ವಂಚನೆ ಪ್ರಕರಣ; ನಟ ಸೋಬಿ ಜಾರ್ಜ್‍ಗೆ ಮೂರು ವರ್ಷ ಜೈಲು ಶಿಕ್ಷೆ

             ಕೊಚ್ಚಿ: ಅಮೆರಿಕದಲ್ಲಿ ಕೆಲಸ ಕೊಡಿಸುವುದಾಗಿ ವಂಚಿಸಿದ ಪ್ರಕರಣದಲ್ಲಿ ನಟ ಸೋಬಿ ಜಾರ್ಜ್ ಮತ್ತು ಎಡಕೊಚ್ಚಿ ಮೂಲದ ಪೀಟರ್ ವಿಟ್ಸನ್ ಅವರಿಗೆ ನ್ಯಾಯಾಲಯ ಮೂರು ವರ್ಷ ಕಠಿಣ ಜೈಲು ಶಿಕ್ಷೆ ಮತ್ತು 10 ಸಾವಿರ ದಂಡ ವಿಧಿಸಿದೆ.
        ತೊಪ್ಪುಂಪಾಡಿ ಕೊಚ್ಚಿ ಜುಡಿಷಿಯಲ್ ಪ್ರಥಮ ದರ್ಜೆ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ ಶಿಕ್ಷೆ ವಿಧಿಸಿದೆ. ಎಡಕೊಚ್ಚಿ ಮೂಲದವರಿಂದ ಎರಡೂವರೆ ಲಕ್ಷ ರೂಪಾಯಿ ವಂಚನೆ ನಡೆಸಿರುವುದು ಪ್ರಕರಣ.
         ಪ್ರಕರಣದಲ್ಲಿ ಸೋಬಿ ಮತ್ತು ಪೀಟರ್ ಮೊದಲ ಹಾಗೂ ಮೂರನೇ ಆರೋಪಿಗಳಾಗಿದ್ದಾರೆ. ಸೋಬಿ ಅವರ ತಾಯಿ ಚಿನ್ನಮ್ಮ ಜಾರ್ಜ್ ಪ್ರಕರಣದಲ್ಲಿ ಎರಡನೇ ಆರೋಪಿಯಾಗಿದ್ದಾರೆ. ಅವರು ನ್ಯಾಯಾಲಯಕ್ಕೆ ಹಾಜರಾಗಿರಲಿಲ್ಲ. ಅವರಿಗೆ ಬಂಧನ ವಾರಂಟ್ ಜಾರಿ ಮಾಡಲಾಗಿದೆ. ಪ್ರಕರಣಕ್ಕೆ ಸಂಬಂಧಿಸಿದ ಘಟನೆ 2014ರಲ್ಲಿ ನಡೆದಿತ್ತು. ಪ್ರಕರಣದ ತನಿಖೆಯನ್ನು ಪಾಲರುತಿ ಪೋಲೀಸರು ನಡೆಸಿದ್ದರು.