ರಾಜಭವನದಲ್ಲಿ ಕ್ರಿಸ್ಮಸ್ ಔತಣ ಕೂಟ: ಮುಖ್ಯಮಂತ್ರಿ ಮತ್ತು ಸಚಿವರಿಗೆ ಆಹ್ವಾನ

            ತಿರುವನಂತಪುರಂ: ರಾಜ್ಯಪಾಲ ಆರಿಫ್ ಮುಹಮ್ಮದ್ ಖಾನ್ ಅವರು ಮುಖ್ಯಮಂತ್ರಿ ಮತ್ತು ಸಚಿವರನ್ನು ಕ್ರಿಸ್ಮಸ್ ಔತಣ ಕೂಟಕ್ಕೆ ಆಹ್ವಾನಿಸಿದ್ದಾರೆ.
           ಸರ್ಕಾರದ ಜತೆಗಿನ ಕಾನೂನು ಹೋರಾಟದ ಮಧ್ಯೆ ವಾರ್ಷಿಕ ಕ್ರಮಗಳಿಗೆ ಯಾವುದೇ ಸಮಸ್ಯೆಗಳು ಇದರಿಂದ ಉಂಟಾಗಿಲ್ಲ.  14ರಂದು ಸಂಜೆ 5 ಗಂಟೆಗೆ ರಾಜಭವನದಲ್ಲಿ ಕಾರ್ಯಕ್ರಮ ನಡೆಯಲಿದೆ.
           ವಿವಿಧ ಕ್ರೈಸ್ತ ಪಂಗಡಗಳ ಧಾರ್ಮಿಕ ಮುಖಂಡರು ಹಾಗೂ ಮುಖ್ಯ ಕಾರ್ಯದರ್ಶಿ ಸೇರಿದಂತೆ ಉನ್ನತ ಮಟ್ಟದ ಅಧಿಕಾರಿಗಳನ್ನು ಕಾರ್ಯಕ್ರಮಕ್ಕೆ ಆಹ್ವಾನಿಸಲಾಗುವುದು ಎಂದು ತಿಳಿಸಲಾಗಿದೆ. ಆದರೆ ಮುಖ್ಯಮಂತ್ರಿ ಹಾಗೂ ಇತರೆ ಸಚಿವರು ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತಾರೆಯೇ ಎಂಬುದು ಸ್ಪಷ್ಟವಾಗಿಲ್ಲ.
          ಓಣಂ ಆಚರಣೆಗೆ ರಾಜ್ಯಪಾಲರನ್ನು ಸರ್ಕಾರ ಆಹ್ವಾನಿಸದ ಘಟನೆ ಹಲವು ವಿವಾದಗಳಿಗೆ ಕಾರಣವಾಗಿತ್ತು. ಪ್ರತಿ ವರ್ಷ ಓಣಂ ಕಾರ್ಯಕ್ರಮಕ್ಕೆ ರಾಜ್ಯಪಾಲರು ಮತ್ತು ಅವರ ಪತ್ನಿ ಮುಖ್ಯ ಅತಿಥಿಗಳು. ಆದರೆ ಈ ಬಾರಿ ಸರ್ಕಾರ ಅಧಿಕೃತವಾಗಿ ರಾಜ್ಯಪಾಲರನ್ನು ಆಹ್ವಾನಿಸಿರಲಿಲ್ಲ. ನಂತರ ರಾಜ್ಯಪಾಲರು ಅಟ್ಟಪಾಡಿಯ ಅರಣ್ಯವಾಸಿಗಳೊಂದಿಗೆ ಓಣಂ ಆಚರಿಸಿದರು.