ಶಬರಿಮಲೆ ಯಾತ್ರಿಕರನ್ನು ತಡೆದ ಅರಣ್ಯ ಇಲಾಖೆ; ಸಾಂಪ್ರದಾಯಿಕ ಅರಣ್ಯ ರಸ್ತೆಗಳ ಮೂಲಕ ತೆರಳಲು ನಿಯಂತ್ರಣ: ಭಕ್ತರಿಂದ ನಾಮಜಪ ಪ್ರತಿಭಟನೆ

              ಎರುಮೇಲಿ: ಸಾಂಪ್ರದಾಯಿಕ ಅರಣ್ಯ ಮಾರ್ಗದ ಮೂಲಕ ಶಬರಿಮಲೆ ಸನ್ನಿಧಿಗೆ  ತೆರಳುತ್ತಿದ್ದ ಭಕ್ತರನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ತಡೆಹಿಡಿದ ಘಟನೆ ನಡೆದಿದೆ.
           ಅರಣ್ಯ ಇಲಾಖೆ ಅಧಿಕಾರಿಗಳು ಅರಣ್ಯ ಪ್ರವೇಶಿಸಲು ಬಿಡುವುದಿಲ್ಲ ಎಂದು 100ಕ್ಕೂ ಹೆಚ್ಚು ಯಾತ್ರಾರ್ಥಿಗಳನ್ನು ತಡೆದರು. ಘಟನೆ ಖಂಡಿಸಿ ಯಾತ್ರಾರ್ಥಿಗಳು ಅರಣ್ಯ ಇಲಾಖೆ ಕಚೇರಿ ಎದುರು ಧರಣಿ ಸತ್ಯಾಗ್ರಹ ನಡೆಸಿದರು.
        ಇರುಂಬುನ್ನಿಕರ ಬಳಿಯ ಅರಿಕ್ಕಾವ್ ಚೆಕ್ ಪೋಸ್ಟ್ ನಲ್ಲಿ ಯಾತ್ರಾರ್ಥಿಗಳನ್ನು ತಡೆಹಿಡಿಯಲಾಯಿತು.  ಈ ಹಿಂದೆ ನಡೆದ ಪರಿಶೀಲನಾ ಸಭೆಯಲ್ಲಿ ಕೈಗೊಂಡ ನಿರ್ಣಯದಂತೆ ಕ್ರಮವಾಗಿದೆ ಎಂಬುದು ಅರಣ್ಯ ಇಲಾಖೆ ವಿವರಣೆ ನೀಡಿದೆ. ಕಾಡುಪ್ರಾಣಿಗಳ ಕಾಟ ವಿಪರೀತವಾಗಿದ್ದು, ಭಕ್ತರು ತೆರಳಲು ಪರದಾಡುವಂತಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇದೇ ವೇಳೆ, ವೃಶ್ಚಿಕ 1 ರಂದು ಯಾತ್ರಾರ್ಥಿಗಳನ್ನು ಅರಣ್ಯ ಮಾರ್ಗದ ಮೂಲಕ ಸಂಚರಿಸಲು ಬಿಡಲಾಗುವುದು ಎಂದು ಅರಣ್ಯ ಇಲಾಖೆ ತಿಳಿಸಿದೆ.
          ಆದರೆ ಇದು ಯುಗಯುಗಾಂತರಗಳಿಂದ ಕಾನನಪಥದ ಮೂಲಕ ಸನ್ನಿಧಿಗೆ ತೆರಳುವ ಮಾರ್ಗಕ್ಕೆ ಅಡ್ಡಿಪಡಿಸಿರುವುದು ಭಕ್ತರಿಗೆ ಸಾಕಷ್ಟು ತೊಂದರೆ ಉಂಟುಮಾಡುವ ನಿಲುವು ಎಂಬುದು ಯಾತ್ರಾರ್ಥಿಗಳ ಪ್ರತಿಕ್ರಿಯೆ. ವೃಶ್ಚಿಕ ಪೂಜೆಯ ವೇಳೆಗೆ ಕಾನನಪಥದ ಮೂಲಕ ಕಾಲ್ನಡಿಗೆಯಲ್ಲಿ ಶಬರಿಮಲೆ ತಲುಪುವ ಉದ್ದೇಶದಿಂದ ಹಲವು ಯಾತ್ರಾರ್ಥಿಗಳು ಬಂದಿದ್ದರು. ಬೇರೆ ರಾಜ್ಯದವರೂ ಬಂದಿದ್ದರು.
     ಸಾಂಪ್ರದಾಯಿಕ ಕಾನನಪಥವು ಎರುಮೇಲಿಯಿಂದ ಪ್ರಾರಂಭವಾಗುತ್ತದೆ. ಪೂರ್ವ ನಿಗದಿಯಂತೆ ಇಲ್ಲಿಗೆ ಬಂದವರನ್ನು ತಡೆದಾಗ ಯಾತ್ರಾರ್ಥಿಗಳಿಂದ ಭಾರೀ ಪ್ರತಿಭಟನೆ ವ್ಯಕ್ತವಾಯಿತು. ಅಧಿಕಾರಿಗಳು ಸೂಕ್ತ ನಿಲುವು ತಳೆಯಬೇಕು, ಇಲ್ಲವಾದಲ್ಲಿ ಮರಳಲಾರೆವು ಎಂದು ಯಾತ್ರಾರ್ಥಿಗಳು ಪ್ರತಿಕ್ರಿಯಿಸಿದರು. ಅರಣ್ಯ ಇಲಾಖೆಯ ಈ ನಿರ್ಧಾರದ ಬಗ್ಗೆ ಯಾವುದೇ ಎಚ್ಚರಿಕೆ ಸಿಗದಿರುವುದು ಭಕ್ತರಿಗೆ ದೊಡ್ಡ ಹಿನ್ನಡೆಯಾಗಿದೆ. ವೃಶ್ಚಿಕ ಪೂಜೆಗೆ ನಾಳೆ ಶಬರಿಮಲೆ ಬಾಗಿಲು ತೆರೆಯಲಿದೆ.