ಶಬರಿಮಲೆಯಲ್ಲಿ ಬಿಗಿ ಭದ್ರತೆ; ಕೇಂದ್ರ ಪಡೆಗಳ ಕಣ್ಗಾವಲು ಪಂಬಾದಿಂದ ಸನ್ನಿಧಾನದ ವರೆಗೆ ವಿಸ್ಕøತ ಅವಲೋಕನದಲ್ಲಿ

         ಪಂದಳಂ: ಶಬರಿಮಲೆಯಲ್ಲಿ ಇಂದು ಬಿಗಿ ಭದ್ರತೆ ಏರ್ಪಡಿಸಲಾಗಿತ್ತು. ಕೇಂದ್ರ ಪಡೆಗಳು ಮತ್ತು ಪೋಲೀಸರ ನೇತೃತ್ವದಲ್ಲಿ ಭದ್ರತೆ ಒದಗಿಸಲಾಗಿದೆ.
             ಕಟ್ಟುನಿಟ್ಟಿನ ತಪಾಸಣೆ ನಡೆಸಿದ ನಂತರ ಭಕ್ತರಿಗೆ ದರ್ಶನಕ್ಕೆ ಅವಕಾಶ ಕಲ್ಪಿಸಲಾಗಿದೆ. ಅರಣ್ಯ ಪ್ರದೇಶದಲ್ಲಿ ಡ್ರೋನ್ ಶೋಧವೂ ನಡೆದಿದೆ.
           ಸನ್ನಿಧಿಯ ಆಯಕಟ್ಟಿನ ಪ್ರದೇಶಗಳು ಸೇರಿದಂತೆ ಪೋಲೀಸರು ಮತ್ತು ಕೇಂದ್ರ ಪಡೆಗಳಿಂದ ಭದ್ರತೆಯನ್ನು ಸ್ಥಾಪಿಸಲಾಗಿದೆ. ಸೂಕ್ತ ತಪಾಸಣೆಗೆ ಒಳಗಾದ ನಂತರವೇ ಭಕ್ತರನ್ನು ಸನ್ನಿಧಿಗೆ ಪ್ರವೇಶಿಸಲು ಅನುವುಮಾಡಲಾಗುತ್ತಿದೆ. ಪಂಬಾದಿಂದ ಸನ್ನಿಧಾನದ ವರೆಗೆ ಕೇಂದ್ರ ಪಡೆಗಳ ಕಣ್ಗಾವಲು ಇದೆ.
           ಸನ್ನಿಧಿಯಲ್ಲಿ ಕೇಂದ್ರ ಪಡೆಗಳ ನೇತೃತ್ವದಲ್ಲಿ ಪಥಸಂಚಲನ ನಡೆಸಲಾಯಿತು. ಸನ್ನಿಧಿ ಮತ್ತು 18ನೇ ಮೆಟ್ಟಿಲು ಕೆಳಗೆ ಭಾರೀ ಭದ್ರತೆ ಏರ್ಪಡಿಸಲಾಗಿದೆ. ಶಬರಿಮಲೆ ಮತ್ತು ಸುತ್ತಮುತ್ತ ಭದ್ರತೆಯನ್ನು ಬಲಪಡಿಸುವ ಭಾಗವಾಗಿ, ಡ್ರೋನ್ ಬಳಸಿ ಕಣ್ಗಾವಲು ವಿಮಾನಗಳನ್ನು ವ್ಯವಸ್ಥೆಗೊಳಿಸಲಾಗಿತ್ತು. ನಿನ್ನೆ ಪೋಲೀಸರು ಪಂಬಾ, ನಿಲಯ್ಕಲ್ ಮತ್ತು ಪಂದಳಂ ಪ್ರದೇಶದಲ್ಲಿ ಡ್ರೋನ್ ಬಳಸಿ ಕಣ್ಗಾವಲು ನಡೆಸಿದ್ದರು. ಪಾಪ್ಯುಲರ್ ಫ್ರಂಟ್ ಬೆದರಿಕೆ ಹಿನ್ನೆಲೆಯಲ್ಲಿ ಈ ಬಾರಿ ಭದ್ರತೆಯನ್ನು ಹೆಚ್ಚಿಸಲಾಗಿದೆ.