ಮದುವೆ ನಂತರ ದೈಹಿಕ ಸಂಬಂಧ: ಅಪ್ರಾಪ್ತ ವಯಸ್ಕಳು ನೀಡುವ ಒಪ್ಪಿಗೆಗೆ ಮಹತ್ವ ಇಲ್ಲ

 

           ಲಖನೌ: ಅಪ್ರಾಪ್ತ ವಯಸ್ಕಳು ಮದುವೆಯಾದ ನಂತರ ದೈಹಿಕ ಸಂಬಂಧಕ್ಕೆ ಅನುಮತಿಸಿದ್ದರೂ, ಅದಕ್ಕೆ ಯಾವುದೇ ಮಹತ್ವ ಇಲ್ಲ ಎಂದು ಅಲಹಾಬಾದ್‌ ಹೈಕೋರ್ಟ್‌ ಮಹತ್ವದ ತೀರ್ಪು ನೀಡಿದೆ.

                 ಅರ್ಜಿ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಸಾಧನಾ ರಾಣಿ (ಠಾಕೂರ್‌) ಅವರಿದ್ದ ಏಕಸದಸ್ಯ ನ್ಯಾಯಪೀಠ, ಈ ಪ್ರಕರಣದಲ್ಲಿ ಪತಿಗೆ ಯಾವುದೇ ರೀತಿಯ ಪರಿಹಾರ ನೀಡಲು ಸಾಧ್ಯ ಇಲ್ಲ ಎಂದು ಹೇಳಿತು.

ಪತಿ ವಿರುದ್ಧ ಅತ್ಯಾಚಾರ ಪ್ರಕರಣ ದಾಖಲಿಸಲಾಗಿದೆ.

               'ಬಾಲಕಿಯನ್ನು ಮದುವೆಯಾಗಿದ್ದು, ದೈಹಿಕ ಸಂಬಂಧಕ್ಕೆ ಆಕೆ ಒಪ್ಪಿಗೆ ಸೂಚಿಸಿದ್ದಳು. ಹೀಗಾಗಿ, ತನಗೆ ಜಾಮೀನು ನೀಡಬೇಕು' ಎಂಬ ಪತಿಯ ಅರ್ಜಿಯನ್ನು ನ್ಯಾಯಪೀಠ ತಿರಸ್ಕರಿಸಿತು.