ಚೀನಾದ ಬಾಹ್ಯಾಕಾಶ ಕೇಂದ್ರಕ್ಕೆ ತೆರಳಲಿರುವ ಮೂವರು ಗಗನಯಾನಿಗಳು

 

               ಬೀಜಿಂಗ್‌: ನಿರ್ಮಾಣ ಹಂತದಲ್ಲಿರುವ ಬಾಹ್ಯಾಕಾಶ ಕೇಂದ್ರಕ್ಕೆ ಚೀನಾ ಮಂಗಳವಾರ ಮೂವರು ಗಗನಯಾತ್ರಿಗಳನ್ನು ಕಳುಹಿಸಲಿದೆ. ಇದೇ ವೇಳೆ ಅದು ಮಾನವಸಹಿತ ಚಂದ್ರಯಾನ ಯೋಜನೆ ಕುರಿತು ಘೋಷಣೆ ಮಾಡಲಿದೆ.

                      ಫೈ ಜುನ್ಲಾಂಗ್‌, ಡೆಂಗ್‌ ಕ್ವಿಂಗ್‌ಮಿಂಗ್‌ ಮತ್ತು ಝಾಂಗ್‌ ಲು ಬಾಹ್ಯಾಕಾಶ ಕೇಂದ್ರಕ್ಕೆ ತೆರಳುತ್ತಿರುವ ಮೂವರು ಗಗನಯಾತ್ರಿಗಳು.

                  'ಗಗನಯಾತ್ರಿಗಳನ್ನು ಹೊತ್ತ ಶೆಂಝೌ-15 ಬಾಹ್ಯಾಕಾಶ ನೌಕೆಯು ವಾಯವ್ಯ ಚೀನಾದ ಜಿಯುಕ್ವಾನ್‌ನಲ್ಲಿರುವ ಉಪಗ್ರಹ ಉಡಾವಣಾ ಕೇಂದ್ರದಿಂದ ತೆರಳಲಿದೆ' ಎಂದು ಚೀನಾದ ಬಾಹ್ಯಾಕಾಶ ಸಂಸ್ಥೆ ಘೋಷಿಸಿದೆ.