ಹೈಕೋರ್ಟಿನ ನ್ಯಾಯಾಧೀಶರಿಗೆ ಲಂಚ ನೀಡಲು ವಕೀಲರಿಂದ ಲಂಚ ಸ್ವೀಕಾರ ಎಂದು ಆರೋಪ: ರಾಜ್ಯದಲ್ಲಿ ಪ್ರಥಮ ಬಾರಿಗೆ ವಕೀಲರ ವಿರುದ್ಧ ಪೋಲೀಸ್ ತನಿಖೆ

            ಕೊಚ್ಚಿ: ಅತ್ಯಾಚಾರ ಪ್ರಕರಣದಲ್ಲಿ ಭಾಗಿಯಾದ ಸಿನಿಮಾ ನಿರ್ಮಾಪಕರಿಂದ ಹೈಕೋರ್ಟ್ ನ್ಯಾಯಾಧೀಶರಿಗೆ ಲಂಚ ಕೊಡಲು ಲಂಚ ಪಡೆದಿದ್ದಾರೆ ಎಂಬ ಗಂಭೀರ ಆರೋಪ ಕೇಳಿಬಂದಿದೆ.
            ಘಟನೆಯಲ್ಲಿ ವಕೀಲರ ಸಂಘದ ಪದಾಧಿಕಾರಿ ವಿರುದ್ಧ ಪೋಲೀಸರು ಪ್ರಾಥಮಿಕ ತನಿಖೆ ಆರಂಭಿಸಿದ್ದಾರೆ. ಕೊಚ್ಚಿ ನಗರ ಪೋಲೀಸ್ ಆಯುಕ್ತರು ತನಿಖೆ ನಡೆಸುತ್ತಿದ್ದಾರೆ. ಹೈಕೋರ್ಟ್ ರಿಜಿಸ್ಟ್ರಾರ್ ಪ್ರತಿ ಪತ್ರ ಆಧರಿಸಿ ಡಿಜಿಪಿ ತನಿಖೆಗೆ ಆದೇಶಿಸಿದ್ದಾರೆ.
         ಹೈಕೋರ್ಟ್ ಮನವಿ ಮೇರೆಗೆ ವಕೀಲರೊಬ್ಬರ ವಿರುದ್ಧ ಪೋಲೀಸರು ತನಿಖೆ ನಡೆಸುತ್ತಿರುವುದು ರಾಜ್ಯದಲ್ಲಿ ಇದೇ ಮೊದಲು. ಪ್ರಾಥಮಿಕ ತನಿಖೆ ನಡೆಸಿ ವರದಿ ಸಲ್ಲಿಸಿದ ನಂತರ ಪ್ರಕರಣ ದಾಖಲಿಸಿಕೊಳ್ಳಲಾಗುವುದು. ನ್ಯಾಯಾಧೀಶರ ದೂರಿನ ಆಧಾರದ ಮೇಲೆ ಹೈಕೋರ್ಟ್ ಈ ಹಿಂದೆ ವಿಜಿಲೆನ್ಸ್ ತನಿಖೆ ನಡೆಸಿತ್ತು. ಇದರಲ್ಲಿ ವಕೀಲರ ವಿರುದ್ಧ ಪ್ರಾಥಮಿಕ ಸಾಕ್ಷಿಯೂ ಸಿಕ್ಕಿದೆ.
           ವಕೀಲರ ಸಂಘದ ಪದಾಧಿಕಾರಿಯಾಗಿ ಇತ್ತೀಚೆಗೆ ಆಯ್ಕೆಯಾಗಿರುವ ವಕೀಲರ ವಿರುದ್ಧ ಈ ಆರೋಪ ಕೇಳಿಬಂದಿದೆ. ನ್ಯಾಯಾಧೀಶರಿಗೆ ಪಾವತಿಸಲು ಅತ್ಯಾಚಾರ ಪ್ರಕರಣದಲ್ಲಿ ಭಾಗಿಯಾಗಿರುವ ಚಲನಚಿತ್ರ ನಿರ್ಮಾಪಕರಿಂದ ಹಣವನ್ನು ತೆಗೆದುಕೊಂಡಿರುವರೆಂದು ಆರೋಪ. ವಿಜಿಲೆನ್ಸ್ ರಿಜಿಸ್ಟ್ರಾರ್ ಅವರ ತನಿಖಾ ವರದಿಯ ನಂತರ, ಪೂರ್ಣ ನ್ಯಾಯಾಲಯವು ಈ ವಿಷಯವನ್ನು ಪೆÇಲೀಸ್ ತನಿಖೆಗೆ ಬಿಡಲು ನಿರ್ಧರಿಸಿತು.