ಶುಚಿತ್ವ ಮಿಷನ್ "ಹ್ಯಾಕಥಾನ್": 31ರ ವರೆಗೆ ಅರ್ಜಿ ಸಲ್ಲಿಕೆಗೆ ಅವಕಾಶ

 
 
 



           ಕಾಸರಗೋಡು: ಕೇರಳವನ್ನು ಸಂಪೂರ್ಣ ತ್ಯಾಜ್ಯ ಮುಕ್ತ ರಾಜ್ಯವನ್ನಾಗಿ ಮಾಡುವ ಪ್ರಯತ್ನಗಳನ್ನು ಕೇಂದ್ರೀಕರಿಸಿ ಸ್ಥಳೀಯಾಡಳಿತ ಇಲಾಖೆ ವತಿಯಿಂದ ಶುಚಿತ್ವಮಿಷನ್ ನೇತೃತ್ವದಲ್ಲಿ ಎರ್ನಾಕುಳಂನ ಮರೈನ್ ಡ್ರೈವ್‍ನಲ್ಲಿ ಫೆಬ್ರವರಿ 4 ರಿಂದ 6 ರವರೆಗೆ ತ್ಯಾಜ್ಯ ನಿರ್ವಹಣೆ ತಂತ್ರಜ್ಞಾನಗಳ ಜಾಗತಿಕ ಪ್ರದರ್ಶನವನ್ನು ಆಯೋಜಿಸಲಾಗಿದೆ.
             ಘನ ಮತ್ತು ದ್ರವ ತ್ಯಾಜ್ಯ ನಿರ್ವಹಣೆ ಕ್ಷೇತ್ರದಲ್ಲಿ ಅಗತ್ಯ ವ್ಯವಸ್ಥೆಗಳ ಅನುಷ್ಠಾನದ ಅಂಗವಾಗಿ ಕಾಲೇಜಿನ ವಿದ್ಯಾರ್ಥಿಗಳಿಗೆ ಹ್ಯಾಕಥಾನ್ ಆಯೋಜಿಸಲಾಗುವುದು. ತ್ಯಾಜ್ಯ ನಿರ್ವಹಣೆಯ ಕ್ಷೇತ್ರದಲ್ಲಿ ಸಮಕಾಲೀನ ಸಮಸ್ಯೆಗಳನ್ನು ಪರಿಹರಿಸಲು ಆಲೋಚನೆಗಳನ್ನು ಸೃಷ್ಟಿಸುವ ನಿಟ್ಟಿನಲ್ಲಿ ಹ್ಯಾಕಥಾನ್ ನಡೆಯಲಿದೆ. ಫೆಬ್ರವರಿ 5 ರಂದು ನಡೆಯಲಿರುವ ಗ್ಲೋಬಲ್ ಎಕ್ಸ್‍ಪೆÇೀದಲ್ಲಿ ಅತ್ಯುತ್ತಮ ಆಯ್ಕೆಯಾದ ವಿಚಾರಗಳನ್ನು ಪ್ರಸ್ತುತಪಡಿಸಲಾಗುತ್ತದೆ. ಕಲ್ಪನೆಗಳು ಮತ್ತು ಅಭಿವ್ಯಕ್ತಿಯ ತಾಜಾತನ ಮತ್ತು ಆಳಪ್ರಾಮುಖ್ಯತೆ, ಅನುಷ್ಠಾನದ ಕಾರ್ಯಸಾಧ್ಯತೆ, ಪ್ರಾಯೋಗಿಕತೆ, ಭವಿಷ್ಯದ ನಿರೀಕ್ಷೆಗಳು ಮತ್ತು ವಾಣಿಜ್ಯ ಕಾರ್ಯಸಾಧ್ಯತೆಯಂತಹ ಅಂಶಗಳ ಆಧಾರದ ಮೇಲೆ ತಜ್ಞರ ಸಮಿತಿಯು ನಿರ್ಧಾರವನ್ನು ತೆಗೆದುಕೊಳ್ಳುತ್ತದೆ. ಪ್ರಥಮ, ದ್ವಿತೀಯ ಮತ್ತು ತೃತೀಯ ಸ್ಥಾನಗಳಿಗೆ ಕ್ರಮವಾಗಿ 25 000, 15 000 ಮತ್ತು 10 000 ನಗದು ಪ್ರಶಸ್ತಿ ಮತ್ತು ಪ್ರಮಾಣಪತ್ರ ಹೊಂದಿರಲಿದೆ.  ಲಿಂಕ್  https://suchitwamission.org/see-all ಅಪ್ಲಿಕೇಶನ್ ಸಲ್ಲಿಸಲು ಜನವರಿ 31 ಕೊನೆಯ ದಿನಾಂಕವಾಗಿದ್ದು, ನೋಂದಣಿ ಉಚಿತವಾಗಿರಲಿದೆ.