ವಾಳಯಾರ್ ಚೆಕ್ ಪೋಸ್ಟ್ ನಲ್ಲಿ ಶಬರಿಮಲೆ ಯಾತ್ರಿಕರಿಂದ ಹಣ ದೋಚುವ ಅಧಿಕಾರಿಗಳು: ಮಿಂಚಿನ ತಪಾಸಣೆ ವೇಳೆ ಲೆಕ್ಕಕ್ಕೆ ಸಿಗದ ಹಣ ವಶ

            ಪಾಲಕ್ಕಾಡ್: ಮೋಟಾರು ವಾಹನ ಇಲಾಖೆಯು (ಎಂವಿಡಿ) ಶಬರಿಮಲೆ ಯಾತ್ರಾರ್ಥಿಗಳ ವಾಹನಗಳಿಂದ ಅಕ್ರಮವಾಗಿ ಹಣವನ್ನು ವಲಾಯರ್‍ನಲ್ಲಿರುವ ಆರ್‍ಟಿಒ ಚೆಕ್ ಪೆÇೀಸ್ಟ್‍ನಲ್ಲಿ ಸಂಗ್ರಹಿಸುತ್ತಿದೆ.
        ದೂರಿನ ಹಿನ್ನೆಲೆಯಲ್ಲಿ ನಿನ್ನೆ ರಾತ್ರಿ ವಿಜಿಲೆನ್ಸ್ ನಡೆಸಿದ ಮಿಂಚಿನ ದಾಳಿಯಲ್ಲಿ ಲೆಕ್ಕಕ್ಕೆ ಸಿಗದ 7,200 ರೂ.ವಶಪಡಿಸಲಾಗಿದೆ.  ತಮಿಳುನಾಡು, ಕರ್ನಾಟಕ, ಆಂಧ್ರ, ಮಹಾರಾಷ್ಟ್ರದಂತಹ ರಾಜ್ಯಗಳ ಅಯ್ಯಪ್ಪ ಭಕ್ತರು ಅಧಿಕಾರಿಗಳಿಗೆ ಹೆದರಿ ಹಣ ಪಾವತಿಸುತ್ತಾರೆ.
          ಶಬರಿಮಲೆ ಯಾತ್ರಾರ್ಥಿಗಳ ವಾಹನಗಳಿಂದ ಮೋಟಾರು ವಾಹನ ಇಲಾಖೆ ಹಣ ವಸೂಲಿ ಮಾಡುತ್ತಿರುವ ಬಗ್ಗೆ ದೂರು ಬಂದ ಹಿನ್ನೆಲೆಯಲ್ಲಿ ಜಾಗೃತ ದಳ ವೇಷ ಮರಸಿ ಯಾತ್ರಾರ್ಥಿಗಳಿಂದ ಮಾಹಿತಿ ಕೇಳಿದೆ. ವಿಜಿಲೆನ್ಸ್ ತಂಡ ನೋಡಿದ ಕೂಡಲೇ ಮೋಟಾರು ವಾಹನ ಇಲಾಖೆ ಅಧಿಕಾರಿ ಹಣ ಹಿಂದಿರುಗಿಸುತ್ತಿರುವ ಸಿಸಿಟಿವಿ ದೃಶ್ಯಾವಳಿ ಹೊರಬಿದ್ದಿದೆ.
           ವಶಪಡಿಸಿಕೊಂಡ 7,200 ರೂ.ಗಳಲ್ಲಿ 6,000 ರೂ. ತನ್ನ ಹಣ ಎಂದು ಚೆಕ್ ಪೆÇೀಸ್ಟ್‍ನ ಕೌಂಟರ್‍ನಲ್ಲಿರುವ ಅಧಿಕಾರಿ ವಿಜಿಲೆನ್ಸ್ ಅಧಿಕಾರಿಗಳೊಂದಿಗೆ ವಾದಿಸಿದರೂ ಯಾವುದೇ ಪ್ರಯೋಜನವಾಗಲಿಲ್ಲ. ಯಾತ್ರಾರ್ಥಿಗಳ ವಾಹನಗಳಿಂದ ನೂರರಿಂದ ಐನೂರು ರೂ.ವಸೂಲುಮಾಡಲಾಗುತ್ತಿತ್ತು.  ಹಣ ಕೊಡಲು ಹಿಂದೇಟು ಹಾಕುವವರನ್ನು ತಪಾಸಣೆಯ ಹೆಸರಿನಲ್ಲಿ ಚೆಕ್ ಪೆÇೀಸ್ಟ್ ನಲ್ಲೇ ದೀರ್ಘಕಾಲ ಹಿಡಿದಿಟ್ಟುಕೊಳ್ಳುವ ದೂರುಗಳೂ ಇವೆ.