ಅಯ್ಯಪ್ಪ ಭಕ್ತರನ್ನು ಹಿಂಡುವ ಜ್ಯೂಸ್ ಅಂಗಡಿಗಳು: ಕಳಪೆ ಗುಣಮಟ್ಟದ ಆಹಾರ ಪೂರೈಕೆ: ವ್ಯಾಪಾರಿಗಳಿಗೆ ದಂಡ ವಿಧಿಸಿದ ಪೋಲೀಸರು

             ಪತ್ತನಂತಿಟ್ಟ: ಶಬರಿಮಲೆ ಯಾತ್ರಿಕರು ವ್ಯಾಪಾರಿಗಳಿಂದ ವ್ಯಾಪಕ ಶೋಷಣೆಗೆ ಒಳಗಾಗಿದ್ದಾರೆ. ಶಬರಿಮಲೆ ಯಾತ್ರಾರ್ಥಿಗಳಿಗೆ ಒಂದು ನಿಂಬೆ ಹಣ್ಣಿನಿಂದ ಐದು ಲೋಟ ನಿಂಬೆ ಪಾನಕಗಳನ್ನು ತಯಾರಿಸಿ ಶೋಷಣೆ ಮಾಡಿದ ಅಂಗಡಿಯವನಿಗೆ ದಂಡ ವಿಧಿಸಲಾಗಿದೆ.
       ಸನ್ನಿಧಿಯÀಲ್ಲಿರುವ ಜ್ಯೂಸ್ ಅಂಗಡಿ ಹಾಗೂ ಪಂಡಿತತವಲಮ್‍ನಲ್ಲಿರುವ ಶ್ರೀಹರಿ ಭವನ ಹೋಟೆಲ್ ಗೆ ತಲಾ 5 ಸಾವಿರ ರೂ.ಗಳ ದಂಡ ವಿಧಿಸಲಾಗಿದೆ.
              ತನಿಖಾ ತಂಡವು ಜ್ಯೂಸ್ ಅಂಗಡಿಯಲ್ಲಿ ಪ್ರಮಾಣ, ಗುಣಮಟ್ಟ ಮತ್ತು ಬೆಲೆಯಲ್ಲಿ ವ್ಯಾಪಕ ವಂಚನೆಯನ್ನು ಕಂಡುಹಿಡಿದಿದೆ. 43 ರೂಪಾಯಿ ದರವಿದ್ದ ಕಲ್ಲಂಗಡಿ ಜ್ಯೂಸ್‍ಗೆ 54 ರೂಪಾಯಿ ವಿಧಿಸಿರುವುದು ಪತ್ತೆಹಚ್ಚಲಾಗಿದೆ. ದಂಧೆ ಮುಂದುವರಿದರೆ ಕಠಿಣ ಕ್ರಮ ಕೈಗೊಳ್ಳುವುದಾಗಿಯೂ ಮ್ಯಾಜಿಸ್ಟ್ರೇಟ್ ಎಚ್ಚರಿಕೆ ನೀಡಿದರು. ಸನ್ನಿಧಿಯ ಬಳಿಯ ಪಾತ್ರೆ ಅಂಗಡಿಯೊಂದು 120 ರೂ.ಗೆ ನಿಗದಿಯಾಗಿದ್ದ ಪಾತ್ರೆಗೆ 150 ರೂ.ದರದಲ್ಲಿ ಮಾರಾಟ ಮಾಡಲಾಗುತ್ತಿತ್ತು.
         ಸಾರ್ವಜನಿಕವಾಗಿ ವ್ಯಾಪಕ ಬೆಲೆ ಏರಿಸಿ ವ್ಯಾಪಾರ ಮಾಡಲಾಗುತ್ತಿದೆ. ಆಹಾರ ಪದಾರ್ಥಗಳಿಗೆ ಹೆಚ್ಚಿನ ಶುಲ್ಕ ವಿಧಿಸಿದ್ದಕ್ಕಾಗಿ ಪಂಡಿತತವಾಲಂನಲ್ಲಿರುವ ಹೋಟೆಲ್‍ಗೆ ದಂಡ ವಿಧಿಸಲಾಗಿದೆ. ಬೆಳಗ್ಗೆ ತಪಾಸಣೆ ನಡೆಸಿ ಅಂಗಡಿಗಳಲ್ಲಿ ಹಳಸಿದ ಆಹಾರ ಪದಾರ್ಥಗಳನ್ನು ವಶಪಡಿಸಿಕೊಳ್ಳಲಾಗಿದೆ. ನಂತರ ಅಂಗಡಿ ಮಾಲೀಕರಿಗೆ ಎಚ್ಚರಿಕೆ ನೀಡಲಾಯಿತು. ಎಚ್ಚರಿಕೆ ನೀಡಿದರೂ ವಂಚನೆ ಮುಂದುವರಿಸಿದ ಅಂಗಡಿಗಳಿಗೆ ದಂಡ ವಿಧಿಸಲಾಯಿತು. ಮುಂದಿನ ದಿನಗಳಲ್ಲಿ ತಪಾಸಣೆಯನ್ನು ಇನ್ನಷ್ಟು ಬಿಗಿಗೊಳಿಸಿ ಅಯ್ಯಪ್ಪ ಭಕ್ತರು ವಂಚನೆಗೊಳಗಾಗದಂತೆ  ತಡೆಯಲಾಗುವುದು ಎಂದು ಪೋಲೀಸರು ತಿಳಿಸಿದ್ದಾರೆ.