ಭಯೋತ್ಪಾದಕ ಸಂಬಂಧ; ಪಾಪ್ಯುಲರ್ ಫ್ರಂಟ್ ರಾಜ್ಯ ಕಾರ್ಯದರ್ಶಿ ಸಿಎ ರವೂಫ್ ಬಂಧನ-ರಿಮಾಂಡ್

      ಎರ್ನಾಕುಳಂ: ನಿಷೇಧಿತ ಧಾರ್ಮಿಕ ಭಯೋತ್ಪಾದಕ ಸಂಘಟನೆ ಪಾಪ್ಯುಲರ್ ಫ್ರಂಟ್ ನ ರಾಜ್ಯ ಕಾರ್ಯದರ್ಶಿ ಸಿಎ ರವೂಫ್ ನನ್ನು ರಿಮಾಂಡ್ ಮಾಡಲಾಗಿದೆ. ಆತನನ್ನು ಮುಂದಿನ ತಿಂಗಳ 19ರವರೆಗೆ ರಿಮಾಂಡ್ ನೀಡಲಾಗಿದೆ.
         ರೌಫ್ ನ ಕಸ್ಟಡಿ ಅರ್ಜಿಯನ್ನು ನ್ಯಾಯಾಲಯ ಸೋಮವಾರ ಪರಿಗಣಿಸಲಿದೆ.
          ಕೊಚ್ಚಿಯ ಎನ್.ಐ.ಎ. ಕೋರ್ಟ್ ರಿಮಾಂಡ್ ವಿಧಿಸಿದೆ. ರೌಫ್ ಬಂಧನದ ನಂತರ ವಿಚಾರಣೆ ನಡೆಸಲಾಯಿತು. ಬಳಿಕ ಮಧ್ಯಾಹ್ನ ನ್ಯಾಯಾಲಯಕ್ಕೆ ಎನ್‍ಐಎ ಹಾಜರುಪಡಿಸಲಾಯಿತು.
            ವಿದೇಶದಲ್ಲಿರುವ ಭಯೋತ್ಪಾದಕ ಸಂಘಟನೆಗಳೊಂದಿಗೆ ರೌಫ್ ನಂಟು ಹೊಂದಿರುವುದು ಎನ್ ಐಎ ತಂಡ ಪತ್ತೆ ಮಾಡಿದೆ. ಈ ಸಂಬಂಧ ವಿಚಾರಣೆಗಾಗಿ ರೌಫ್‍ನನ್ನು ವಶಕ್ಕೆ ತೆಗೆದುಕೊಳ್ಳಲಾಗುವುದು. ಆರು ದಿನಗಳ ಕಸ್ಟಡಿಗೆ ಕೋರಲಾಗಿದೆ. ಎನ್‍ಐಎ ತಂಡ ಗುರುವಾರ ಮಧ್ಯರಾತ್ರಿ ರೌಫ್‍ನನ್ನು ಬಂಧಿಸಿತ್ತು.
         ಪಾಪ್ಯುಲರ್ ಫ್ರಂಟ್ ಕೇಂದ್ರಗಳಲ್ಲಿ ವ್ಯಾಪಕ ತಪಾಸಣೆ ಮತ್ತು ನಿಷೇಧದ ನಂತರ ರೌಫ್ ಪರಾರಿಯಾಗಿದ್ದ. ರಾಜ್ಯ ತೊರೆದಿರುವ ರೌಫ್ ಇತ್ತೀಚೆಗμÉ್ಟೀ ಪಾಲಕ್ಕಾಡ್ ನ ಪಟ್ಟಾಂಬಿಯಲ್ಲಿರುವ ತನ್ನ ಮನೆಗೆ ಬಂದಿದ್ದ ಎಂಬ ಮಾಹಿತಿ ಎನ್ ಐಎ ತಂಡಕ್ಕೆ ಸಿಕ್ಕಿತ್ತು. ಇದರ ಆಧಾರದ ಮೇಲೆ ರಾತ್ರಿ ಮನೆ ಸುತ್ತುವರಿದು ರವೂಫ್ ನನ್ನು ಬಂಧಿಸಲಾಗಿದೆ. ತಲೆಮರೆಸಿಕೊಂಡ ನಂತರವೂ ರೌಫ್ ರಾಜ್ಯದಲ್ಲಿ ದಂಗೆಯ ಪ್ರಯತ್ನಗಳ ಯೋಜನೆಯನ್ನು ಮುನ್ನಡೆಸುತ್ತಿದ್ದ.