ಪ್ರಿಯಾ ವರ್ಗೀಸ್ ಅವರ ಆನ್‍ಲೈನ್ ಸಂದರ್ಶನದ ವೀಡಿಯೊವನ್ನು ಬಿಡುಗಡೆ ಮಾಡಲು ಸಾಧ್ಯವಿಲ್ಲ ಎಂದ ಕಣ್ಣೂರು ವಿ.ವಿ.

               ಕಣ್ಣೂರು: ಕಣ್ಣೂರು ವಿಶ್ವವಿದ್ಯಾನಿಲಯದ ಸಹಪ್ರಾಧ್ಯಾಪಕ ಹುದ್ದೆಗೆ ಬಡ್ತಿ ಹೊಂದಿದ್ದ ಮುಖ್ಯಮಂತ್ರಿಗಳ ಆಪ್ತ ಕಾರ್ಯದರ್ಶಿ ಕೆ.ಕೆ. ರಾಗೇಶ್ ಅವರ ಪತ್ನಿ ಪ್ರಿಯಾ ವರ್ಗೀಸ್ ಅವರ ಆನ್‍ಲೈನ್ ಸಂದರ್ಶನದ ವಿಡಿಯೋ ಬಿಡುಗಡೆ ಮಾಡಲು ಸಾಧ್ಯವಿಲ್ಲ ಎಂದು ಕಣ್ಣೂರು ವಿಶ್ವವಿದ್ಯಾಲಯ ಹೇಳಿದೆ. ಮಾಹಿತಿ ಹಕ್ಕು ಕಾಯಿದೆಯಡಿ ಸಲ್ಲಿಸಿರುವ ಅರ್ಜಿಯಲ್ಲಿ ಹೀಗೆ ಹೇಳಲಾಗಿದೆ. ಸಂದರ್ಶನದ ವೀಡಿಯೋ ಬಿಡುಗಡೆಗೆ ಅಡ್ಡಿಯಿಲ್ಲ ಎಂದು ತಿಳಿಸಿದ ನಂತರ, ವಿಷಯ ನ್ಯಾಯಾಲಯದ ಪರಿಗಣನೆಯಲ್ಲಿರುವ ಕಾರಣ ಮಾಹಿತಿ ನೀಡಲು ಸಾಧ್ಯವಿಲ್ಲ ಎಂದು ಸಮಜಾಯಿಷಿ ನೀಡಲಾಗಿದೆ. ಪ್ರಕರಣ ನ್ಯಾಯಾಲಯದ ಪರಿಗಣನೆಯಲ್ಲಿರುವ ಕಾರಣ ಮಾಹಿತಿ ನೀಡಲು ಸಾಧ್ಯವಾಗದಿರುವುದು ಮಾಹಿತಿ ಹಕ್ಕು ಕಾಯ್ದೆಯ ಉಲ್ಲಂಘನೆಯಾಗಿದೆ ಎಂದು ಕಾನೂನು ತಜ್ಞರು ಗಮನಸೆಳೆದಿದ್ದಾರೆ. ಸೆನೆಟ್ ಸದಸ್ಯ ಡಾ. ಆರ್.ಕೆ.ಬಿಜು ಕೂಡ ಟೀಕಿಸಿದ್ದಾರೆ. ಸದ್ಯ ಪ್ರಿಯಾ ವರ್ಗೀಸ್ ನೇಮಕವನ್ನು ಹೈಕೋರ್ಟ್ ಸ್ಥಗಿತಗೊಳಿಸಿದೆ.
          ಕಣ್ಣೂರು ವಿಶ್ವವಿದ್ಯಾನಿಲಯವು ಕೇವಲ 156 ಅಂಕ ಗಳಿಸಿದ ಪ್ರಿಯಾ ವರ್ಗೀಸ್‍ಗೆ ಪ್ರಥಮ ರ್ಯಾಂಕ್ ನೀಡಿದ್ದು, ಸಂಶೋಧನಾ ಅಂಕ 651 ಪಡೆದಿದ್ದ ಎರಡನೇ ಶ್ರೇಯಾಂಕದ ಜೋಸೆಫ್ ಸ್ಕಾರಿಯಾ ಅವರನ್ನು ಹಿಂದೆ ತಳ್ಳಲಾಗಿದೆ.  ಮಲಯಾಳಂ ಅಸೋಸಿಯೇಟ್ ಪ್ರೊಪೆಸರ್ ಹುದ್ದೆಯ ಸಂದರ್ಶನದಲ್ಲಿ ಈ ಅಂಕಗಳನ್ನು ನೀಡಲಾಗಿದೆ. ಸಂದರ್ಶನದಲ್ಲಿಯೂ ಯುಜಿಸಿ ನಿಯಮಾವಳಿ ಪಾಲಿಸದೆ ಪ್ರಿಯಾ ವರ್ಗೀಸ್ ಅವರನ್ನು ನೇಮಕ ಮಾಡಲಾಗಿದೆ ಎಂಬ ಆರೋಪದ ನಡುವೆಯೂ ವಿಶ್ವವಿದ್ಯಾನಿಲಯವು ಪ್ರಿಯಾ ವರ್ಗೀಸ್ ಗೆ ಪ್ರಥಮ ರ್ಯಾಂಕ್ ನೀಡಿದೆ. ಘಟನೆ ವಿವಾದವಾದ ನಂತರ, ನೇಮಕಾತಿಯನ್ನು ಸಮರ್ಥಿಸಿಕೊಂಡು ಪ್ರಿಯಾ ವರ್ಗೀಸ್ ಫೇಸ್‍ಬುಕ್‍ನಲ್ಲಿ ಟಿಪ್ಪಣಿ ಬರೆದಿದ್ದರು. ಪ್ರ್ರಿಯಾ ಅವರ ಹೇಳಿಕೆಯು ಸಂಶೋಧನಾ ಅಂಕವು ಮಾನದಂಡವಲ್ಲ ಮತ್ತು ಸಂದರ್ಶನದಲ್ಲಿ ತನ್ನ ಕಾರ್ಯಕ್ಷಮತೆ ಉತ್ತಮವಾಗಿತ್ತು. ಆನ್‍ಲೈನ್ ಸಂದರ್ಶನದ ವಿಡಿಯೋವನ್ನು ಆರ್‍ಟಿಐ ಅಡಿಯಲ್ಲಿ ಸಾಬೀತುಪಡಿಸಲು ಮತ್ತು ಅದನ್ನು ಪ್ರಸಾರ ಮಾಡುವ ಧೈರ್ಯವಿದೆಯೇ ಎಂದು ಪ್ರಿಯಾ ಮಾಧ್ಯಮಗಳಿಗೆ ಸವಾಲು ಹಾಕಿದರು. ನಂತರ ಸಂದರ್ಶನದ ದೃಶ್ಯಾವಳಿಗಳನ್ನು ಬಿಡುಗಡೆ ಮಾಡಲು ಯಾವುದೇ ಅಡ್ಡಿಯಿಲ್ಲ ಎಂದು ವಿಶ್ವವಿದ್ಯಾಲಯ ತಿಳಿಸಿದೆ. ಆದರೆ ಆರ್‍ಟಿಐ ಅಡಿಯ ಪ್ರಶ್ನೆಯನ್ನು ನ್ಯಾಯಾಲಯವು ಪರಿಗಣಿಸುತ್ತಿರುವುದರಿಂದ ಅದನ್ನು ಬಿಡುಗಡೆ ಮಾಡಲು ಸಾಧ್ಯವಿಲ್ಲ ಎಂದು ಕಣ್ಣೂರು ವಿಶ್ವವಿದ್ಯಾಲಯವು ವಿವರಣೆ ನೀಡಿದೆ.