ಉದುಮ ಟೆಕ್ಸ್‍ಟೈಲ್ಸ್ ಮಿಲ್‍ನ ಅಭಿವೃದ್ಧಿಗೆ 9.16ಕೋಟಿ ಯೋಜನೆ-ವಿಧಾನಸಭೆಯಲ್ಲಿ ಸಚಿವರ ಭರವಸೆ

  


             ಕಾಸರಗೋಡು: ಉದುಮ ಮೈಲಾಟಿಯ ಉದುಮ ಟೆಕ್ಸ್‍ಟೈಲ್ಸ್ ಮಿಲ್‍ನ ಸಮಗ್ರ ಅಭಿವೃದ್ಧಿಗಾಗಿ 9.16ಕೋಟಿ ರೂ. ಮೊತ್ತದ ಯೋಜನೆ ಸಿದ್ಧಪಡಿಸಿರುವುದಾಗಿ ರಾಜ್ಯ ಕೈಗಾರಿಕಾ ಖಾತೆ ಸಚಿವ ಪಿ.ರಾಜೀವನ್ ತಿಳಿಸಿದ್ದಾರೆ.  ವಿಧಾನಸಭೆಯಲ್ಲಿ ಉದುಮ ಶಾಸಕ ಸಿ.ಎಚ್. ಕುಞಂಬು ಅವರ ಪ್ರಶ್ನೆಗೆ ಉತ್ತರಿಸಿ ಈ ಮಾಹಿತಿ ನೀಡಿದ್ದಾರೆ.
           ಬಟ್ಟೆ ಉತ್ಪನ್ನ ನಿರ್ಮಾಣ ಘಟಕ ಸೇರಿದಂತೆ ಹತ್ತು ವರ್ಷದಲ್ಲಿ ಯೋಜನೆ ಪೂರ್ತಿಗೊಳಿಸಲಾಗುವುದು. 2023ರಲ್ಲಿ 2.36ಕೋಟಿ, 2023-26ರ ಕಾಲಾವಧಿಯಲ್ಲಿ 2.46ಕೋಟಿ, 2026-2030ರ ವರೆಗೆ 4.38ಕೋಟಿ ರೂ. ವೆಚ್ಚದೊಂದಿಗೆ ಹಂತ ಹಂತವಾಗಿ ಅಭಿವೃದ್ಧಿ ಕಾರ್ಯಕ ಕೈಗೊಳ್ಳಲಾಗುವುದು. ಟೆಕ್ಸ್‍ಟೈಲ್ಸ್ ಮಿಲ್‍ನ ಮಾಲಿಕತ್ವದಲ್ಲಿ ಬಾರಗ್ರಾಮದಲ್ಲಿರುವ 22.24 ಎಕರೆ ಜಾಗದಲ್ಲಿ 10 ಎಕರೆಯಲ್ಲಿ ಘಟಕ ಕಾರ್ಯಾಚರಿಸುತ್ತಿದ್ದು, ಉಳಿದ ಸ್ಥಳದಲ್ಲಿ ಮುಂದಿನ ಅಭಿವೃದ್ಧಿ ಯೋಜನೆಗಳನ್ನು ಕೈಗೆತ್ತಿಕೊಳ್ಳಲಾಗುವುದು ಎಂದೂ ಸಚಿವರು ತಿಳಿಸಿದ್ದಾರೆ.