ಅಮೆರಿಕ: ಚಂಡಮಾರುತ- 9 ಜನರ ಸಾವು

 

         ಸೆಲ್ಮಾ : ಅಮೆರಿಕದ ಜಾರ್ಜಿಯಾ ಮತ್ತು ಅಲಬಾಮಾದಲ್ಲಿ ಚಂಡಮಾರುತಕ್ಕೆ ಸಿಲುಕಿ 9 ಮಂದಿ ಮೃತಪಟ್ಟಿದ್ದಾರೆ. ಕುಸಿದು ಬಿದ್ದ ಮನೆಗಳಲ್ಲಿ ಸಿಲುಕಿದವರನ್ನು ರಕ್ಷಣಾ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ ಹೊರಗೆಳೆಯುತ್ತಿದ್ದಾರೆ.

                 ಬದುಕುಳಿದವರು ಭಗ್ನಾವಶೇಷಗೊಂಡ ಮನೆಗಳಲ್ಲಿ ಅಳಿದುಳಿದ ವಸ್ತುಗಳನ್ನು ಹುಡುಕುತ್ತಿದ್ದಾರೆ.

ಚಂಡಮಾರುತವು ಪ್ರತಿ ಗಂಟೆಗೆ 218 ಕಿ.ಮೀ ವೇಗದಲ್ಲಿ ಬೀಸುತ್ತಿದೆ ಎಂದು ಹವಾಮಾನ ಮುನ್ಸೂಚನೆ ಇಲಾಖೆ ತಿಳಿಸಿದೆ.

                'ಕನಿಷ್ಠ 12 ಮಂದಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. 'ಮೊಬೈಲ್‌ ಹೋಂ' ಸೇರಿದಂತೆ 40 ಮನೆಗಳು ಹಾನಿಗೊಳಗಾಗಿವೆ' ಎಂದು ಅಟಾಗ ಕೌಂಟಿಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.