ಸೈಕ್ಲೋನ್; ಭಾರೀ ಮಳೆ ಸಾಧ್ಯತೆ; ಎಚ್ಚರಿಕೆ

               ತಿರುವನಂತಪುರ: ಇಂದು ರಾಜ್ಯದ ವಿವಿಧೆಡೆ  ಭಾರೀ ಮಳೆಯಾಗುವ ಸಾಧ್ಯತೆ ಇದೆ. ಗುಡ್ಡಗಾಡು ಪ್ರದೇಶಗಳಲ್ಲಿ ಮಳೆಯಾಗುವ ಸಾಧ್ಯತೆ ಹೆಚ್ಚಿದೆ ಎಂದು ಕೇಂದ್ರ ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿದೆ.
                    ಈ ಹಿನ್ನೆಲೆಯಲ್ಲಿ ಇಂದು ಇಡುಕ್ಕಿ ಮತ್ತು ವಯನಾಡಿನಲ್ಲಿ ಹಳದಿ ಅಲರ್ಟ್ ಘೋಷಿಸಲಾಗಿದೆ. ತಮಿಳುನಾಡಿನ ಕರಾವಳಿಯ ಬಂಗಾಳಕೊಲ್ಲಿಯಲ್ಲಿ ಚಂಡಮಾರುತದಿಂದಾಗಿ ಮಳೆಯಾಗಲಿದೆ.
                       ನಾಳೆ ಗುಡ್ಡಗಾಡು ಪ್ರದೇಶಗಳಲ್ಲಿ ಭಾರೀ ಮಳೆಯಾಗುವ ಸಾಧ್ಯತೆ ಇದೆ. ಹೀಗಾಗಿ ಇಂತಹ ಪ್ರದೇಶಗಳಲ್ಲಿ ವಾಸಿಸುವ ಜನರು ಎಚ್ಚರಿಕೆಯಿಂದ ಇರುವಂತೆ ಎಚ್ಚರಿಕೆ ನೀಡಲಾಗಿದೆ.ಕೇರಳದಲ್ಲಿ ಅಕ್ಟೋಬರ್ 9 ರಿಂದ 13 ರ ವರೆಗೆ ಗುಡುಗು, ಮಿಂಚು ಸಹಿತ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಕೇಂದ್ರ ತಿಳಿಸಿದೆ.
              ಏತನ್ಮಧ್ಯೆ, ವಯನಾಡಿನಲ್ಲಿ ನಿನ್ನೆ ಸುರಿದ ಭಾರೀ ಮಳೆಗೆ ತಗ್ಗು ಪ್ರದೇಶಗಳು ಜಲಾವೃತವಾಗಿದ್ದವು. ಪೂತಾಡಿ ಪಂಚಾಯತ್ ನ ನಟವಯಲ್ ನೇಯ್ಕುಪ್ಪ ಕಾಲೋನಿ ಹಾಗೂ ನಟವಯಲ್ ಪೇರೂರು ಕಾಲೋನಿ ಜಲಾವೃತಗೊಂಡಿವೆ. ಸುಲ್ತಾನ್ ಬತ್ತೇರಿಯಲ್ಲಿ ನರಸಿ ಹೊಳೆ ಉಕ್ಕಿ ಹರಿಯಿತು.