"ರಾತ್ರಿ ವಿಹಾರ"; ಶಿಕ್ಷಣ ಸಚಿವರು ಶಾಲೆಗಳಿಗೆ ನೀಡಿದ ಸೂಚನೆಗಳು ಇಲ್ಲಿವೆ

             ತಿರುವನಂತಪುರ: ವಡಕಂಚೇರಿಯಲ್ಲಿ ಸಂಭವಿಸಿದ ಬಸ್ ಅಪಘಾತದ ಅವಾಂತರದಿಂದ ರಾಜ್ಯ ಇನ್ನೂ ಚೇತರಿಸಿಕೊಂಡಿಲ್ಲ.
            ಈ ಪರಿಸ್ಥಿತಿಯಲ್ಲಿ ಶಾಲೆಯಿಂದ ವಿಹಾರಕ್ಕೆ ಕಟ್ಟುನಿಟ್ಟಿನ ನಿರ್ಬಂಧಗಳನ್ನು ವಿಧಿಸಲಾಗಿದೆ ಎಂದು ಶಿಕ್ಷಣ ಸಚಿವ ವಿ ಶಿವಂಕುಟ್ಟಿ ಮಾಹಿತಿ ನೀಡಿದರು. ಸಚಿವರ ಸೂಚನೆಯಂತೆ ಇನ್ನು ಮುಂದೆ ಶಾಲೆಯಿಂದ ರಾತ್ರಿ ಪ್ರವಾಸಕ್ಕೆ ಅವಕಾಶ ನೀಡಬಾರದು. ರಾತ್ರಿ 9ರಿಂದ ಬೆಳಗ್ಗೆ 6ರವರೆಗೆ ಪ್ರಯಾಣ ಮಾಡದಂತೆ ಸಚಿವರು ಕಟ್ಟುನಿಟ್ಟಿನ ಸೂಚನೆ ನೀಡಿರುವರು.
           ರಾಜ್ಯದ ಎಲ್ಲಾ ಶಾಲೆಗಳು ರಾತ್ರಿ ಪ್ರಯಾಣವನ್ನು ತಪ್ಪಿಸುವ ಸಲಹೆಯನ್ನು ಅನುಸರಿಸಬೇಕು. ಸಂಸ್ಥೆಗಳ ಮುಖ್ಯಸ್ಥರು ಪ್ರಯಾಣದ ಜವಾಬ್ದಾರಿಯನ್ನು ಹೊಂದಿರುತ್ತಾರೆ. ಈ ಬಗ್ಗೆ ಈಗಾಗಲೇ ಆದೇಶ ಹೊರಡಿಸಲಾಗಿದೆ. ಕೇರಳ ಪ್ರವಾಸೋದ್ಯಮ ಇಲಾಖೆಯಿಂದ ಅನುಮೋದಿಸಲಾದ ಟೂರ್ ಆಪರೇಟರ್‍ಗಳ ಪಟ್ಟಿಯಿಂದ ವಾಹನಗಳನ್ನು ಅಂತಹ ಪ್ರವಾಸಗಳಿಗೆ ಬಳಸಬೇಕೆಂದು ಸಚಿವರು ನೆನಪಿಸಿದರು.
        ಪ್ರವಾಸವು ಮಕ್ಕಳ ಅಧ್ಯಯನಕ್ಕೆ ಸಂಬಂಧಿಸಿರಬೇಕು. ಮುಖ್ಯ ಶಿಕ್ಷಕರಿಗೆ ಪ್ರಯಾಣದ ಬಗ್ಗೆ ಸಂಪೂರ್ಣ ತಿಳುವಳಿಕೆ ಇರಬೇಕು. ಅಪಾಯಕಾರಿ ಸ್ಥಳಗಳಿಗೆ ಪ್ರಯಾಣವನ್ನು ಸಂಪೂರ್ಣವಾಗಿ ತಪ್ಪಿಸಬೇಕು. ಪ್ರಯಾಣದ ವೇಳೆ ವಾಹನ ಸಿಬ್ಬಂದಿ, ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರು ಅಮಲು ಪದಾರ್ಥ ಸೇವಿಸುವ ಸಾಧ್ಯತೆ ಇಲ್ಲದಂತೆ ನೋಡಿಕೊಳ್ಳಲು ಸಚಿವರು ಸೂಚಿಸಿದರು.