ದೇಶ ಸಂಕುಚಿತ ದೃಷ್ಟಿಕೋನಗಳಿಂದ ಮುಕ್ತವಾಗಬೇಕು: ಮೋದಿ

 

              ನವದೆಹಲಿ: 'ದೇಶವು ಯಶಸ್ಸಿನ ಉತ್ತುಂಗದತ್ತ ಸಾಗಬೇಕಾದರೆ ಹಿಂದಿನ ಸಂಕುಚಿತ ದೃಷ್ಟಿಕೋನಗಳಿಂದ ಮುಕ್ತವಾಗಬೇಕು' ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.

                 'ವೀರ ಬಾಲ ದಿನ' ಕಾರ್ಯಕ್ರಮದಲ್ಲಿ ಸೋಮವಾರ ಭಾಗಿಯಾಗಿದ್ದ ಅವರು ಸಿಖ್ಖರ ಧರ್ಮಗುರು ಗುರು ಗೋವಿಂದ್‌ ಸಿಂಗ್‌ ಅವರ ಮಕ್ಕಳಾದ ಹುತಾತ್ಮ ಜೊರಾವರ್‌ ಸಿಂಗ್‌ ಮತ್ತು ಫತೇಹ್‌ ಸಿಂಗ್‌ಗೆ ಗೌರವ ಸಲ್ಲಿಸಿದರು.

                 'ಔರಂಗಜೇಬನು ಇಡೀ ಭಾರತವನ್ನೇ ಬದಲಿಸುವ ಯೋಜನೆ ಹೊಂದಿದ್ದ. ಆ ಕಾಲಘಟ್ಟದಲ್ಲೇ ಗೋವಿಂದ್‌ ಸಿಂಗ್ ಅವರು ಪರ್ವತದಂತೆ ನಿಂತು ಆತನ ನಿರ್ಧಾರ ವಿರೋಧಿಸಿದ್ದರು. ಶೌರ್ಯ ಪ್ರದರ್ಶಿಸಲು ಹಾಗೂ ತ್ಯಾಗ ಮಾಡಲು ವಯಸ್ಸಿನ ಮಿತಿ ಇಲ್ಲ ಎಂಬುದನ್ನು ಜೊರಾವರ್‌ ಮತ್ತು ಫತೇಹ್‌ ಅವರು ತೋರಿಸಿಕೊಟ್ಟಿದ್ದಾರೆ' ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.