ಬದಿಯಡ್ಕದಲ್ಲಿ ಆಶಾ ಕಾರ್ಯಕರ್ತರಿಗೆ ತರಬೇತಿ

                ಬದಿಯಡ್ಕ: ಬದಿಯಡ್ಕ ಸಮುದಾಯ ಆರೋಗ್ಯ ಕೇಂದ್ರದ ಆಶ್ರಯದಲ್ಲಿ ಆಶಾ ಕಾರ್ಯಕರ್ತೆಯರಿಗೆ ಒಂಬತ್ತನೇ ಮಾಡ್ಯೂಲ್ ತರಬೇತಿ ನಡೆಯಿತು.
        ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಬಿ.ಶಾಂತಾ ಉದ್ಘಾಟಿಸಿದರು. ಬದಿಯಡ್ಕ, ಎಣ್ಮಕಜೆ, ಕುಂಬ್ಡಾಜೆ, ಬೆಳ್ಳೂರು ಗ್ರಾ.ಪಂ.ಗಳ 80 ಆಶಾ ಕಾರ್ಯಕರ್ತೆಯರು ತರಬೇತಿಯಲ್ಲಿ ಭಾಗವಹಿಸಿದರು. ಕೇರಳದ ಸಾರ್ವಜನಿಕ ಆರೋಗ್ಯದ ಪಠ್ಯಕ್ರಮ, ಆರೋಗ್ಯ ಚಟುವಟಿಕೆಗಳಲ್ಲಿ ಆಶಾ ಕಾರ್ಯಕರ್ತೆಯರ ಜವಾಬ್ದಾರಿ, ಹೊಸ ಯುಗದ ಸಾಂಕ್ರಾಮಿಕ ರೋಗಗಳು, ವಿಪತ್ತು ನಿರ್ವಹಣೆ, ಆರೋಗ್ಯ ವಿಮೆ, ಒಂದು ಆರೋಗ್ಯ, ನವೀನ ಚಟುವಟಿಕೆಗಳು, ಹಿರಿಯ ನಾಗರಿಕ ಆರೋಗ್ಯ, ಇ-ಸಂಜೀವಿನಿ ಟೆಲಿಮೆಡಿಸಿನ್ ಇತ್ಯಾದಿ ವಿಷಯಗಳಲ್ಲಿ ತರಬೇತಿ ಮಾರ್ಗದರ್ಶನ ನೀಡಲಾಯಿತು.
            ಗ್ರಾಮ ಪಂಚಾಯತಿ ಉಪಾಧ್ಯಕ್ಷ ಎಂ.ಅಬ್ಬಾಸ್ ಅಧ್ಯಕ್ಷತೆ ವಹಿಸಿದ್ದರು. ಆರೋಗ್ಯ ಸ್ಥಾಯಿ ಸಮಿತಿ ಅಧ್ಯಕ್ಷೆ ರಶೀದಾ ಹಮೀದ್, ವೈದ್ಯಾಧಿಕಾರಿ ಡಾ.ಹರಿಶಂಕರ್, ಆರೋಗ್ಯ ಮೇಲ್ವಿಚಾರಕ ಬಿ.ಅಶ್ರಫ್, ಆರೋಗ್ಯ ನಿರೀಕ್ಷಕ ಬಿಜುಮೋನ್ ಥಾಮಸ್, ಪಿಎಚ್‍ಎನ್‍ಗಳಾದ ಸತ್ಯಭಾಮ, ಸಲ್ಮತ್, ಕಿರಿಯ ಆರೋಗ್ಯ ನಿರೀಕ್ಷಕ ವಿ.ಕೆ.ಬಾಬು, ಕೆ.ಎಸ್.ರಾಜೇಶ್ ಇತರರು ಮಾತನಾಡಿದರು.