ನವದೆಹಲಿ: ಪಾಕಿಸ್ತಾನಿ ಗುಪ್ತಚರ ಸಂಸ್ಥೆ ಐಎಸ್‌ಐಗೆ ಬೇಹುಗಾರಿಕೆ ಕೆಲಸ ಮಾಡುತ್ತಿದ್ದ ಆರೋಪದ ಮೇಲೆ ಸೂರತ್‌ನ ದೀಪಕ್‌ ಕಿಶೋರ್‌ ಭಾಯ್‌ ಸಲುಂಖೆ (33) ಎಂಬಾತನನ್ನು ಗುಜರಾತ್ ಪೊಲೀಸರು ಮಂಗಳವಾರ ಬಂಧಿಸಿದ್ದಾರೆ.
ಪುಣೆ ಮೂಲದ ದಕ್ಷಿಣ ಸೇನಾ ಕಮಾಂಡ್‌ನ ಮಿಲಿಟರಿ ಇಂಟೆಲಿಜೆನ್ಸ್ ನೀಡಿದ ಮಾಹಿತಿ ಆಧರಿಸಿ ವಜ್ರನಗರ ಅಪರಾಧ ದಳದ ಅಧಿಕಾರಿಗಳು ಸೂರತ್‌ನ ಭುವನೇಶ್ವರಿ ನಗರ ವಾಸಿ ದೀಪಕ್‌ನನ್ನು ಬಂಧಿಸಲಾಯಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಸೂರತ್‌ನಲ್ಲಿ ಸಾಯಿ ಫ್ಯಾಷನ್ ಎಂಬ ಹೆಸರಿನಲ್ಲಿ ಅಂಗಡಿ ನಡೆಸುತ್ತಿದ್ದ ದೀಪಕ್‌, ಪಾಕಿಸ್ತಾನ ಮೂಲದ ಇಬ್ಬರು ಹ್ಯಾಂಡ್ಲರ್‌ಗಳಾದ ಹಮೀದ್ ಮತ್ತು ಕಾಶಿಫ್‌ ಅವರೊಂದಿಗೆ ಸಂಪರ್ಕದಲ್ಲಿದ್ದರು ಎಂದು ಮೂಲಗಳು ತಿಳಿಸಿವೆ.
ಮುಂದಿನ ತನಿಖೆ ನಡೆಸಲು ದೀಪಕ್‌ನನ್ನು ಗುಜರಾತ್ ಪೊಲೀಸರ ವಿಶೇಷ ಕಾರ್ಯಾಚರಣೆ ತಂಡಕ್ಕೆ (ಎಸ್‌ಒಜಿ) ಹಸ್ತಾಂತರಿಸಲಾಗಿದೆ.
DOCTYPE html>
