ನವದೆಹಲಿ: ಭಾರತ ಮತ್ತು ಪಾಕಿಸ್ತಾನದ ನಡುವಿನ ರೈಲು ಪ್ರಯಾಣಕ್ಕೆ ಸಂಬಂಧಿಸಿದ ರೈಲು ಟಿಕೆಟ್ನ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಆದರೆ, ಆ ಟಿಕೆಟ್ ಪ್ರಸ್ತುತ ಸಮಯದಲ್ಲ, ಅದು ಭಾರತಕ್ಕೆ ಸ್ವಾತಂತ್ರ ಬಂದ ಕಾಲದ್ದು.
ಅದರಲ್ಲಿರುವ ಟಿಕೆಟ್ನ ಪ್ರಯಾಣ ದರ ನೋಡಿ ಎಲ್ಲರು ಚಕಿತರಾಗಿದ್ದಾರೆ.
ಪ್ರಸ್ತುತ ಬೆಲೆ ಏರಿಕೆಯ ಬಗ್ಗೆ ದೇಶದಲ್ಲಿ ಭಾರಿ ಚರ್ಚೆಯಾಗುತ್ತಿದೆ. ಪೆಟ್ರೋಲ್-ಡೀಸೆಲ್ ದರ ಏರಿಕೆಯಿಂದ ಅಗತ್ಯ ವಸ್ತುಗಳು ಮಾತ್ರವಲ್ಲದೆ, ಸಾರಿಗೆ ಸೌಲಭ್ಯ ದರವೂ ಏರಿಕೆಯಾಗಿರುವುದರಿಂದ ಜನ ಸಾಮಾನ್ಯರಿಗೆ ಹೊರೆಯಾಗಿದೆ. ಈ ಬಗ್ಗೆ ಪರ-ವಿರೋಧ ಚರ್ಚೆಯಾಗುತ್ತಿರುವುದರ ನಡುವೆಯೇ 1947ನೇ ಇಸವಿಗೆ ಸಂಬಂಧಿಸಿದ ಭಾರತ-ಪಾಕಿಸ್ತಾನ ನಡುವಿನ ರೈಲು ಪ್ರಯಾಣಕ್ಕೆ ವಿಧಿಸಿದ ಟಿಕೆಟ್ನ ಫೋಟೋ ಜಾಲತಾಣದಲ್ಲಿ ಹರಿದಾಡುತ್ತಿದೆ.
'ಪಾಕಿಸ್ತಾನ ರೈಲು ಲವರ್ಸ್' ಹೆಸರಿನ ಫೇಸ್ಬುಕ್ ಪೇಜ್ನಲ್ಲಿ ಟಿಕೆಟ್ ಅನ್ನು ಶೇರ್ ಮಾಡಲಾಗಿದೆ. ರೈಲು ಟಿಕೆಟ್ ಅನ್ನು 17-09-1947ರ ಸ್ವಾತಂತ್ರ್ಯದ ಬಳಿಕ ಪಾಕಿಸ್ತಾನದ ರಾವಲ್ಪಿಂಡಿಯಿಂದ ಅಮೃತಸರಕ್ಕೆ ಪ್ರಯಾಣಿಸುತ್ತಿದ್ದ 9 ಮಂದಿಗೆ ವಿತರಿಸಲಾಗಿದೆ. 9 ಜನರಿಗೆ 36 ರೂಪಾಯಿ ಮತ್ತು 9 ಅಣೆಗಳನ್ನು ಚಾರ್ಜ್ ಮಾಡಲಾಗಿದೆ. ಬಹುಶಃ ಕುಟುಂಬವೊಂದು ಭಾರತಕ್ಕೆ ವಲಸೆ ಹೋಗುತ್ತಿತ್ತು ಎಂದು ಬರೆಯಲಾಗಿದೆ.
9 ಜನರಿಗೆ 36 ರೂಪಾಯಿ ಅಂದರೆ ಒಬ್ಬರಿಗೆ 4 ರೂ. ಆಗುತ್ತಿತ್ತು. ಟಿಕೆಟ್ ಫೋಟೋ ನೋಡಿದ ಕೆಲವರು ಕೇವಲ 4 ರೂ.ಗೆ ಪಾಕಿಸ್ತಾನದಿಂದ ಭಾರತಕ್ಕೆ ಬರಬಹುದಿತ್ತಾ ಎಂದು ಹುಬ್ಬೇರಿಸಿದ್ದಾರೆ. ಇನ್ನು ಕೆಲವರು, ಆ ಕಾಲಕ್ಕೆ 4 ರೂ. ಮೌಲ್ಯ ಕಡಿಮೆಯೇನಲ್ಲ. ಅದು ಕೂಡ ದುಬಾರಿಯೇ ಎಂದಿದ್ದಾರೆ.
DOCTYPE html>
