ಇಳಂತೂರು ಜೋಡಿ ಹತ್ಯೆ: ವರ್ಷದ ಹಿಂದೆಯೇ ಶಫಿ ಬೇರೊಂದು ಕೊಲೆ ನಡೆಸಿದ್ದ ಎಂದ ಲೈಲಾ ನಿರ್ಣಾಯಕ ಹೇಳಿಕೆ: ತನಿಖೆ ಆರಂಭ

           ಪತ್ತನಂತಿಟ್ಟ: ಇಳಂತೂರಿನಲ್ಲಿ ನಡೆದ ಜೋಡಿ ಅಭಿಚಾರ ಹತ್ಯೆಗೂ ಮುನ್ನವೇ ಪ್ರಮುಖ ಆರೋಪಿ ಮುಹಮ್ಮದ್ ಶಾಫಿ ಮತ್ತೊಂದು ಕೊಲೆ ಮಾಡಿರುವುದು ಬೆಳಕಿಗೆ ಬಂದಿದೆ.
           ಪ್ರಕರಣದ ಇನ್ನೋರ್ವ ಆರೋಪಿ ಲೈಲಾ ತನಿಖಾ ತಂಡಕ್ಕೆ ಈ ವಿಷಯವನ್ನು ಬಹಿರಂಗಪಡಿಸಿದ್ದಾಳೆ. ಪೋಲೀಸರು ಈ ನಿಟ್ಟಿನ ತನಿಖೆ ಆರಂಭಿಸಿದ್ದಾರೆ.
         ಈ ವಿಷಯವನ್ನು ಸ್ವತಃ ಶಫಿಯೇ ಲೈಲಾಗೆ ಹೇಳಿದ್ದನೆನ್ನಲಾಗಿದೆ. ಶಫಿ ಒಂದು ವರ್ಷದ ಹಿಂದೆಯೇ ಕೊಲೆ ಮಾಡಿದ್ದನ್ನು ಬಹಿರಂಗಪಡಿಸಿದ್ದ. ಎರ್ನಾಕುಳಂ ಮೂಲದ ಮಹಿಳೆಯನ್ನು ಕೊಂದಿರುವುದಾಗಿ ಶಫಿ ಹೇಳಿರುವುದಾಗಿ ಲೈಲಾ ಪೋಲೀಸರಿಗೆ ತಿಳಿಸಿದ್ದಾಳೆ. ಆದರೆ ಶಫಿ ಇದನ್ನು ಪೋಲೀಸರಲ್ಲಿ ನಿರಾಕರಿಸಿದ್ದಾನೆ. ಲೈಲಾ ಮತ್ತು ಭಗವಾಲ್ ಸಿಂಗ್ ಅವರು ತನ್ನ ಬಗ್ಗೆ ನಂಬಿಕೆ ಬರಿಸಲು ಹೇಳಿದ್ದಾಗಿ ಶಫಿ ಪೋಲೀಸರಿಗೆ ತಿಳಿಸಿದ್ದಾನೆ. ಆದರೆ ಶಫಿಯ ಈ ಹೇಳಿಕೆಯನ್ನು ಪೋಲೀಸರು ನಂಬಿಲ್ಲ. ಸದ್ಯ ಮೊಹಮ್ಮದ್ ಶಫಿ ಮತ್ತು ಲೈಲಾ ಅವರನ್ನು ಒಟ್ಟಿಗೆ ವಿಚಾರಣೆ ನಡೆಸಲಾಗುತ್ತಿದೆ.
         ಕೊಲೆ ಮಾಡಿದ ನಂತರ ಶಫಿ ದೇಹವನ್ನು ಕತ್ತರಿಸಿದ್ದಾನೆ ಎಂದು ಪೋಲೀಸರು ತಿಳಿಸಿದ್ದಾನೆ. ಜೋಡಿ ಕೊಲೆ ಪ್ರಕರಣ ಈಗ ತನಿಖೆಯಲ್ಲಿದೆ. ಇದೇ ರೀತಿಯ ಹೆಚ್ಚಿನ ಪ್ರಕರಣಗಳಿವೆ ಎಂದು ಸಾಬೀತಾಗಿಲ್ಲ. ಆರೋಪಿಗಳ ವಿರುದ್ಧ ವೈಜ್ಞಾನಿಕ ಪುರಾವೆಗಳಿವೆ. ಇದಲ್ಲದೆ, ಸೈಬರ್ ಪುರಾವೆಗಳು ಸಹ ಅಸ್ತಿತ್ವದಲ್ಲಿವೆ. ಆರೋಪಿಗಳ ಹಲವು ಪೋನ್‍ಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೋಲೀಸರು ತಿಳಿಸಿದ್ದಾರೆ.

                   ಏತನ್ಮಧ್ಯೆ, ಕೊಲೆಯ ಹಿಂದೆ ಆರ್ಗನ್ ಮಾಫಿಯಾ ಇದೆ ಎಂಬ ಆರೋಪವನ್ನು ಪೆÇಲೀಸರು ನಿರಾಕರಿಸಿದ್ದಾರೆ. ಸಾಮಾನ್ಯ ಅರಿವಿನಂತೆ ವಯಸ್ಸಾದ ಬಲಿಪಶುಗಳ ಸಂದರ್ಭ ಗಮನಿಸಿ ಅಂಗ ಕಸಿ ಸಾಧ್ಯವಿಲ್ಲ. ಪ್ರಮುಖ ಆರೋಪಿಗಳು ಸಹ ಆರೋಪಿಗಳ ಮೇಲೆ ಆರೋಪ ಮಾಡಿದ್ದಾರೆಯೇ ಎಂಬುದನ್ನು ಪರಿಶೀಲಿಸಲಾಗುತ್ತಿದೆ ಎಂದು ಪೋಲೀಸರು ತಿಳಿಸಿದ್ದಾರೆ.