ಪಾಕಿಸ್ತಾನ ಉಗ್ರವಾದದಲ್ಲಿ ಪರಿಣತಿ ಪಡೆದಿದೆ: ಜೈಶಂಕರ್ ಟೀಕೆ

 

              ಅಹಮದಾಬಾದ್‌: ಭಾರತ ಮಾಹಿತಿ ತಂತ್ರಜ್ಞಾನದಲ್ಲಿ ಪರಿಣತಿ ಪಡೆದಿದ್ದರೆ, ಪಾಕಿಸ್ತಾನ ಉಗ್ರವಾದದಲ್ಲಿ ಪರಿಣತಿ ಪಡೆದಿದೆ ಎಂದು ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಟೀಕಿಸಿದ್ದಾರೆ

                 ಗುಜರಾತ್‌ ರಾಜ್ಯದ ವಡೋದರಾದಲ್ಲಿ ಮಾತನಾಡಿದ ಅವರು, 'ನೀವು ನಮ್ಮ ವಿರುದ್ಧ ಭಯೋತ್ಪಾದನೆ ಸೃಷ್ಟಿಸುತ್ತಿದ್ದರೆ, ನಾಳೆ ಅದು ನಿಮ್ಮ ವಿರುದ್ಧ ಕೆಲಸ ಮಾಡಲಿದೆ ಎಂದು ಪಾಕಿಸ್ತಾನಕ್ಕೆ ಅವರು ಎಚ್ಚರಿಕೆ ನೀಡಿದ್ದಾರೆ.

                   ಹಿಂದಿನ ನಿಮ್ಮ ಭಯೋತ್ಪಾದನೆ ತಂತ್ರ ಈಗ ಜಾಗತಿಕವಾಗಿ ಕೆಲಸ ಮಾಡುವುದಿಲ್ಲ, ಇಡೀ ಜಗತ್ತಿಗೆ ನಿಮ್ಮ ನಡೆ ಏನು ಎಂಬುದು ಗೊತ್ತು. ಜಗತ್ತು ಇನ್ನು ಮುಂದೆ ಅದನ್ನು ಸಹಿಸುವುದಿಲ್ಲ ಎಂದು ಹೇಳಿದ್ದಾರೆ.

                ಉಕ್ರೇನ್ ಮೇಲಿನ ಯುದ್ಧದ ಸಂದರ್ಭದಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ನಿಭಾಯಿಸಿದ ರೀತಿಯನ್ನು ವಿದೇಶಾಂಗ ಸಚಿವರು ಹೊಗಳಿದ್ದಾರೆ.