ಹತ್ಯೆ ರಾಷ್ಟ್ರವನ್ನು ಆಘಾತಗೊಳಿಸುತ್ತದೆ; ಕೇರಳದಲ್ಲಿ ಆಗಿರುವುದರಿಂದ ಅನೇಕರು ಸುಮ್ಮನಿದ್ದಾರೆ: ಇತರೆಡೆ ಆಗಿದ್ದಿದ್ದರೆ ಹುಸಿ ಜಾತ್ಯಾತೀತ ಪ್ರಗತಿಪರರು ಮುಂದೆ ಬರುತ್ತಿದ್ದರು: ಶೆಹಜಾದ್ ಪೂನವಲ

           ನವದೆಹಲಿ: ಇಳಂತೂರಿನಲ್ಲಿ ನಡೆದ ಹತ್ಯೆ ಇಡೀ ದೇಶವನ್ನೇ ಬೆಚ್ಚಿ ಬೀಳಿಸಿದೆ ಎಂದು ಬಿಜೆಪಿ ರಾಷ್ಟ್ರೀಯ ವಕ್ತಾರ ಶೆಹಜಾದ್ ಪೂನವಾಲಾ ಹೇಳಿದ್ದಾರೆ.
         ಮಹಿಳೆಯರ ಸುರಕ್ಷತೆಗಾಗಿ ಕೇರಳದಲ್ಲಿ ಪಿಣರಾಯಿ ಸರ್ಕಾರ ಏನನ್ನೂ ಮಾಡುತ್ತಿಲ್ಲ ಎಂದು ಟೀಕಿಸಿದರು. ಕೇರಳದ ಆಡಳಿತ ವ್ಯವಸ್ಥೆ ತಪ್ಪು ದಿಕ್ಕಿನಲ್ಲಿದೆ. ಕೇರಳದಲ್ಲಿ ಆಡಳಿತ ಪಕ್ಷದ ಗೂಂಡಾಗಳು ಅಟ್ಟಹಾಸ ಮೆರೆದಿರುವುದರಿಂದಲೇ ಇಂತಹ ದುರಂತ, ರಾಕ್ಷಸ ಘಟನೆಗಳು ನಡೆಯುತ್ತಿವೆ ಎಂದು ಟೀಕಿಸಿರುವರು.
        ಮಹಿಳೆಯರ ಸುರಕ್ಷತೆ ಮತ್ತು ಮಾನವ ಹಕ್ಕುಗಳ ಬಗ್ಗೆ ನಿರಂತರವಾಗಿ ಧ್ವನಿ ಎತ್ತುವ ಬೂಟಾಟಿಕೆ ಜಾತ್ಯತೀತ ಪ್ರಗತಿಪರರು ದೇಶವನ್ನೇ ಬೆಚ್ಚಿಬೀಳಿಸಿದ ಘಟನೆ ನಡೆದರೂ ಮೌನವಹಿಸುತ್ತಿದ್ದಾರೆ. ಈ ಮೌನವು ತಮ್ಮ ಪ್ರೀತಿಪಾತ್ರರನ್ನು ರಕ್ಷಿಸುವ ಭಾಗವಾಗಿದೆ. ಕೇರಳವನ್ನು ಪರ್ಯಾಯವಾಗಿ ಆಳುತ್ತಿರುವ ಕಮ್ಯುನಿಸ್ಟ್ ಪಕ್ಷ ಮತ್ತು ಕಾಂಗ್ರೆಸ್‍ನ ಮುಖವನ್ನು ಉಳಿಸಲು ಅನೇಕ ಜನರು ಈ ಘಟನೆಯ ಬಗ್ಗೆ ಪ್ರತಿಕ್ರಿಯಿಸುತ್ತಿಲ್ಲ. ಬೇರೆ ರಾಜ್ಯಗಳಲ್ಲಿ ಇಂತಹ ಘಟನೆಗಳು ನಡೆದಿದ್ದರೆ ಯಾವ ರೀತಿಯ ಪ್ರತಿಕ್ರಿಯೆಗಳು ಬರುತ್ತಿದ್ದವು ಎಂದು ಶೆಹಜಾದ್ ಪೂನವಾಲಾ ಟೀಕಿಸಿದ್ದಾರೆ.
            ಕೇರಳ, ಜಾಖರ್ಂಡ್, ರಾಜಸ್ಥಾನ ಮತ್ತು ಛತ್ತೀಸ್‍ಗಢಗಳು ನಕಲಿ ಜಾತ್ಯತೀತ ಲಾಬಿಗಳನ್ನು ಸ್ವಾಗತಿಸುವ ಕೆಲವು ರಾಜ್ಯಗಳಾಗಿವೆ. ಇಲ್ಲಿ ನಡೆಯುತ್ತಿರುವ ಮಹಿಳೆಯರ ಮೇಲಿನ ದೌರ್ಜನ್ಯ, ದಲಿತ ದೌರ್ಜನ್ಯ, ಮಾನವ ಹಕ್ಕುಗಳ ಉಲ್ಲಂಘನೆ, ಕ್ರೂರ ದೌರ್ಜನ್ಯಗಳನ್ನು ಕಂಡಿಲ್ಲ ಎಂಬಂತೆ ನಟಿಸುತ್ತಾರೆ. ಕೇರಳದಲ್ಲಿ ವಾಮಾಚಾರದ ಭಾಗವಾಗಿ ಇಬ್ಬರು ಮಹಿಳೆಯರನ್ನು ಹತ್ಯೆ ಮಾಡಿರುವುದು ಆಘಾತಕಾರಿಯಾಗಿದೆ. ಆರೋಪಿಯೂ ಆಡಳಿತ ಪಕ್ಷದ ಸದಸ್ಯ. ಮತ್ತೊಬ್ಬ ಶಂಕಿತ ಇಸ್ಲಾಮಿ. ಇಷ್ಟು ದೊಡ್ಡ ಘಟನೆ ನಡೆದರೂ ಸಾಂಸ್ಕøತಿಕ ನಾಯಕರು, ಜಾತ್ಯಾತೀತರು ಸ್ಪಂದಿಸದಿರುವುದು ಅವರ ಬೂಟಾಟಿಕೆಯನ್ನು ತೋರಿಸುತ್ತದೆ ಎಂದು ಶೆಹಜಾದ್ ಪೂನವಾಲ ಹೇಳಿದರು.