ಸಪ್ಲೈಕೋಗೆ ಬರುವ ಗ್ರಾಹಕರನ್ನು ಕೈ ಮುಗಿದು ಸ್ವಾಗತಿಸಬೇಕು: ಗೌರವಯುತವಾಗಿ ನಡೆದುಕೊಳ್ಳಲು ಕಟ್ಟುನಿಟ್ಟಿನ ಸೂಚನೆ

              ತಿರುವನಂತಪುರ: ಕೇರಳ ಜನ್ಮದಿನದಂದು ಸಪ್ಲೈಕೋ ಹೊಸ ಸುಧಾರಣೆಗೆ ಮುಂದಾಗಿದೆ. ಸಾರ್ವಜನಿಕರನ್ನು ಮಳಿಗೆಗಳಿಗೆ ಆಕರ್ಷಿಸಲು ಸೂಚನೆಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಅಧ್ಯಕ್ಷರು ಆದೇಶಿಸಿದ್ದಾರೆ.
         ಗ್ರಾಹಕರು ಆಗಮಿಸುವಾಗ ಕೈಗಳನ್ನು ಮುಗಿದು ಒಳಗೆ ಸ್ವಾಗತಿಸಲು  ಸೂಚಿಸಲಾಗಿದೆ. ಗ್ರಾಹಕರು ಮಳಿಗೆಗಳಲ್ಲಿ ಸರಕುಗಳನ್ನು ಖರೀದಿಸಲು ಪ್ರೋತ್ಸಾಹಿಸಲು ಸಪ್ಲೈಕೋ ನೌಕರರು ಸೌಜನ್ಯದಿಂದ ಮತ್ತು ಗೌರವದಿಂದ ವರ್ತಿಸುವುದು ಅತ್ಯಗತ್ಯ ಎಂದು ಆದೇಶವು ಸೂಚಿಸುತ್ತದೆ.
          ಜೂನ್ 1ರಿಂದ ಈ ಪದ್ಧತಿ ಅನುಸರಿಸುವಂತೆ ನಿರ್ದೇಶನ ನೀಡಲಾಗಿತ್ತಾದರೂ ಅನೇಕರು ಇದನ್ನು ಪಾಲಿಸದಿರುವುದು ಟೀಕೆಗೆ ಗುರಿಯಾಗಿದೆ. ಬಳಿಕ ಎಲ್ಲಾ ಪ್ರಾದೇಶಿಕ ವ್ಯವಸ್ಥಾಪಕರು ಮತ್ತು ಡಿಪೋ ವ್ಯವಸ್ಥಾಪಕರಿಗೆ ಆದೇಶ ಹೊರಡಿಸಲಾಗಿದೆ.