ಧೂಮಪಾನ,ಡ್ರಗ್ಸ್ ಗಳಂತಹ ಪಿಡುಗುಗಳ ವೀರರನ್ನು ತೋರಿಸಲು ಹಣ ಸುರಿಯಲಾಗುತ್ತಿದೆ: ಕೇವಲ ಹಣಕ್ಕಾಗಿ ಸಿನಿಮಾ ಮಾಡಬಾರದು: ಮೇಜರ್ ರವಿ

        ಕೊಚ್ಚಿ: ಸಿನಿಮಾ ಎನ್ನುವುದು ಒಂದು ಭಾವನೆ, ಅದು ಕೇವಲ ಹಣಕ್ಕಾಗಿ ಅಲ್ಲ ಎಂದು ನಿರ್ದೇಶಕ ಮೇಜರ್ ರವಿ ಹೇಳಿದ್ದಾರೆ.
          ಕೊಚ್ಚಿಯಲ್ಲಿ ‘ತಿರಾ’ ಫಿಲಂ ಕ್ಲಬ್ ನ ದಕ್ಷಿಣ ಭಾರತ ಚಲನಚಿತ್ರ ಕಾರ್ಯಾಗಾರಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.
        ಸಿನಿಮಾದ ಹೆಸರು ಕೆಡದಂತೆ ಚಿತ್ರ ನಿರ್ಮಾಪಕರು ತಿಳಿಹೇಳಬೇಕು. ಡ್ರಗ್ಸ್ ಬಳಸುತ್ತಿರುವುದನ್ನು ತೋರಿಸಲು ನಾಯಕನಿಗೆ ಹಣ ನೀಡುವ ನಿರ್ಮಾಪಕರು ಇದ್ದಾರೆ ಎಂದು ವರದಿಗಳು ಸೂಚಿಸುತ್ತವೆ. ಸರಗಳ್ಳ, ಗಾಂಜಾ sಸೇವಿಸುವ ವೀರರನ್ನು ಬಿತ್ತರಿಸಲು ಹಣ ಸುರಿಯುತ್ತದೆ. ಸಿನಿಮಾವನ್ನು ಪವಿತ್ರ ಕಲೆ ಎಂಬ ಭಾವನೆಯಿಂದ ಪರಿಭಾವಿಸಬೇಕು ಎಂದರು.
        ಒಬ್ಬ ಸೈನಿಕನು ಗಡಿಯಿಂದ ಹಿಂತಿರುಗಿ ನೋಡಿದಾಗ, ಅವನು ತನ್ನ ಹೆತ್ತವರನ್ನು ಮಾತ್ರವಲ್ಲದೆ ಇಡೀ ಭಾರತವನ್ನು ನೋಡುತ್ತಾನೆ.  ಕೀರ್ತಿಚಕ್ರ ಚಿತ್ರಕ್ಕಾಗಿ ಆರು ವರ್ಷ ಕಾಯಬೇಕಾಯಿತು. ನಾನು ನಿಂದನೆಯನ್ನು ಕೇಳಬೇಕಾಗಿತ್ತು. ಇಂತಹ ಅನುಭವಗಳು ಎದುರಾದಾಗ ನಿರಾಶರಾಗದೇ ತೆಗೆದುಕೊಳ್ಳುವ ನಿರ್ಧಾರಗಳಿಗೆ ಬದ್ಧರಾಗಿರಿ ಎಂದರು.
        ಕಾರ್ಯಾಗಾರದ ಅಧ್ಯಕ್ಷತೆಯನ್ನು ‘ತಿರಾ’ದ ಪ್ರಧಾನ ಕಾರ್ಯದರ್ಶಿ ಎಂ.ಎಲ್.ರಮೇಶ್ ವಹಿಸಿದ್ದರು. ಶಿಬಿರದ ನಿರ್ದೇಶಕ ಹಾಗೂ ಚಲನಚಿತ್ರ ವಿಮರ್ಶಕ ವಿಜಯ ಕೃಷ್ಣನ್, ಭಾರತೀಯ ಚಿತ್ರಸಾಧನ ಪ್ರತಿನಿಧಿ ಶ್ರೀರಾಮ್, ಕಾರ್ಯಾಗಾರದ ಸಂಯೋಜಕ ಯು.ಪಿ. ಸಂತೋμï, ಪಿ.ಜಿ. ಸಜೀವ್ ಮಾತನಾಡಿದರು. ಸಿದ್ಧಾರ್ಥ್ ಶಿವ, ಕಲಾಧರನ್ ಮತ್ತಿತರರು ತರಗತಿ ನಡೆಸಿಕೊಟ್ಟರು. ಅಕ್ಟೋಬರ್ 9 ರಂದು ಕಾರ್ಯಾಗಾರ ಕೊನೆಗೊಳ್ಳಲಿದೆ.