ಏಕಾಂಗಿ ಸೈಕಲ್ ಯಾತ್ರೆ: ಕಾಸರಗೋಡಿಗೆ ಭೇಟಿ ನೀಡಿದ ಆಶಾ ಮಾಳವ್ಯಾ

        ಕಾಸರಗೋಡು: ಸಾಹಸ ಪ್ರಯಾಣ, ಮಹಿಳಾ ಸುರಕ್ಷತೆ ಮತ್ತು ಮಹಿಳಾ ಸಬಲೀಕರಣದ ಸಂದೇಶವನ್ನು ಸಾರಲು ದೇಶಾದ್ಯಂತ ಏಕಾಂಗಿಯಾಗಿ ಸೈಕಲ್ ಸವಾರಿ ನಡೆಸುತ್ತಿರುವ ಮಧ್ಯಪ್ರದೇಶದ ಪರ್ವತಾರೋಹಿ ಮತ್ತು ದಾಖಲೆಗಳ ಪುಸ್ತಕ ವಿಜೇತ ಆಶಾ ಮಾಳವ್ಯ ಅವರು ಕರ್ನಾಟಕ ಪ್ರವಾಸದ ನಂತರ ನಿನ್ನೆ ಕಾಸರಗೋಡು ತಲುಪಿದರು.
          ಭಾರತದ ಪ್ರತಿ ರಾಜ್ಯದಲ್ಲಿ 20,000 ಕಿ.ಮೀ ಕ್ರಮಿಸುವ ಈ 24 ವರ್ಷದ ಯುವತಿಯ ಪ್ರಯಾಣಕ್ಕೆ ಜಿಲ್ಲಾಡಳಿತ, ಜಿಲ್ಲಾ ಪೋಲೀಸ್, ಜಿಲ್ಲಾ ಪ್ರವಾಸೋದ್ಯಮ ಪ್ರಮೋಷನ್ ಕೌನ್ಸಿಲ್ ಮತ್ತು ಕಾಸರಗೋಡು ಪೆಡ್ಲರ್ಸ್ ಕ್ಲಬ್ ಅಗತ್ಯ ನೆರವು ನೀಡಿವೆ.

       ಪ್ರವಾಸವು ಬೇಕಲ ತಲುಪಿದ್ದು, ಜಿಲ್ಲಾ ಸೈಕ್ಲಿಂಗ್ ಅಸೋಸಿಯೇಷನ್ ಸ್ವಾಗತಿಸಿತು. ಶಾಸಕ ಸಿ.ಎಚ್.ಕುಂಞಂಬು, ಉದುಮ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಪಿ.ಲಕ್ಷ್ಮಿ, ಬೇಕಲ ಎಸ್‍ಐ ರಜನೀಶ್ ಮಾಧವನ್, ಕಾಸರಕೋಡು ಸೈಕ್ಲಿಂಗ್ ಅಸೋಸಿಯೇಶನ್ ಉಪಾಧ್ಯಕ್ಷ ಮೂಸಾ ಪಾಲಕುನ್ನು ಪಸ್ಥಿತರಿದ್ದರು.

         ಕಾಸರಗೋಡು ಪೆಡ್ಲರ್ಸ್ ಕ್ಲಬ್ ಸದಸ್ಯರು  ಬೆಳಗ್ಗೆ ಕಾಞಂಗಾಡ್‍ನಿಂದ ಪಯ್ಯನ್ನೂರಿನವರೆಗೆ ಕಳುಹಿಸಿ ಶುಭಹಾರೈಸಿದರು. ಭಾರತದ ಯುವತಿಯರು ಮತ್ತು ಮಹಿಳೆಯರು ಮನೆಯಲ್ಲಿ ಉಳಿಯುವ ಬದಲು ಹೆಚ್ಚು ಪ್ರಯಾಣಿಸಲು ಆಸಕ್ತಿ ವಹಿಸಬೇಕು, ಪ್ರಯಾಣವು ಜ್ಞಾನ ಮತ್ತು ಆನಂದವನ್ನು ನೀಡುತ್ತದೆ ಎಂದು ಆಶಾ ಮಾಳವ್ಯ ಹೇಳಿದರು ಮತ್ತು ತಮ್ಮ ಅನುಭವದಲ್ಲಿ, ಮಹಿಳೆಯರು ಒಂಟಿಯಾಗಿ ಪ್ರಯಾಣಿಸಲು ಭಾರತವು ಸುರಕ್ಷಿತವಾಗಿದೆ. ವಿವಿಧ ರಾಜ್ಯಗಳ ಮುಖ್ಯಮಂತ್ರಿಗಳು ಹಾಗೂ ಪ್ರವಾಸೋದ್ಯಮ ಇಲಾಖೆ ಸಚಿವರನ್ನು ಭೇಟಿ ಮಾಡುವ ಮೂಲಕ ಮಾಳವ್ಯ ಅವರ ಪಯಣ ಸಾಗುತ್ತಿದೆ.