ಅಟ್ಲಾಂಟಾದ ಅಯ್ಯಪ್ಪ ದೇವಸ್ಥಾನ ಶಬರಿಮಲೆ ದೇಗುಲದ ಮಾದರಿ: ಕೇಂದ್ರ ಸಚಿವ ವಿ ಮುರಳೀಧರನ್

               ಕೇಂದ್ರ ಸಚಿವ ವಿ.ಮುರಳೀಧರನ್ ಅಟ್ಲಾಂಟಾದ ಅಯ್ಯಪ್ಪ ದೇವಸ್ಥಾನಕ್ಕೆ ಭೇಟಿ ನೀಡಿದರು. ಅಯ್ಯಪ್ಪ ದೇವಸ್ಥಾನದ ಜೊತೆಗೆ ವಿ.ಮುರಳೀಧರನ್ ಸ್ವಾಮಿ ನಾರಾಯಣ ದೇವಸ್ಥಾನಕ್ಕೂ ಭೇಟಿ ನೀಡಿದರು.
           2013ರಲ್ಲಿ ಸ್ಥಾಪನೆಯಾದ ಅಯ್ಯಪ್ಪ ದೇವಾಲಯ ಶಬರಿಮಲೆ ದೇಗುಲದ ಪ್ರತಿರೂಪವಾಗಿದೆ ಎಂದು ಸಚಿವರು ಹೇಳಿದರು. ಮಂಡಲ ಪರ್ವ ಸಂದರ್ಭದ ವ್ರತವನ್ನು ಕೈಗೊಂಡು ಭಗವಂತನನ್ನು ಆರಾಧಿಸುವ ನೂರಾರು ಭಕ್ತರು ಅಮೆರಿಕದ ನೆಲದಲ್ಲಿದ್ದಾರೆ ಎಂದು ಅವರು ಹೇಳಿದರು. ಸ್ವಾಮಿನಾರಾಯಣ ಮಂದಿರವನ್ನು 2007 ರಲ್ಲಿ ಸ್ಥಾಪಿಸಲಾಗಿತ್ತು.
            ವಿ ಮುರಳೀಧರನ್ ಅವರು ನಿನ್ನೆ  ನ್ಯೂಯಾರ್ಕ್‍ನಲ್ಲಿ ನಡೆದ ಭಾರತ-ಯುಎನ್‍ಡಿಪಿ ಐದನೇ ವಾರ್ಷಿಕೋತ್ಸವ ಸಮಾರಂಭದಲ್ಲಿ ಮುಖ್ಯ ಭಾಷಣ ಮಾಡಿದರು. ಕೋವಿಡ್ ನಂತರದ ಜಗತ್ತಿನಲ್ಲಿ ಬಡ ದೇಶಗಳ ಸುಸ್ಥಿರ ಅಭಿವೃದ್ಧಿಗೆ ಆದ್ಯತೆ ನೀಡಬೇಕು ಎಂದು ಕೇಂದ್ರ ವಿದೇಶಾಂಗ ವ್ಯವಹಾರಗಳ ರಾಜ್ಯ ಸಚಿವರು ಒತ್ತಾಯಿಸಿದರು. ದಕ್ಷಿಣದ ಅಭಿವೃದ್ಧಿಶೀಲ ರಾಷ್ಟ್ರಗಳು ಅನೇಕ ಹಂತಗಳಲ್ಲಿ ಪರಸ್ಪರ ಒಂದಾಗಿವೆ. 'ಎಲ್ಲರಿಗೂ ಸುಸ್ಥಿರ ಅಭಿವೃದ್ಧಿ' ಗುರಿಯತ್ತ ಪರಸ್ಪರ ಗೌರವ ಮತ್ತು ಜನಕೇಂದ್ರಿತವಾಗಿ ಕೆಲಸ ಮಾಡಲು ಭಾರತ ಬದ್ಧವಾಗಿದೆ ಎಂದು ಸಚಿವರು ಹೇಳಿದರು.