ಕಾಸರಗೋಡು: ಶ್ರೀ ಧರ್ಮಶಾಸ್ತಾ ಸೇವಾ ಸಂಘ ಕಸರಗೋಡು ವತಿಯಿಂದ 57ನೇ ವರ್ಷದ ಶ್ರೀ ಅಯ್ಯಪ್ಪ ತಿರುವಿಳಕ್ಕ್ ಉತ್ಸವ ಕಾಸರಗೋಡು ಶ್ರೀ ಮಲ್ಲಿಕಾರ್ಜುನ ದೇವಸ್ಥಾನ ವಠಾರದಲ್ಲಿ ನಡೆಯಿತು. ಶ್ರೀಗಣಪತಿ ಹೋಮದೊಂದಿಗೆ ಕಾರ್ಯಕ್ರಮ ಆರಂಭಗೊಂಡಿತು. ವೇದಮೂರ್ತಿ ಚಂದ್ರಶೇಖರ ನಾವಡ ಬಜಕೂಡ್ಲು ಅವರ ನೇತೃತ್ವದಲ್ಲಿ ಲಕ್ಷಾರ್ಚನೆ ಕಾರ್ಯಕ್ರಮ ನಡೆಯಿತು. ವಿವಿಧ ತಂಡಗಳಿಂದ ಭಜನೆ, ಹರಿನಾಮ ಸಂಕೀರ್ತನೆ, ಸಹಸ್ರನಾಮಾರ್ಚನೆ, ಅಲಂಕಾರ ಪೂಜೆ ನಡೆಯಿತು.
ಶನಿವಾರ ಸಂಜೆ ಕೊರಕ್ಕೋಡು ಶ್ರೀ ಧೂಮವತೀ ದೈವಸ್ಥಾನದಿಂದ ಆರಂಭಗೊಂಡ ಪಾಲಕೊಂಬು ಮೆರವಣಿಗೆ ಎಂಜಿ ರಸ್ತೆ, ನೇತಾಜಿ ರಸ್ತೆ, ಅಶ್ವಿನಿನಗರ, ಕರಂದಕ್ಕಡ್ ಜಂಕ್ಷನ್, ಶಿವಾಜಿ ನಗರ, ಮಠದಪೇಟೆ, ನಾಗರಾಜ ಕಟ್ಟೆದಾರಿಯಾಗಿ ದೇವಸ್ಥಾನ ತಲುಪಿತು. ನಂತರ ವೀರ ಅಭಿಮನ್ಯು ಯಕ್ಷಗಾನ ಬಯಲಾಟ, ತಾಯಂಬಕ, ಅಯ್ಯಪ್ಪನ್ ಗೀತೆ, ಬೇಟೆವಿಳಿ, ಕೆಂಡಸೇವೆ, ನಡೆಯಿತು.
DOCTYPE html>
