ವಿದೇಶಕ್ಕೆ ತೆರಳಿದ್ದ ಕಾಸರಗೋಡಿನ ದಂಪತಿಗಳು ಮತ್ತು ಮಕ್ಕಳು ನಾಪತ್ತೆ: ಭಯೋತ್ಪಾದಕ ಸಂಘಟನೆಗೆ ಸೇರಿರುವ ಶಂಕೆ; ಯೆಮನ್‍ನಲ್ಲಿ ಧರ್ಮ ಅಧ್ಯಯನ ಮಾಡಲು ತೆರಳಿರುವರೆಂದು ಕೊನೆಯ ಮಾಹಿತಿ

              ಕಾಸರಗೋಡು: ವಿದೇಶಕ್ಕೆ ತೆರಳಿದ್ದ ಕಾಸರಗೋಡಿನ ದಂಪತಿ ಹಾಗೂ ಮಕ್ಕಳು ನಾಪತ್ತೆಯಾಗಿರುವ ಪ್ರಕರಣದಲ್ಲಿ ಪೋಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
           ಉದಿನೂರಿನ ನಿವಾಸಿಗಳಾದ ಮೊಹಮ್ಮದ್ ಶಬೀರ್ ಮತ್ತು ರಿಜ್ವಾನಾ ಹಾಗೂ ಅವರ ನಾಲ್ವರು ಮಕ್ಕಳು ನಾಪತ್ತೆಯಾಗಿದ್ದಾರೆ. ಅವರು ಭಯೋತ್ಪಾದಕ ಸಂಘಟನೆ ಇಸ್ಲಾಮಿಕ್ ಸ್ಟೇಟ್‍ಗೆ ಸೇರಿದ್ದಾರೆ ಎಂದು ದೃಢೀಕರಿಸದ ವರದಿಗಳಿವೆ.
         ಶಬೀರ್ ಮತ್ತು ಆತನ ಕುಟುಂಬ ಹಲವು ವರ್ಷಗಳಿಂದ ದುಬೈನಲ್ಲಿದೆ. ಕಳೆದ ನಾಲ್ಕು ತಿಂಗಳ ಹಿಂದೆ ಅವರು ಕುಟುಂಬವನ್ನು ಸಂಪರ್ಕಿಸಿದ್ದರು. ಇದಾದ ಬಳಿಕ ಕುಟುಂಬದವರಿಗೆ ಅವರ ಬಗ್ಗೆ ಯಾವುದೇ ಮಾಹಿತಿ ಸಿಕ್ಕಿಲ್ಲ. ಇದೇ ವೇಳೆ ಸೌದಿ ಅರೇಬಿಯಾ ಮೂಲಕ ಧಾರ್ಮಿಕ ಅಧ್ಯಯನಕ್ಕಾಗಿ ಯೆಮೆನ್ ತಲುಪಿದ್ದಾರೆ ಎಂದು ವರದಿಯಾಗಿದೆ. ಶಬೀರ್ ಮತ್ತು ರಿಜ್ವಾನಾ ಇಲ್ಲಿನ ಭಯೋತ್ಪಾದಕ ಸಂಘಟನೆಗೆ ಸೇರಿಕೊಂಡಿರಬಹುದು ಎಂಬ ಆತಂಕ ಅವರ ಕುಟುಂಬದಲ್ಲಿದೆ. ಇದರಿಂದ ಅವರು ಪೆÇಲೀಸರಿಗೆ ದೂರು ನೀಡಿದ್ದಾರೆ. ಇದರ ಆಧಾರದ ಮೇಲೆ ಪೆÇಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
          ಇವರಲ್ಲದೆ ಪಡನ್ನದ ಮತ್ತಿಬ್ಬರು ಧಾರ್ಮಿಕ ಅಧ್ಯಯನಕ್ಕಾಗಿ ಯಮನ್ ಗೆ ಬಂದಿರುವ ಸೂಚನೆಗಳಿವೆ. ಒಬ್ಬರು ಸೌದಿ ಅರೇಬಿಯಾ ಮೂಲಕ ಯೆಮೆನ್‍ಗೆ ತೆರಳಿದ್ದರೆ,  ಎರಡನೆಯದು ಓಮನ್ ಮೂಲಕ. ಅವರೂ ಭಯೋತ್ಪಾದಕ ಸಂಘಟನೆ ಸೇರಿರುವ ಶಂಕೆ ಇದೆ. ಅವರ ಬಗ್ಗೆಯೂ ತನಿಖೆ ಆರಂಭಿಸಲಾಗಿದೆ.
           2016ರಲ್ಲಿ ಪಡನ್ನ ಮತ್ತು ತ್ರಿಕರಿಪುರದ 21 ಮಂದಿ ಇಸ್ಲಾಮಿಕ್ ಸ್ಟೇಟ್ ಸೇರಿದ್ದರು. ಅವರಲ್ಲಿ ಏಳು ಮಂದಿ ಡ್ರೋನ್ ದಾಳಿಯಲ್ಲಿ ಸಾವನ್ನಪ್ಪಿದ್ದಾರೆ. ಮಹಿಳೆಯರು ಮತ್ತು ಮಕ್ಕಳ ಒಂಬತ್ತು ಸದಸ್ಯರ ಗುಂಪು ಪ್ರಸ್ತುತ ಅಫ್ಘಾನಿಸ್ತಾನದಲ್ಲಿ ಜೈಲಿನಲ್ಲಿದೆ.