ಕಳಪೆ ಗುಣಮಟ್ಟದ ಸೋಡಾ ತಯಾರಿಸಿ ಮಾರಾಟ; ಶಬರಿಮಲೆಯಲ್ಲಿ ಅಂಗಡಿ ಪರವಾನಗಿ ರದ್ದು; ತಪಾಸಣೆ ತೀವ್ರ

          ಪತ್ತನಂತಿಟ್ಟ: ಶಬರಿಮಲೆಯಲ್ಲಿ ಗುಣಮಟ್ಟವಿಲ್ಲದ ಸೋಡಾ ತಯಾರಿಸಿ ಮಾರಾಟ ಮಾಡುತ್ತಿರುವ ಅಂಗಡಿಯ ಪರವಾನಗಿಯನ್ನು ರದ್ದುಪಡಿಸಲಾಗಿದೆ.
           ಮರಕುಟ್ಟದಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ‘ಅಯ್ಯಪ್ಪಾಸ್ ಸೋಡಾ’ದ ಆಹಾರ ಸುರಕ್ಷತಾ ಪರವಾನಗಿಯನ್ನು ಅಮಾನತುಗೊಳಿಸಲಾಗಿದೆ. ಇಲ್ಲಿಂದ ವಶಪಡಿಸಿಕೊಂಡಿರುವ ಸೋಡಾದಲ್ಲಿ ಅನುಮತಿಗಿಂತ ಹೆಚ್ಚಿನ ಪ್ರಮಾಣದ ಬ್ಯಾಕ್ಟೀರಿಯಾ ಇರುವುದು ಕಂಡುಬಂದ ಹಿನ್ನೆಲೆಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ.
         ಯಾತ್ರಾರ್ಥಿಗಳಿಗೆ ಮತ್ತು ಸಾರ್ವಜನಿಕರಿಗೆ ಸೋಡಾ ನೀಡುವುದು ಅಸುರಕ್ಷಿತ ಎಂದು ಕಂಡು ಬಂದಿದ್ದು, ಆರೋಗ್ಯಕ್ಕೆ ಗಂಭೀರ ಅಪಾಯವಿದೆ ಎಂಬ ವರದಿಯನ್ನು ಆಧರಿಸಿ ಪತ್ತನಂತಿಟ್ಟ ಜಿಲ್ಲಾ ಆಹಾರ ಸುರಕ್ಷತಾ ಸಹಾಯಕ ಆಯುಕ್ತರು ಈ ಕ್ರಮ ಕೈಗೊಂಡಿದ್ದಾರೆ. ಸನ್ನಿಧಾನಂ, ನಿಲಯ್ಕಲ್ ಮತ್ತು ಪಂಬಾದಲ್ಲಿ ಕಾರ್ಯಾಚರಿಸುತ್ತಿರುವ ವ್ಯಾಪಾರ ಸಂಸ್ಥೆಗಳಿಗೆ ಈ ಸಗಟು ವ್ಯಾಪಾರಿಯಿಂದ ಪೂರೈಕೆಯಾಗುವ ಸೋಡಾವನ್ನು ವಾಪಸ್ ತೆಗೆದುಕೊಳ್ಳಬೇಕು ಎಂದು ಆದೇಶದಲ್ಲಿ ತಿಳಿಸಲಾಗಿದೆ.
           ಇಲ್ಲಿಂದ ಸಂಗ್ರಹಿಸಲಾದ ಸೋಡಾ ಮಾದರಿಯನ್ನು ತಿರುವನಂತಪುರಂ ಸರ್ಕಾರಿ ವಿಶ್ಲೇಷಕರ ಪ್ರಯೋಗಾಲಯದಲ್ಲಿ ಪರೀಕ್ಷಿಸಲಾಯಿತು. ಹೆಚ್ಚಿನ ಮಟ್ಟದ ಪ್ಲೇಟ್‍ಲೆಟ್ ಎಣಿಕೆ, ನೀರು ಮತ್ತು ಆಹಾರದಲ್ಲಿನ ಬ್ಯಾಕ್ಟೀರಿಯಾದ ಅಳತೆ, ಪಾನೀಯದಲ್ಲಿ ಕಂಡುಬಂದಿದೆ.
        ಸನ್ನಿಧಾನಂ, ನಿಲಯ್ಕಲ್ ಮತ್ತು ಪಂಬಾ ಆಹಾರ ಸುರಕ್ಷತಾ ಜಾರಿ ದಳದ ನೇತೃತ್ವದಲ್ಲಿ ನಡೆಸಲಾದ ತಪಾಸಣೆಯು ತೀವ್ರವಾಗಿ ಮುಂದುವರಿಯಲಿದೆ ಎಂದು ಕಾರ್ಯನಿರ್ವಾಹಕ ಮ್ಯಾಜಿಸ್ಟ್ರೇಟ್ ತಿಳಿಸಿರುವರು.