ಪೋಲೀಸರ ಮೇಲೆ ನಿಗಾ ಇಡಲು ಅಳವಡಿಸಿರುವ ಕ್ಯಾಮೆರಾ ವ್ಯವಸ್ಥೆ ನಿರುಪಯುಕ್ತ; ಕೋಟ್ಯಂತರ ರೂ. ವೆಚ್ಚದ ಕ್ಯಾಮೆರಾ ಕೇರಳ ಪೋಲೀಸರು ಏನು ಮಾಡಿದರು ಎಂಬುದನ್ನು ವಿವರಿಸಲು ಸೋತ ಸರ್ಕಾರ

          ತಿರುವನಂತಪುರಂ: ಸಾರ್ವಜನಿಕ ಸ್ಥಳಗಳಲ್ಲಿ ಕರ್ತವ್ಯ ನಿರ್ವಹಿಸುವ ಪೋಲೀಸರ ಸಂವಹನದ ಮೇಲೆ ನಿಗಾ ಇಡಲು ಅಳವಡಿಸಲಾಗಿದ್ದ ಕ್ಯಾಮೆರಾ ವ್ಯವಸ್ಥೆಯನ್ನು ಸ್ಥಗಿತಗೊಳಿಸಲಾಗುತ್ತಿದೆ.
          1 ಕೋಟಿ ವೆಚ್ಚದಲ್ಲಿ ಖರೀದಿಸಿದ ಬಾಡಿ ಪೋರ್ ಕ್ಯಾಮೆರಾಗಳು ಬಳಕೆಯಾಗದೆ ಬಿದ್ದಿವೆ. ವಾಹನ ತಪಾಸಣೆ ವೇಳೆ ಪೋಲೀಸ್ ಅಧಿಕಾರಿಗಳು ಗೌರವಯುತವಾಗಿ ನಡೆದುಕೊಳ್ಳುತ್ತಿದ್ದಾರೆಯೇ ಎಂಬ ಬಗ್ಗೆ ನಿಗಾ ಇಡಲು ಹಾಗೂ ಪೋಲೀಸರ ಮೇಲೆ ಹಲ್ಲೆ ನಡೆದರೆ ಸಾಕ್ಷ್ಯ ಪಡೆಯಲು ಯೋಜನೆ ಜಾರಿಗೊಳಿಸಲಾಗಿತ್ತು.
         ತಾಂತ್ರಿಕ ಪರೀಕ್ಷೆ ನಡೆಸದೆ ಕೇರಳ ಪೋಲೀಸರು ಕ್ಯಾಮೆರಾಗಳನ್ನು ಖರೀದಿಸಿದ್ದಾರೆ ಎಂಬ ಆರೋಪ ಕೇಳಿಬಂದಿತ್ತು. ಕೇರಳ ಪೆÇಲೀಸ್ ಯೋಜನೆಗಾಗಿ ಎರಡು ಕಂಪನಿಗಳಿಂದ ಸುಮಾರು 310 ಕ್ಯಾಮೆರಾಗಳನ್ನು ಖರೀದಿಸಲಾಗಿತ್ತು. ಇವುಗಳಲ್ಲಿ 180 ಕ್ಯಾಮೆರಾಗಳು ಲೈವ್ ಸ್ಟ್ರೀಮಿಂಗ್ ವ್ಯವಸ್ಥೆಯನ್ನು ಸಹ ಹೊಂದಿದ್ದವು. ಕ್ಯಾಮೆರಾಗಳನ್ನು ಖರೀದಿಸಲು ಒಟ್ಟು 99,50,055 ರೂ.ವೆಚ್ಚವಾಗಿದೆ.À ಆದರೆ ಯೋಜನೆಯ ಜಾರಿ ವಾರಗಳಷ್ಟೇ ಕಾಲ ನಿರ್ವಹಿಸಲ್ಪಟ್ಟಿದೆ. ಅಧಿಕ ಬಿಸಿ ವ್ಯಾಪಕ ದೂರುಗಳ ನಂತರ ದೇಹಕ್ಕೆ ಧರಿಸಿರುವ ಕ್ಯಾಮೆರಾಗಳ ಬಳಕೆಯನ್ನು ನಿಲ್ಲಿಸಲಾಯಿತು.
           ಬಹುತೇಕ ಎಲ್ಲಾ ಜಿಲ್ಲೆಗಳ ಪೋಲೀಸರು ಈ ಸಮಸ್ಯೆಯನ್ನು ಉಲ್ಲೇಖಿಸಿ ಬಳಸುವುದನ್ನು ನಿಲ್ಲಿಸಿದರು. ತಾಂತ್ರಿಕ ತೊಂದರೆಗಳಿದ್ದಲ್ಲಿ ಟೆಂಡರ್ ಹಿಂಪಡೆಯುವ ಷರತ್ತು ಜಾರಿಗೊಳಿಸಲು ಪೋಲೀಸರು ಪ್ರಯತ್ನಿಸಿಲ್ಲ ಎಂಬ ದೂರುಗಳೂ ಕೇಳಿಬಂದಿವೆ. ಸಾರ್ವಜನಿಕರ ದುರ್ವರ್ತನೆಗಳನ್ನು ಹಿಡಿಯುವ ವ್ಯವಸ್ಥೆಯಾಗಿರುವುದರಿಂದ ಕ್ಯಾಮರಾಗಳ ಬಳಕೆಗೆ ಹಲವರು ವಿರೋಧ ವ್ಯಕ್ತಪಡಿಸಿದ್ದರು. ಬಳಕೆಯಾಗದ ಕ್ಯಾಮೆರಾಗಳು ಏನಾಯಿತು ಎಂಬುದನ್ನು ಸರ್ಕಾರ ಇನ್ನೂ ಬಹಿರಂಗಪಡಿಸಿಲ್ಲ.