್ರೈವೇಟ್ ಲಿಮಿಟೆಡ್ ಮತ್ತು ನಿರ್ಮಾಣ ಗುತ್ತಿಗೆ ಕಂಪನಿ ಹೊವೆ ಇಂಜಿನಿಯರಿಂಗ್ ಪ್ರಾಜೆಕ್ಟ್ಸ್ ಸಲ್ಲಿಸಿದ್ದ ಅರ್ಜಿಯನ್ನು ಪರಿಗಣಿಸಿ ಹೈಕೋರ್ಟ್ ಈ ಆದೇಶ ನೀಡಿತ್ತು.