ರಾಜ್ಯದ ಅತಿ ಉದ್ದದ ಎಲಿವೇಟೆಡ್ ಹೆದ್ದಾರಿ 29 ರಂದು ಉದ್ಘಾಟನೆ: ಕೇಂದ್ರ ಸಚಿವ ನಿತಿನ್ ಗಡ್ಕರಿಯಿಂದ ಲೋಕಾರ್ಪಣೆ

             ತಿರುವನಂತಪುರ: ರಾಜ್ಯದ ಅತಿ ಉದ್ದದ ಕಜಕೂಟಂ ಎಲಿವೇಟೆಡ್ ಹೆದ್ದಾರಿಯನ್ನು ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅವರು ನ, 29 ರಂದು ಉದ್ಘಾಟಿಸಲಿದ್ದಾರೆ.
              ಕೇಂದ್ರ ರಾಜ್ಯ ಸಚಿವರಾದ ವಿಕೆ ಸಿಂಗ್, ವಿ ಮುರಳೀಧರನ್, ರಾಜ್ಯಪಾಲ ಆರಿಫ್ ಮೊಹಮ್ಮದ್ ಖಾನ್, ಮುಖ್ಯಮಂತ್ರಿ ಪಿಣರಾಯಿ ವಿಜಯನ್, ಲೋಕೋಪಯೋಗಿ ಸಚಿವ ಪಿಎ ಮುಹಮ್ಮದ್ ರಿಯಾಜ್ ಮತ್ತಿತರರು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ. ಡಿಸೆಂಬರ್ 2018 ರಲ್ಲಿ ರಸ್ತೆ ನಿರ್ಮಾಣ ಪ್ರಾರಂಭವಾಯಿತು. ಇದು ರಾಜ್ಯದ ಅತಿ ಉದ್ದದ ಎಲಿವೇಟೆಡ್ ಹೆದ್ದಾರಿ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ.
            ಎಲಿವೇಟೆಡ್ ಹೆದ್ದಾರಿಯ ಉದ್ದ 2.8 ಕಿ.ಮೀ.ಆಗಿದೆ.  ಮೇಲ್ಸೇತುವೆಯು ಅಟ್ಟಿಂಕುಝಿಯಿಂದ ಪ್ರಾರಂಭವಾಗುತ್ತದೆ ಮತ್ತು ಕಝಕೂಟಂ ಮಿಷನ್ ಆಸ್ಪತ್ರೆಯ ಬಳಿ ಕೊನೆಗೊಳ್ಳುತ್ತದೆ. ನಿರ್ಮಾಣ ವೆಚ್ಚ 200 ಕೋಟಿ ರೂ.ತಗಲಿದೆ. ಎರಡೂ ಬದಿಯಲ್ಲಿ 7.5 ಮೀ ಅಗಲದ ಸರ್ವಿಸ್ ರಸ್ತೆ ಮತ್ತು ಸೇತುವೆಯ ಕೆಳಗೆ 7.75 ಮೀ ಅಗಲದ ರಸ್ತೆ ಇದೆ.
             45,515 ಕೋಟಿ ರೂ.ಗಳ 15 ಯೋಜನೆಗಳ ಉದ್ಘಾಟನೆ ಮತ್ತು ಶಂಕುಸ್ಥಾಪನೆ ನವೆಂಬರ್ 29 ರಂದು ನಿಗದಿಯಾಗಿದೆ. ವಡಕಂಚೇರಿ ಮನ್ನುತ್ತಿ ಆರು ಪಥದ ಹೆದ್ದಾರಿ ಮತ್ತು ಕುತಿರನ್ ಸುರಂಗವನ್ನು ಒಳಗೊಂಡಿರುವ ಕಜಕೂಟಂ ಎಲಿವೇಟೆಡ್ ಹೆದ್ದಾರಿಯನ್ನು ಉದ್ಘಾಟಿಸಲಾಗುವುದು. ಇದಲ್ಲದೇ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ 13 ಯೋಜನೆಗಳ ಶಂಕುಸ್ಥಾಪನೆಯೂ ನಡೆಯಲಿದೆ.