ದಸರಾ ನಾಡಹಬ್ಬ ಆಚರಣೆ

                ಬದಿಯಡ್ಕ: ಗಡಿನಾಡ ಸಾಹಿತ್ಯ ಸಾಂಸ್ಕøತಿಕ ಅಕಾಡೆಮಿ, ಕರ್ನಾಟಕ ಜಾನಪದ ಪರಿಷತ್ತು ಕೇರಳ ಘಟಕ, ಕನ್ನಡ ಭವನ ಗ್ರಂಥಾಲಯ ಕಾಸರಗೋಡು ಸಂಯುಕ್ತಾಶ್ರಯದಲ್ಲಿ ದಸರಾ ನಾಡಹಬ್ಬವನ್ನು ಬದಿಯಡ್ಕ  ಗಂಗಾಧರ ಆಳ್ವ ಪ್ರತಿμÁ್ಠನದ ಆಶ್ರಯದಲ್ಲಿ ಆಚರಿಸಲಾಯಿತು. ಬದಿಯಡ್ಕ ಗ್ರಾಮ ಪಂಚಾಯತಿ ಅಧ್ಯಕ್ಷೆ ಶಾಂತಾ ಬಾರಡ್ಕ ಅವರು ಕಾರ್ಯಕ್ರಮವನ್ನು ದೀಪ ಬೆಳಗಿಸಿ ಉದ್ಘಾಟಿಸಿ, ನಾಡು ನುಡಿ ಸಂಸ್ಕೃತಿ ಆಚರಣೆಗಳ ಜತೆಗೆ ಭಕ್ತಿ ಭಾವದ ಸಂಗಮ ದಸರಾ ನಾಡ ಹಬ್ಬ.  ಮಹಾಮಾತೆಯನ್ನು ವಿವಿಧ ರೂಪಗಳಲ್ಲಿ ಆರಾಧಿಸಿ ದುಷ್ಟ ಶಿಕ್ಷಕಿಯಾಗಿ ಪ್ರಪಂಚದಲ್ಲಿ ನ್ಯಾಯ, ನೀತಿಯ ಸಂರಕ್ಷಣೆ ಮಾಡುವ ಮಾತೆಯನ್ನು ಕೊಂಡಾಡುವ ಹಬ್ಬ.  ಬೀದಿ ಬೀದಿಗಳಲ್ಲಿ ಮೆರವಣಿಗೆ, ಹುಲಿ ಕುಣಿತ, ಧಾರ್ಮಿಕ ಸಾಂಸ್ಕೃತಿಕ ಕಾರ್ಯಕ್ರಮಗಳು ಸಂಭ್ರಮವೇ ನವರಾತ್ರಿ ಹಬ್ಬದ ವಿಶೇಷತೆ
ಎಂದು ಹೇಳಿದರು.
          ಬದಿಯಡ್ಕ ಗ್ರಾಮ ಪಂಚಾಯತಿ ಸದಸ್ಯೆ ಶುಭಲತಾ ರೈ, ಸೌಪರ್ಣಿಕ ನವಜೀವನ ಸಮಿತಿಯ ಸದಸ್ಯ, ಯಕ್ಷಗಾನ ಗುರು ಜಯರಾಮ ಪಾಟಾಳಿ ಪಡುಮಲೆ, ವೀರೇಶ್ವರ ಕರ್ಮರ್ ಕರ್, ದಯಾನಂದ ರೈ ಮುಂತಾದವರು ಶುಭಾಶಂಸನೆಗೈದರು. ಹರೀಶ್ ಗೋಸಾಡ ಸ್ವಾಗತಿಸಿ, ಜಗನ್ನಾಥ ಶೆಟ್ಟಿ ವಂದಿಸಿದರು. ದಸರಾ ಸಮಿತಿ ಸಂಚಾಲಕ ಅಖಿಲೇಶ್ ನಗುಮುಗಂ ಅವರು ಕಾರ್ಯಕ್ರಮ ನಿರೂಪಿಸಿದರು.