ರಾಜ್ಯಪಾಲರ ಬದಲಿಗೆ ಶಿಕ್ಷಣ ತಜ್ಞರನ್ನು ವಿವಿ ಕುಲಪತಿಯನ್ನಾಗಿ ನೇಮಿಸುವ ವಿಧೇಯಕ ಮಂಡಿಸಲು ಕೇರಳ ಸರ್ಕಾರ ನಿರ್ಧಾರ

0 samarasasudhi ನವೆಂಬರ್ 30, 2022

ತಿರುವನಂತಪುರಂ: ರಾಜ್ಯಪಾಲರ ಬದಲಿಗೆ ಖ್ಯಾತ ಶಿಕ್ಷಣ ತಜ್ಞರನ್ನು ರಾಜ್ಯದ ವಿಶ್ವವಿದ್ಯಾನಿಲಯಗಳ ಕುಲಪತಿಯನ್ನಾಗಿ ನೇಮಿಸುವ ವಿಧೇಯಕವನ್ನು ಡಿಸೆಂಬರ್ 5 ರಂದು ವಿಧಾನಸಭೆಯಲ್ಲಿ ಮಂಡಿಸಲು ಕೇರಳ ಸರ್ಕಾರ ಬುಧವಾರ ನಿರ್ಧರಿಸಿದೆ.

ಈ ಸಂಬಂಧ ಕರಡು ಮಸೂದೆಗೆ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅಧ್ಯಕ್ಷತೆಯಲ್ಲಿ ನಡೆದ ಸಂಪುಟ ಸಭೆಯಲ್ಲಿ ಅನುಮೋದನೆ ನೀಡಲಾಗಿದೆ ಎಂದು ಸರ್ಕಾರದ ಮೂಲಗಳು ಖಚಿತಪಡಿಸಿವೆ.

ರಾಜ್ಯದ ವಿಶ್ವವಿದ್ಯಾನಿಲಯಗಳ ಕಾರ್ಯನಿರ್ವಹಣೆಗೆ ಸಂಬಂಧಿಸಿದ ವಿವಿಧ ವಿಷಯಗಳು ಮತ್ತು ಉಪಕುಲಪತಿಗಳ (ವಿಸಿ) ನೇಮಕ ಸೇರಿದಂತೆ ಸರ್ಕಾರ ಮತ್ತು ರಾಜ್ಯಪಾಲ ಆರಿಫ್ ಮೊಹಮ್ಮದ್ ಖಾನ್ ನಡುವೆ ನಡೆಯುತ್ತಿರುವ ಜಟಾಪಟಿಯ ಹಿನ್ನೆಲೆಯಲ್ಲಿ ಕ್ಯಾಬಿನೆಟ್ ನಿರ್ಧಾರವು ಬಂದಿದೆ.

ಆದಾಗ್ಯೂ, ಇತ್ತೀಚಿನ ಕೇರಳ ಹೈಕೋರ್ಟ್ ನ ಕೆಲವು ಆದೇಶಗಳು ವಿಶ್ವವಿದ್ಯಾಲಯಗಳ ಉಪಕುಲಪತಿಗಳ ನೇಮಕಾತಿಗಳ ಬಗ್ಗೆ ಖಾನ್ ಅವರ ನಿಲುವನ್ನು ಸಮರ್ಥಿಸಿವೆ.