ಶಬರಿಮಲೆ ಯಾತ್ರಾರ್ಥಿಗಳಿಗೆ ಶಿಬಿರಗಳನ್ನು ಸಿದ್ಧಪಡಿಸಬೇಕು: ಸೌಲಭ್ಯ ಒದಗಿಸುವಲ್ಲಿ ವಿಫಲವಾದಲ್ಲಿ ಹೈಕೋರ್ಟ್ ತಿಳಿಸಲು ಸೂಚನೆ

        ಎರ್ನಾಕುಐಂ: ಶಬರಿಮಲೆ ಯಾತ್ರೆಗೆ ಸಂಬಂಧಿಸಿದಂತೆ ಅಗತ್ಯ ಸೌಲಭ್ಯಗಳನ್ನು ಖಚಿತಪಡಿಸಿಕೊಳ್ಳುವಂತೆ ದೇವಸ್ವಂ ಮಂಡಳಿಗಳಿಗೆ ಹೈಕೋರ್ಟ್ ನಿರ್ದೇಶನ ನೀಡಿದೆ.
           ದೇವಸ್ಥಾನದ ಸಲಹಾ ಸಮಿತಿಗಳು ದೇವಸ್ವಂ ಅಧಿಕಾರಿಗಳಿಗೆ ಅಗತ್ಯ ನೆರವು ನೀಡಬೇಕು. ಸಹಾಯಕ ದೇವಸ್ವಂ ಆಯುಕ್ತರು ಯಾತ್ರಾರ್ಥಿಗಳಿಗೆ ಒದಗಿಸುವ ಸೌಲಭ್ಯಗಳನ್ನು ಪರಿಶೀಲಿಸಬೇಕು ಎಂದು ಸೂಚನೆಗಳಿವೆ. ಈ ಸಂಬಂಧ ಹೈಕೋರ್ಟ್‍ನ ದೇವಸ್ವಂ ಪೀಠ ಸೂಚನೆ ನೀಡಿದೆ.
        ಯಾತ್ರಾರ್ಥಿಗಳಿಗೆ ಸೌಲಭ್ಯ ಕಲ್ಪಿಸುವಲ್ಲಿ ಯಾವುದೇ ಲೋಪ ಕಂಡುಬಂದಲ್ಲಿ ನ್ಯಾಯಾಲಯಕ್ಕೆ ವರದಿ ಸಲ್ಲಿಸಬೇಕು. ಇದನ್ನು ವಿಶೇಷ ಆಯುಕ್ತರ ಮೂಲಕ ತಿಳಿಸಬೇಕು. ಇದಲ್ಲದೇ, ಗುರುವಾಯೂರು ದೇವಸ್ಥಾನದಲ್ಲಿ ಶಬರಿಮಲೆ ಯಾತ್ರಾರ್ಥಿಗಳಿಗೆ ಒದಗಿಸಿರುವ ಸೌಲಭ್ಯಗಳನ್ನು ಮೌಲ್ಯಮಾಪನ ಮಾಡುವಂತೆ ದೇವಸ್ವಂ ಪೀಠವು ಉಪ ಆಡಳಿತಾಧಿಕಾರಿಗೆ ಸೂಚಿಸಿದೆ.
         ಮಂಡಲ-ಮಕರ ಬೆಳಕು ಯಾತ್ರೆಗೆ ಸಂಬಂಧಿಸಿದಂತೆ 59 ತಂಗುದಾಣಗಳನ್ನು  ಸಿದ್ಧಪಡಿಸಲಾಗುವುದು ಎಂದು ತಿರುವಾಂಕೂರು ದೇವಸ್ವಂ ಮಂಡಳಿಯು ಹೈಕೋರ್ಟ್‍ಗೆ ಮಾಹಿತಿ ನೀಡಿದೆ. ಇವುಗಳನ್ನು ತಿರುವಾಂಕೂರು ಮತ್ತು ಕೊಚ್ಚಿನ್ ದೇವಸ್ವಂ ಮಂಡಳಿಗಳ ಅಡಿಯಲ್ಲಿ ಸಿದ್ಧಪಡಿಸಲಾಗುವುದು. ಗುರುವಾಯೂರ್ ದೇವಸ್ಥಾನದಲ್ಲಿ ಕಟ್ಟಕಟ್ಟಲು ಮತ್ತು ಹೂಮಾಲೆ ಹಾಕಲು ವಿಶೇಷ ಸೌಲಭ್ಯಗಳನ್ನು ಒದಗಿಸಲಾಗುವುದು. ತಿರುವಾಂಕೂರು ದೇವಸ್ವಂ ಮಂಡಳಿ ಕೂಡ ನಿಲ್ದಾಣಗಳಲ್ಲಿ ಅನ್ನದಾನ ನಡೆಸಲಿದೆ ಎಂದು ತಿಳಿಸಿದೆ.