ಹಾವು ಹಿಡಿಯಲು ಸರ್ಪಾ ಆಪ್: ಹಾವು ಹಿಡಿಯಲು ಬರುವವರು ಅಪರಾಧ ಹಿನ್ನೆಲೆಯುಳ್ಳವರು ಎಂಬ ದೂರು: ಸರ್ಕಾರದ ಆಪ್ ವಿರುದ್ಧ ವ್ಯಾಪಕ ದೂರು

             ಕಣ್ಣೂರು: ಜನವಸತಿ ಪ್ರದೇಶದಲ್ಲಿ ಭೀತಿತರುವ ಹಾವುಗಳನ್ನು ಹಿಡಿದು ಕಾಡಿಗೆ ಬಿಡಲು  ಸರ್ಕಾರ ಸಿದ್ಧಪಡಿಸಿರುವ ಸರ್ಪ ಆ್ಯಪ್ ವಿರುದ್ಧ ವ್ಯಾಪಕ ದೂರುಗಳು ವ್ಯಕ್ತವಾಗಿದೆ.
          ಹಾವು ಹಿಡಿಯಲು ದಾಖಲಾಗಿರುವ ಬಹುತೇಕರು ಅಪರಾಧ ಹಿನ್ನೆಲೆಯುಳ್ಳವರು. ಪರವಾನಿಗೆ ನೀಡುವಾಗ ಸರ್ಕಾರ ಹಿನ್ನಲೆ ನೋಡುವುದಿಲ್ಲ ಎಂದು ದೂರಲಾಗಿದೆ. ದಾಖಲಾದವರಲ್ಲಿ ಹಾವಿನ ವಿಷವನ್ನು ಹೊಂದಿದ್ದಕ್ಕಾಗಿ ಒಬ್ಬ ವ್ಯಕ್ತಿಯನ್ನು ಬಂಧಿಸಲಾಗಿದೆ.
          ಹಾವು ಹಿಡಿಯುವವರು ಕ್ರಿಮಿನಲ್ ಹಿನ್ನೆಲೆ ಹೊಂದಿರಬಾರದು ಎಂದು ಕಾನೂನು ಹೇಳುತ್ತದೆ. ಆದರೆ ಕಣ್ಣೂರು ಜಿಲ್ಲೆಯೊಂದರಲ್ಲೇ 43 ಹಾವು ಹಿಡಿಯುವವರಲ್ಲಿ  3 ಮಂದಿ ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾಗಿದ್ದಾರೆ ಎಂದು ವರದಿಯಾಗಿದೆ. ಒಬ್ಬ ಅತ್ಯಾಚಾರ ಪ್ರಕರಣದಲ್ಲಿ ಆರೋಪಿಯಾಗಿದ್ದು, ಮತ್ತೊಬ್ಬ ಅರಣ್ಯ ವೀಕ್ಷಕನಾಗಿದ್ದು, ಅಪಘಾತವಾದ ಕಾಡುಹಂದಿಯ ಮಾಂಸವನ್ನು ಆಹಾರವಾಗಿ ಬಳಸಿದ ಪ್ರಕರಣ ಆತನ ಮೇಲಿದೆ. ಮೂರನೆಯ ಹಾವಿನ ವಿಷ ಹೊಂದಿದ್ದಕ್ಕಾಗಿ ಸದ್ಯ ವಿಚಾರಣೆಯಲ್ಲಿದ್ದಾನೆ.
          ರಾಜ್ಯದಾದ್ಯಂತ 900 ಕ್ಕೂ ಹೆಚ್ಚು ಹಾವು ಹಿಡಿಯುವವರು ಅಪ್ಲಿಕೇಶನ್‍ನೊಂದಿಗೆ ಕೆಲಸ ಮಾಡುತ್ತಿದ್ದಾರೆ. ಆದರೆ ರಕ್ಷಿಸಿದವರು ಕ್ರಿಮಿನಲ್ ಗಳೇ ಎಂದು ತಿಳಿಯದೆ ಸಾರ್ವಜನಿಕರು ಹಾವು ಕಂಡರೆ ಕರೆ ಮಾಡುತ್ತಾರೆ. ಈ ರೀತಿ ಹಿಡಿದ ಹಾವುಗಳಿಂದ ವಿಷ ಸಂಗ್ರಹಿಸಿ ಮಾರಾಟ ಮಾಡುವ ಕೆಲವರು ಇದ್ದಾರೆ ಎಂಬ ಆರೋಪವೂ ಇದೆ.
         ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾದವರನ್ನು ಕೂಡಲೇ ಪಟ್ಟಿಯಿಂದ ತೆಗೆದುಹಾಕಬೇಕು. ಪರವಾನಗಿ ನೀಡುವಾಗ ಕೂಲಂಕಷವಾಗಿ ಪರಿಶೀಲನೆ ನಡೆಸಬೇಕು ಎಂಬುದು ಈ ಕ್ಷೇತ್ರದಲ್ಲಿ ಕೆಲಸ ಮಾಡುವವರ ಆಗ್ರಹವಾಗಿದೆ.