ಕುತ್ತಿಕೋಲ್, ಕರಿವೇಡಗಂ ಮತ್ತು ಬಂದಡ್ಕ ಗ್ರಾಮ ಕಚೇರಿಗಳಿಗೆ ಜಿಲ್ಲಾಧಿಕಾರಿ ಭೇಟಿ

              ಕಾಸರಗೋಡು: ಜಿಲ್ಲಾಧಿಕಾರಿ ಭಂಡಾರಿ ಸ್ವಾಗತ್ ರಣವೀರಚಂದ್ ಅವರು ಗ್ರಾಮ ಕಚೇರಿಗಳ ಕಾರ್ಯವಿಧಾನಗಳನ್ನು ಮೌಲ್ಯಮಾಪನ ಮಾಡಲು ಮತ್ತು ಸಾರ್ವಜನಿಕ ದೂರುಗಳನ್ನು ಪರಿಹರಿಸಲು ಗ್ರಾಮ ಕಚೇರಿಗಳಿಗೆ ಭೇಟಿ ನೀಡುವುದನ್ನು ಮುಂದುವರೆಸಿದ್ದಾರೆ. ಕುತ್ತಿಕೋಲ್, ಕರಿವೇಡಗಂ ಮತ್ತು ಬಂದಡ್ಕ  ಗ್ರಾಮ ಕಚೇರಿಗಳಿಗೆ ಗುರುವಾರ ಜಿಲ್ಲಾಧಿಕಾರಿ ಭೇಟಿ ನೀಡಿದರು. ಕುತ್ತಿಕೋಲ್ ಗ್ರಾಮ ಕಚೇರಿಗೆ ಭೂ ಸಕ್ರಮ, ಭೂ ಒತ್ತುವರಿ ಹಾಗೂ ಹೆಚ್ಚುವರಿ ಭೂಮಿಗೆ ಸಂಬಂಧಿಸಿದಂತೆ 14 ಅರ್ಜಿಗಳು ಬಂದಿದ್ದವು. ಅರ್ಜಿಗಳನ್ನು ಸ್ವೀಕರಿಸಿದ ನಂತರ ಕುತ್ತಿಕೋಲ್ ಗ್ರಾಮದ ಕಡು ಬಡತನ ಪಟ್ಟಿಗೆ ಸೇರಿರುವ ಮೋಲಿ ಥಾಮಸ್ ಅವರ ಮನೆಗೆ ಭೇಟಿ ನೀಡಿದರು.
          ನಂತರ ಕರಿವೇಡಗಂ ಮತ್ತು ಬಂದಡ್ಕ ಗ್ರಾಮ ಕಚೇರಿಗಳಿಗೆ ಜಿಲ್ಲಾಧಿಕಾರಿ ಭೇಟಿ ನೀಡಿದರು. ಕರಿವೇಡಗಂ ಗ್ರಾಮ ಕಚೇರಿಯಿಂದ 14 ಅರ್ಜಿಗಳನ್ನು ಜಿಲ್ಲಾಧಿಕಾರಿ ಸ್ವೀಕರಿಸಿದರು. ಬಂದಡ್ಕ ಗ್ರಾಮ ಕಚೇರಿಯಿಂದ ಯಾವುದೇ ದೂರುಗಳು ಬಂದಿಲ್ಲ. ಕರಿವೇಡಗಂ ಗ್ರಾಮಾಧಿಕಾರಿ ಹುದ್ದೆ ಏಳು ತಿಂಗಳಿನಿಂದ ಖಾಲಿ ಇದೆ. ಪ್ರಸ್ತುತ ಕುತ್ತಿಕೋಲ್ ಗ್ರಾಮಾಧಿಕಾರಿಗೆ ಹೆಚ್ಚುವರಿ ಜವಾಬ್ದಾರಿ ನಿರ್ವಹಿಸುತ್ತಿದ್ದಾರೆ. ಖಾಲಿ ಇರುವ ಹುದ್ದೆ ಭರ್ತಿಗೆ ಕ್ರಮಕೈಗೊಳ್ಳಲಾಗುವುದು ಎಂದು ಜಿಲ್ಲಾಧಿಕಾರಿ ತಿಳಿಸಿದರು.