ಜಿಲ್ಲೆಯಲ್ಲಿ ಐಎಲ್‍ಎ-ಕಲಿಕೆ ಪೆÇೀಷಣೆ ಕಾರ್ಯಕ್ರಮ ಆರಂಭ

            ಕಾಸರಗೋಡು: ಕೋವಿಡ್ ಸಂದರ್ಭದ ಕಲಿಕೆಯ ಅಂತರವನ್ನು ಪರಿಹರಿಸಲು ಸಮಗ್ರ ಶಿಕ್ಷಾ ಕೇರಳವು ವಿನ್ಯಾಸಗೊಳಿಸಿದ ಮತ್ತು ಅನುಷ್ಠಾನಗೊಳಿಸಿದ ಕಲಿಕೆಯ ಪೋಷಣೆ ಕಾರ್ಯಕ್ರಮವಾದ ಐ.ಎಲ್.ಎ(ಎನ್‍ಹಾನ್ಸಿಂಗ್ ಲರ್ನಿಂಗ್ ಆಂಬಿಯನ್ಸ್) ಜಿಲ್ಲೆಯಲ್ಲಿ ಪ್ರಾರಂಭವಾಗಿದೆ. ಪ್ರಾಯೋಗಿಕ ಮತ್ತು ಜ್ಞಾನ ನಿರ್ಮಾಣ ಪ್ರಕ್ರಿಯೆಯನ್ನು ಬಲಪಡಿಸುವ ಕಲಿಕೆಯ ಚಟುವಟಿಕೆಗಳನ್ನು ಮರುಪಡೆಯುವ ಉದ್ದೇಶದಿಂದ ಯೋಜನೆಯನ್ನು ಕಾರ್ಯಗತಗೊಳಿಸಲಾಗುತ್ತಿದೆ. ಸಮಗ್ರ ಶಿಕ್ಷಾ ಮಾರ್ಗದರ್ಶನದಲ್ಲಿ, ಶಾಲೆಗಳು ನಾಲ್ಕು ಮತ್ತು ಏಳನೇ ತರಗತಿಯ ಮಕ್ಕಳಿಗೆ ಚಟುವಟಿಕೆಯ ಪ್ಯಾಕೇಜ್‍ಗಳನ್ನು ಸಿದ್ಧಪಡಿಸಿ ಅವುಗಳನ್ನು ತರಗತಿಗಳಲ್ಲಿ ಅಳವಡಿಸಲಾಗುತ್ತದೆ.
         ಯೋಜನೆಯ ಜಿಲ್ಲಾ ಮಟ್ಟದ ಸಂಪನ್ಮೂಲ ಗುಂಪಿನ ತರಬೇತಿಯನ್ನು ಕಾಸರಗೋಡು ಜಿಲ್ಲಾ ಶಿಕ್ಷಣ ಉಪನಿರ್ದೇಶಕ ಸಿ.ಕೆ.ವಾಸು ಉದ್ಘಾಟಿಸಿದರು. ಸಮಗ್ರ ಶಿಕ್ಷಾ ಕೇರಳ ಕಾಸರಗೋಡು ಜಿಲ್ಲಾ ಯೋಜನಾ ಸಂಯೋಜಕ ಡಿ.ನಾರಾಯಣ, ಜಿಲ್ಲಾ ಕಾರ್ಯಕ್ರಮಾಧಿಕಾರಿ ಎಂ.ಎಂ.ಮಧುಸೂದನನ್, ರಾಜ್ಯ ಸಂಪನ್ಮೂಲ ವ್ಯಕ್ತಿ ಅನೂಪ್ ಕುಮಾರ್ ಕಲ್ಲಟ್ ಮೊದಲಾದವರು ಮಾತನಾಡಿದರು. ಪಿ.ವಿ.ಉಣ್ಣಿರಾಜನ್, ಸನಲ್ ಕುಮಾರ್ ವಳ್ಳುವಾ, ವಿ.ವಿ.ಸುಬ್ರಮಣಿಯನ್, ಪಿ.ರಾಜಗೋಪಾಲನ್, ಎಂ.ರೋಷ್ನಾ, ವಿ.ನಿಶಾ ಮತ್ತು ನವೀನ್ ಚಂದ್ರ ತರಬೇತಿ ತರಗತಿ ನಡೆಸಿದರು.