'ಅಗತ್ಯವಿದ್ದರೆ ಬಲದ ಬಳಕೆ ಕಾನೂನುಬದ್ಧವಾಗಿರಬೇಕು'; ಸೂಚನೆ ನೀಡಿದ ಡಿಜಿಪಿ

           ತಿರುವನಂತಪುರ: ಗೃಹ ಇಲಾಖೆ ಹಾಗೂ ಪೋಲೀಸರ ವಿರುದ್ಧ ತೀವ್ರ ಆರೋಪ ವ್ಯಕ್ತವಾಗುತ್ತಿರುವ ಹಿನ್ನೆಲೆಯಲ್ಲಿ ರಾಜ್ಯ ಪೋಲೀಸ್ ಮುಖ್ಯಸ್ಥ ಅನಿಲ್ ಕಾಂತ್ ಸಲಹೆ ನೀಡಿದ್ದಾರೆ. ವಿವಿಧ ಪೋಲೀಸ್ ಠಾಣೆಗಳ ವ್ಯಾಪ್ತಿಯಲ್ಲಿ ನಡೆಯುವ ಘಟನೆಗಳ ಕುರಿತು ಜಿಲ್ಲಾ ಪೋಲೀಸ್ ವರಿಷ್ಠಾಧಿಕಾರಿಗಳಿಗೆ ಆದಷ್ಟು ಬೇಗ ನಿಖರ ಹಾಗೂ ಸಮಗ್ರ ಮಾಹಿತಿ ದೊರೆಯುವಂತೆ ಜಿಲ್ಲಾ ವಿಶೇಷ ಶಾಖೆಯ ಘಟಕವನ್ನು ಬಲಪಡಿಸಬೇಕು. ಪೋಲೀಸ್ ಠಾಣೆಗಳ ದೈನಂದಿನ ಚಟುವಟಿಕೆಗಳನ್ನು ಉಪವಿಭಾಗದ ಪೆÇಲೀಸ್ ಅಧಿಕಾರಿಗಳು ಸರಿಯಾಗಿ ಮೌಲ್ಯಮಾಪನ ಮಾಡಬೇಕು ಎಂದು ಡಿಜಿಪಿ ತಿಳಿಸಿದ್ದಾರೆ.
           ರಾಜ್ಯದಲ್ಲಿನ ಪೋಲೀಸ್ ಠಾಣೆಗಳ ಕೆಲಸವನ್ನು ಮತ್ತಷ್ಟು ಬಲಪಡಿಸಲು ಡಿಜಿಪಿ ಈ ಮೂಲಕ ನಿರ್ದೇಶನ ನೀಡಿದ್ದಾರೆ. ಜಿಲ್ಲಾ ಪೋಲೀಸ್ ಮುಖ್ಯಸ್ಥರು, ವ್ಯಾಪ್ತಿಯ ಡಿಐಜಿಗಳು ಮತ್ತು ವಲಯ ಐಜಿಗಳ ಆನ್‍ಲೈನ್ ಸಭೆಯಲ್ಲಿ ಅವರು ಸೂಚನೆಗಳನ್ನು ನೀಡಿದರು.
           ಪ್ರಕರಣಗಳು, ಅಪರಾಧಗಳು ಇತ್ಯಾದಿಗಳಿಗೆ ಸಂಬಂಧಿಸಿದಂತೆ ವ್ಯಕ್ತಿಗಳನ್ನು ಪೋಲೀಸ್ ಠಾಣೆಗಳಿಗೆ ಕರೆತಂದಾಗ, ಸರಿಯಾದ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕು. ವೈದ್ಯಕೀಯ ಪರೀಕ್ಷೆಯನ್ನು ಸರಿಯಾಗಿ ನಡೆಸುವುದನ್ನು ಖಚಿತಪಡಿಸಿಕೊಳ್ಳಲು ಉಪವಿಭಾಗೀಯ ಪೋಲೀಸ್ ಅಧಿಕಾರಿಗಳು ಮತ್ತು ಠಾಣಾಧಿಕಾರಿಗಳು ಜವಾಬ್ದಾರರಾಗಿರುತ್ತಾರೆ. ಅಂತಹ ಸಂದರ್ಭಗಳಲ್ಲಿ ಕೇರಳ ಪೋಲೀಸ್ ಕಾಯಿದೆಯಲ್ಲಿ ನಿರ್ದಿಷ್ಟಪಡಿಸಿದ ಎಲ್ಲಾ ಕಾರ್ಯವಿಧಾನಗಳನ್ನು ಅನುಸರಿಸಬೇಕು.
          ಕಾನೂನಿನಿಂದ ಸೂಚಿಸಲಾದ ಸಂದರ್ಭಗಳನ್ನು ಹೊರತುಪಡಿಸಿ ಯಾವುದೇ ಸಂದರ್ಭಗಳಲ್ಲಿ ಬಲವನ್ನು ಪ್ರಯೋಗಿಸುವಂತಿಲ್ಲ. ಅಧಿಕೃತ ದಂಡನೆಯ ಭಾಗವಾಗಿ ಬಲದ ಅಗತ್ಯವಿದ್ದರೆ, ಅದು ಕಾನೂನುಬದ್ಧವಾಗಿರಬೇಕು ಎಂದು ರಾಜ್ಯ ಪೋಲೀಸ್ ಮುಖ್ಯಸ್ಥರು ಸ್ಪಷ್ಟಪಡಿಸಿದ್ದಾರೆ. ಜಿಲ್ಲಾ ಪೋಲೀಸ್ ಮುಖ್ಯಸ್ಥರು ನಿಯಮಿತ ಅಂತರದಲ್ಲಿ ಎಲ್ಲಾ ಪೋಲೀಸ್ ಠಾಣೆಗಳಿಗೆ ಭೇಟಿ ನೀಡಬೇಕು ಎಂದು ಡಿಜಿಪಿ ಸೂಚಿಸಿದ್ದಾರೆ.

           ಪೋಲೀಸರ ಮಧ್ಯಸ್ಥಿಕೆ ವಿವಾದದ ನಡುವೆಯೇ ಡಿಜಿಪಿಗಳ ಈ ನಿರ್ದೇಶನ ಬಂದಿದೆ. ಕೊಲ್ಲಂ ಕಲಿಕೊಲ್ಲೂರಿನಲ್ಲಿ ಯೋಧ ಮತ್ತು ಆತನ ಸಹೋದರನನ್ನು ಠಾಣೆಯಲ್ಲಿಯೇ ಹೊಡೆದ ಘಟನೆ ಮತ್ತು ಪಾಲಕ್ಕಾಡ್ ವಾಳಯಾರ್‍ನಲ್ಲಿ ಹೃದ್ರೋಗಿಯನ್ನು ಆಸ್ಪತ್ರೆಗೆ ಕರೆದೊಯ್ದ ಸಂಬಂಧಿಕರನ್ನು ಹಿಗ್ಗಾಮುಗ್ಗಾ ಥಳಿಸಿದ ಘಟನೆ ಇತ್ತೀಚೆಗೆ ನಡೆದಿದೆ. ಸ್ನೇಹಿತನ ಮನೆಯಲ್ಲಿ ಚಿನ್ನಾಭರಣ ಕಳವು, ಪೋಲೀಸರಿಂದಲೇ ಕಳವು ಮುಜುಗರ ಉಂಟು ಮಾಡಿದೆ. ಮಲಪ್ಪುರಂನ ಕಿಜಿಸ್ಸೆರಿಯಲ್ಲಿ 17 ವರ್ಷದ ಪ್ಲಸ್ ಒನ್ ವಿದ್ಯಾರ್ಥಿಗೆ ಥಳಿಸಿದ ಪೋಲೀಸರ ವಿರುದ್ಧ ತೀವ್ರ ಪ್ರತಿಭಟನೆ ವ್ಯಕ್ತವಾಗಿದೆ.