ಜನವಸತಿ ಇಲ್ಲದ ದ್ವೀಪಗಳಲ್ಲಿ ದೇಶವಿರೋಧಿ ಚಟುವಟಿಕೆಗಳು; ಲಕ್ಷದ್ವೀಪದ 17 ದ್ವೀಪಗಳಿಗೆ ಪ್ರವೇಶ ನಿಷೇಧ

         ಕವರಟ್ಟಿ: ಲಕ್ಷದ್ವೀಪದ 17 ದ್ವೀಪಗಳಿಗೆ ಪ್ರವಾಸಿಗರನ್ನು ನಿಷೇಧಿಸಲಾಗಿದೆ ಎಂದು ವರದಿಯಾಗಿದೆ. ಒಟ್ಟು 36 ದ್ವೀಪಗಳಲ್ಲಿ, 17 ದ್ವೀಪಗಳು ಪ್ರವಾಸಿಗರಿಗೆ ನಿರ್ಬಂಧಿತವಾಗಿವೆ.
           ಭದ್ರತಾ ಸಮಸ್ಯೆಗಳನ್ನು ಮುಂದಿಟ್ಟುಕೊಂಡು ಲಕ್ಷದ್ವೀಪ ಆಡಳಿತ ಕ್ರಮ ಕೈಗೊಂಡಿದೆ.
          ಜನವಸತಿ ಇಲ್ಲದ ದ್ವೀಪಗಳಲ್ಲಿ ದೇಶದ್ರೋಹಿ ಹಾಗೂ ಕಾನೂನು ಬಾಹಿರ ಚಟುವಟಿಕೆಗಳು ನಡೆಯುವ ಸಾಧ್ಯತೆ ಇದೆ ಎಂಬ ವರದಿಯ ಅನುಸಾರ ಅಧಿಕಾರಿಗಳು ಈ ಕ್ರಮಕ್ಕೆ ಮುಂದಾಗಿದ್ದಾರೆ ಎಂದು ಸೂಚನೆ. ಇನ್ನು ಮುಂದೆ ದ್ವೀಪವಾಸಿಗಳು ಅಂತಹ ದ್ವೀಪಗಳಿಗೆ ಪ್ರವೇಶಿಸಲು ಕಲೆಕ್ಟರೇಟ್‍ನಿಂದ ಅನುಮತಿ ಪಡೆಯಬೇಕು.
         ದ್ವೀಪವಾಸಿಗಳು ಮತ್ತು ಪ್ರವಾಸಿಗರ ಸೋಗಿನಲ್ಲಿ ಕಳ್ಳಸಾಗಣೆದಾರರು ಮತ್ತು ಭಯೋತ್ಪಾದಕರು ದ್ವೀಪಕ್ಕೆ ಪ್ರವೇಶಿಸುವ ಸಾಧ್ಯತೆಯನ್ನು ತಳ್ಳಿಹಾಕಲಾಗುವುದಿಲ್ಲ ಎಂದು ಲಕ್ಷದ್ವೀಪ ಆಡಳಿತ ಹೇಳಿದೆ. ಲಕ್ಷದ್ವೀಪದಲ್ಲಿ ಇಂತಹ ಅಕ್ರಮಗಳು ನಡೆಯದಂತೆ ತಡೆಯುವುದು ನಿಷೇಧದ ಉದ್ದೇಶವಾಗಿದೆ. ಈ ಪ್ರದೇಶದ 17 ದ್ವೀಪಗಳನ್ನು ಪ್ರವೇಶಿಸುವವರು ಕಾನೂನು ಕ್ರಮ ಎದುರಿಸಬೇಕಾಗುತ್ತದೆ ಎಂದು ಲಕ್ಷದ್ವೀಪ ಆಡಳಿತ ಹೇಳಿದೆ.