ನವದೆಹಲಿ: ತಾಂತ್ರಿಕ ವಿಶ್ವವಿದ್ಯಾನಿಲಯದ ವಿಸಿ ನೇಮಕದಲ್ಲಿ ಸುಪ್ರೀಂ ಕೋರ್ಟ್ ಮತ್ತು ಕುಫೆÇೀಸ್ ವಿಸಿ ನೇಮಕದಲ್ಲಿ ಹೈಕೋರ್ಟ್‍ನಿಂದ ಅನುಕೂಲಕರ ತೀರ್ಪು ಬಂದಿದೆ ಎಂದು ರಾಜ್ಯಪಾಲ ಆರಿಫ್ ಮೊಹಮ್ಮದ್ ಖಾನ್ ಹೇಳಿದ್ದಾರೆ. ಇದರ ಆಧಾರದ ಮೇಲೆ ಇನ್ನೆರಡು ಮೂರು ತಿಂಗಳಲ್ಲಿ ನೂತನ ವಿಸಿಗಳನ್ನು ನೇಮಕ ಮಾಡಲಾಗುವುದು ಎಂದು ರಾಜ್ಯಪಾಲರು ತಿಳಿಸಿದರು.
ಇನ್ನೆರಡು ಮೂರು ತಿಂಗಳಲ್ಲಿ ಹೊಸ ವಿಸಿಗಳನ್ನು ನೇಮಕಮಾಡಲಾಗುವುದು. ಶೋಧನಾ ಸಮಿತಿ ರಚಿಸಿ ನೇಮಕಾತಿ ಪ್ರಕ್ರಿಯೆ ಚುರುಕುಗೊಳಿಸಲಾಗುವುದು ಎಂದು ರಾಜ್ಯಪಾಲರು ತಿಳಿಸಿದರು. ಸುದ್ದಿಸಂಸ್ಥೆಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ರಾಜ್ಯಪಾಲರು ಈ ಹೇಳಿಕೆ ನೀಡಿದ್ದಾರೆ.
ಸರ್ಕಾರದ ಒತ್ತಡಕ್ಕೆ ಮಣಿಯದಿದ್ದರೆ ನ್ಯಾಯಾಂಗದ ಬೆಂಬಲ ಸಿಗುತ್ತದೆ ಎಂದು ರಾಜ್ಯಪಾಲರು ಭಾವಿಸಿದ್ದಾರೆ. ಕೆಟಿಯು ವಿಸಿ ನೇಮಕಕ್ಕೆ ಸಂಬಂಧಿಸಿದಂತೆ ಸುಪ್ರೀಂ ಕೋರ್ಟ್ ಆದೇಶವು ಆ ವಿಶ್ವವಿದ್ಯಾಲಯಕ್ಕೆ ಮಾತ್ರ ಅನ್ವಯಿಸುತ್ತದೆ ಎಂದು ರಾಜ್ಯ ಸರ್ಕಾರ ವಾದಿಸಿತ್ತು. ಆದರೆ ಕುಫೆÇೀಸ್‍ನಲ್ಲಿನ ವಿಸಿಯನ್ನು ಬದಲಿಸುವ ಹೈಕೋರ್ಟ್‍ನ ತೀರ್ಪು ಎಲ್ಲಾ ವಿಶ್ವವಿದ್ಯಾಲಯಗಳಿಗೆ ಈ ತೀರ್ಪು ಅನ್ವಯಿಸುತ್ತದೆ ಎಂಬ ರಾಜ್ಯಪಾಲರ ವಾದವನ್ನು ಎತ್ತಿಹಿಡಿದಿದೆ. ಹಾಗಾಗಿ ಇತರೆ ವಿವಿಗಳಲ್ಲೂ ವಿಸಿ ನೇಮಕಕ್ಕೆ ಮುಂದಾಗಬೇಕು ಎಂಬುದು ರಾಜ್ಯಪಾಲರ ತೀರ್ಮಾನವಾಗಿದೆ.
ಕುಫೆÇೀಸ್ ವಿಸಿ ಡಾ.ರಿಜಿ ಜಾನ್ ಅವರನ್ನು ವಿಸಿ ಹುದ್ದೆಯಿಂದ ಕೆಳಗಿಳಿಸಿ ಕೇರಳ ಹೈಕೋರ್ಟ್ ತೀರ್ಪು ನೀಡಿತ್ತು. ನಿಯಮಾವಳಿಗಳನ್ನು ಪಾಲಿಸದೆ ವಿಸಿ ನೇಮಕ ನಡೆದಿದ್ದರಿಂದ ಕೇರಳ ಹೈಕೋರ್ಟ್ ಯುಜಿಸಿ ನಿಯಮಾವಳಿಗಳನ್ನು ಅನುಸರಿಸಿ ನೂತನ ವಿಸಿ ನೇಮಕಕ್ಕೆ ನಿರ್ದೇಶನ ನೀಡಿದೆ.
ಈ ಹಿಂದೆ, ಎಪಿಜೆ ಅಬ್ದುಲ್ ಕಲಾಂ ತಾಂತ್ರಿಕ ವಿಶ್ವವಿದ್ಯಾಲಯದ (ಕೆಟಿಯು) ಉಪಕುಲಪತಿ ಹುದ್ದೆಯಿಂದ ರಾಜಶ್ರೀ ಎಂಎಸ್ ಅವರನ್ನು ತೆಗೆದು ಸುಪ್ರೀಂ ಕೋರ್ಟ್ ತೀರ್ಪು ನೀಡಿತ್ತು. ಈ ನೇಮಕಾತಿಯು ಯುಜಿಸಿ ನಿಯಮಗಳಿಗೆ ಅನುಸಾರವಾಗಿಲ್ಲ ಎಂದು ಸುಪ್ರೀಂ ಕೋರ್ಟ್ ಕಂಡುಕೊಂಡಿದೆ. ರಾಜ್ಯಪಾಲರ ನಿಲುವು ಸರಿಯಾಗಿದೆ ಎಂಬುದನ್ನು ನ್ಯಾಯಾಲಯದ ಈ ಎರಡು ತೀರ್ಪುಗಳು ಸಾಬೀತುಪಡಿಸಿವೆ.
DOCTYPE html>
.jpg)
